New FASTag Rules: ఫిబ్రవరి 17 నుంచి కొత్త నిబంధనలు అమల్లోకి రాబోతున్నాయి. ఫాస్టాగ్ వినియోగదారులు జరిమానాలను, అదనపు ఛార్జీలను తగ్గించుకునేందుకు ఈ కింద వివరించిన సూచనలను పాటించండి.
New FASTag Rules: ఫాస్టాగ్ ద్వారా టోల్ చెల్లింపులు ఫిబ్రవరి 17 నుంచి మారుతున్నాయి. 2025 ఫిబ్రవరి 17 నుంచి టోల్ ప్లాజాల దగ్గర లావాదేవీలు సజావుగా సాగేందుకు నేషనల్ పేమెంట్స్ కార్పొరేషన్ ఆఫ్ ఇండియా కొత్త ధ్రువీకరణ నిబంధనలను అమలు చేయనుంది. అందుకు అనుగుణంగా వినియోగదారులు తమ ఫాస్టాగ్ అకౌంట్లో తగినంత బ్యాలెన్స్ మెయింటైన్ చేయాలి. అలాగే ఎప్పటికప్పుడు తమ ఫాస్టాగ్ అకౌంట్స్ అప్ డేట్ చేసుకోవాలి. అలా చేయడంలో విఫలమైన ఫాస్టాగ్ యూజర్లు పెనాల్టీలు, అదనపు ఛార్జీలు చెల్లించాల్సి ఉంటుంది.
జనవరి 28, 2025న జారీ చేసిన తాజా ఎన్పీసీఐ సర్క్యులర్ ప్రకారం..ఫాస్టాగ్ లావాదేవీలు ఇప్పుడు స్కానింగ్ సమయం, అకౌంట్ స్టేటస్ ఆధారంగా ధ్రువీకరిస్తుంది. అలాగే రెండు సమయం ఆధారిత షరతులు కూడా రానున్నాయి.
స్కానింగ్ చేసేందుకు 60 నిమిషాల కంటే ఎక్కువ ముందు ఫాస్టాగ్ బ్లాక్ లిస్టులో ఉంటే లేదా తక్కువ బ్యాలెన్స్ ఉందని మార్క్ చేస్తే ఆ లావాదేవీ తిరస్కరిస్తుంది.
స్కానింగ్ చేసిన 10 నిమిషాల్లో ఫాస్టాగ్ ను బ్లాక్ లిస్టులో పెడితే టోల్ ఫీజును ప్రాసెస్ చేయవచ్చు. కానీ అదనంగా పెనాల్టీ విధించవచ్చు. ఒక ఫాస్టాగ్ ఖాతా ఎన్పీసీఐ మార్గదర్శకాలకు అనుగుణంగా లేకపోతే ఎర్రర్ కోడ్ 176తో లావాదేవీలు రిజక్ట్ అవుతాయి. అంటే అనుమతించిన పరిమితికి మంచి ఫాస్టాగ్ ఇన్ యాక్టివ్ గా ఉంటే టోల్ పేమెంట్ ప్రాసెస్ కాదు.
ఎన్పీసీఐ జారీ చేసిన తాజా మార్గదర్శకాలను పాటించడంలో విఫలం అయినట్లయితే పెనాల్టీలు లేదా ఆర్ధిక జరిమానాలకు దారి తీస్తాయి. ఏదైనా ఫాస్టాగ్ లావాదేవీ తిరస్కరణకు గురైతే..రెట్టింపు టోల్ ఫీజు చెల్లించాలి. అయితే టోల్ ప్లాజా దగ్గర స్కాన్ చేసిన 10 నిమిషాల్లో వినియోగదారుడు తమ అకౌంట్ ను రీఛార్జ్ చేసుకుంటే వారు జరిమానాల నుంచి తప్పించుకోవచ్చు. స్టాండర్డ్ టోల్ మొత్తాన్ని చెల్లించుకోవచ్చు.
ఫాస్టాగ్ యూజర్లు ప్రయాణం ప్రారంభించే ముందు తమ అకౌంట్లో తగినంత బ్యాలెన్స్ ఉండే చూసుకోవాలి. ఎప్పటికప్పుడు ఫాస్టాగ్ అకౌంట్ స్టేటస్ ను చెక్ చేసుకోవాలి. కేవైసీ వివరానలు అప్ డేట్ చేసుకుని బ్లాక్ లిస్టులో పడకుండా చూసుకోవాలి. ఫాస్టాగ్ అకౌంట్లను యాక్టివ్ గా ఉంచడం వల్ల అనవసరమైన ఛార్జీల మీద పడకుండా ఉంటాయి. టోల్ ప్లాజాల దగ్గర లావాదేవీ వైఫల్యాలు , ఇతర వివాదాలను తగ్గించడానికి ఈ మార్పులు సహాయపడతాయని..వినియోగదారులందరికీ టోల్ వసూలు మరింత సమర్థవంతంగా ఉంటుందని నిపుణులు భావిస్తున్నారు.
