Nirmalamma Grandson: తెలుగు సినిమా పరిశ్రమలో ఎంతగానో..నటనా ప్రావీణ్యం గల నిర్మలమ్మ, అనేక పాత్రలలో తనదైన ముద్ర వేసుకుంది. అయితే ఆమె మనవడు కూడా సినీ రంగంలో అడుగుపెట్టాడు. అతను ఎవరో తెలుసుకోవాలంటే ఈ కథనాన్ని చదవండి.
తెలుగు సినిమా రంగంలో చిరస్థాయిగా నిలిచిపోయిన నటీమణుల్లో నిర్మలమ్మ ఒకరు. ఆమె నటనా జీవితం ఒక ప్రత్యేక అధ్యాయం. సహజమైన నటన, హృదయాన్ని హత్తుకునే పాత్రలతో ప్రేక్షకుల హృదయాలలో.. తనకంటూ ఓ స్థానం సంపాదించుకుంది. ముఖ్యంగా బామ్మ పాత్రలలో ఆమెకున్న ప్రాధాన్యత మరెవరికీ రాలేదు. నిర్మలమ్మ తెలుగుతో పాటు తమిళం, కన్నడ, మలయాళం, హిందీ భాషల్లోనూ నటించి విశేషమైన పేరు తెచ్చుకుంది. అనేక సూపర్ హిట్ సినిమాల్లో ఆమె నటన అందరినీ ఆకట్టుకుంది. చనిపోయే వరకు కూడా ఆమె నటన కొనసాగించింది.
హీరోయిన్‌గా కెరీర్ ప్రారంభించిన నిర్మలమ్మ, క్యారెక్టర్ ఆర్టిస్ట్‌గా గుర్తింపు తెచ్చుకుంది. అమ్మ, అత్త, వదిన, బామ్మ వంటి అనేక పాత్రల్లో ఆమె నటించింది. అద్భుతమైన అభినయంతో ఆమె పోషించిన ప్రతి పాత్ర ప్రేక్షకుల మనసులను కదిలించేది. నటనలో తనకంటూ ప్రత్యేకమైన ముద్ర వేసిన నిర్మలమ్మ, 1000కి పైగా సినిమాలలో నటించి తెలుగు చిత్రసీమలో చిరస్థాయిగా నిలిచిపోయింది.
నటనా జీవితం మాత్రమే కాదు, నిర్మలమ్మ నిర్మాతగానూ తన ముద్ర వేసింది. రాజేంద్రప్రసాద్ నటించిన "చలాకి మొగుడు చాధస్తపు పెళ్లాం" వంటి చిత్రాలను నిర్మించి, నిర్మాతగా కూడా తన ప్రతిభను చూపింది. చివరిగా, S.V. కృష్ణా రెడ్డి దర్శకత్వంలో వచ్చిన "ప్రేమ స్వాగతం" సినిమాలో నటించింది. నిర్మలమ్మ తన కెరీర్ సమయంలోనే ప్రొడక్షన్ మేనేజర్‌ను పెళ్లి చేసుకుంది. అయితే, వీరికి సంతానం కలగలేదు. అందువల్ల "కవిత" అనే అమ్మాయిని దత్తత తీసుకొని, ఆమెను తన కుమార్తెలా పెంచుకుంది. కవిత పెళ్లి తర్వాత ఒక కుమారుడికి జన్మనిచ్చింది.
కవిత కుమారుడు విజయ్ మాదాల. అతను నిర్మలమ్మ మనవడిగా సినీ ఇండస్ట్రీలో అడుగుపెట్టాడు. జంధ్యాల దర్శకత్వంలో తెరకెక్కిన "పడమట సంధ్యారాగం" సినిమాతో నటుడిగా పరిచయమయ్యాడు. ఈ చిత్రంలో విజయశాంతి హీరోయిన్‌గా నటించింది. ఈ సినిమా కమర్షియల్‌గా మంచి విజయం సాధించడంతో, విజయ్ మాదాలకు మంచి గుర్తింపు వచ్చింది.
అయితే, విజయ్ మాదాల ఎక్కువ కాలం ఇండస్ట్రీలో కొనసాగలేదు. చిన్నతనం నుండి అమెరికాలో పెరిగిన కారణంగా, అతనికి తెలుగులో సరైన ఉచ్ఛారణ రాలేదు. ఇది అతని సినీ ప్రయాణంపై ప్రభావం చూపించింది. తెలుగులో మరిన్ని సినిమాలు చేయకపోయినా, "పడమట సంధ్యారాగం" ద్వారా ప్రేక్షకుల మనసుల్లో మంచి గుర్తింపును పొందాడు.
