New Tata Sumo Price: త్వరలోనే మార్కెట్‌లో టాటా సుమో (Tata Sumo) కారు అందుబాటులోకి రాబోతోంది. ఇది అద్భుతమైన ఫీచర్స్‌ను కలిగి ఉంటుంది. అయితే ఈ కారుకు సంబంధించిన పూర్తి వివరాలు తెలుసుకోండి.
Tata Sumo New Model Price: భారత ఆటోమొబైల్‌ కంపెనీ టాటా మోటార్స్ గతంలో విడుదల చేసిన సుమో (Tata Sumo) ఒక్కప్పుడు మార్కెట్‌లో ఓ ఊపు ఊపేసింది. ఈ కారు మార్కెట్‌లోకి వచ్చిన అతి తక్కువ కాలంలోనే చాలా మందికి ఇది ఫేవరెట్‌ వెహికిల్‌గా నిలిచింది. అప్పట్లో ఈ కారు అద్బుతమైన లుక్‌లో, చాలా కంఫర్ట్‌గా ఉండడంతో మంచి పాపులారిటీని సాధించిన సంగతి తెలిసిందే.
ప్రస్తుతం కూడా చాలా ప్రాంతాల్లో టాటా సుమో కనిపిస్తున్నాయి. ఈ కారు దాదాపు రెండు దశాబ్ధాల పాటు విక్రయాల్లో తిరుగులేని ఆధిపత్యాన్ని పొందింది. ఈ సుమో దాదాపు 2020 వరకు 26 సంవత్సరాల పాటు అద్భుతంగా విక్రయాలు జరిగాయి. అయితే ఈ కారు మరోసారి మార్కెట్‌లోకి రాబోతున్నట్లు వార్తలు వస్తున్నాయి.
ఈ టాటా సుమో (Tata Sumo) మార్కెట్‌లోకి విడుదలైతే.. మహింద్రా కంపెనీకి సంబంధించిన పలు కార్లతో పోటీ పడనుంది. అలాగే ఈ కారు గతంలో విడుదలైన సఫారీ కారును పోలి ఉండబోతున్నట్లు తెలుస్తోంది. అంతేకాకుండా త్వరలో రాబోయే సుమో అప్‌గ్రేడ్‌ డిజైన్‌ను కలిగి ఉంటుంది.
అలాగే ఈ టాటా సుమో (Tata Sumo) కారు అద్భుతమైన ఇంటీరియర్‌ స్పేస్‌ను కలిగి ఉంటుంది. అంతేకాకుండా ఇది రెండు ఇంజన్‌ వేరియంట్స్‌లో విడుదల కానుంది. ఇందులో డీజిల్‌ ఇంజన్‌ 1.5-లీటర్‌తో రానుంది. అలాగే ఈ కారు లీటరుకు 20 కిలోమీటర్ల మైలేజీని అందించే అవకాశాలు ఉన్నాయి,
ఇక New Tata Sumoకు సంబంధించిన ధర వివరాల్లోకి వెళితే.. దీని ఎక్స్‌-షోరూమ్‌ రూ. 8 లక్షల నుంచి ప్రారంభం కాబోతోంది. అంతేకాకుండా దీని హైఎండ్‌ ధర రూ .10 లక్షలు ఉండనుంది. అయితే ఇది 9 సీటర్‌ ఆప్షన్‌లో రానుంది.
ఇది అడ్వాన్స్‌డ్‌ టెక్నాలజీలతో టాటా దీనిని విడుదల చేయబోతున్నట్లు తెలుస్తోంది. అంతేకాకుండా ఇందులో 9 ఇంచెస్‌ టచ్‌స్క్రీన్ ఇన్ఫోటైన్‌మెంట్ సిస్టమ్‌ను కలిగి ఉంటుంది. అంతేకాకుండా అద్భుతమైన పవర్ విండోస్ ఫీచర్స్‌తో అందుబాటులోకి రానుంది.
