Kumbha Mela - Naga Sadhu: నాగ సాదువులు, అఘోరాలు శివ గణాలుగా పరిగణిస్తారు. అందులో అఘోరాలు కాల్చిన శవాలను ఆహారంగా స్వీకరిస్తారు. అంతేకాదు శ్మశానంలోని శవాల బూడిదను శివుడికి భస్మంగా పూజించడంతో పాటు ఒంటికి రాసుకుంటారు. అందులో నాగ సాదువులు ఒంటిపై నూలు పోగు లేకుండా గడ్డకట్టే చలిలో సైతం నగ్నంగా ఉంటారు. వారికి ఏమి కాదా.. దీని వెనక అసలు రహస్యం అదేనా..
Kumbha Mela - Naga Sadhu:కుంభమేళాకు మన పురాణ ప్రాశస్త్యం ఉంది. క్షీరసాగర మథనంలో హాలాహలం ముందుగా పుట్టింది. చిరవగా అమృత భాండంతో అమృతం పుట్టింది. ఆ పాత్ర కోసం దేవ దానవులు పెద్ద సమరమే చేశారు. ఆ యుద్ధ సమయంలో అమృత భాండంలోంచి నాలుగు చుక్కలు భూమండలంపై నాలుగు నదుల్లో పడ్డాయట.అలా కుంభ నుంచి అమృతపు చుక్కులు హరిద్వార్ లోని గంగా, ఉజ్జయనిలోని శిప్రా నది, నాసిక్ లోని గోదావరి, గంగ, యుమున, సరస్వతిల సంగమ స్థానమైన ప్రయాగ్ రాజ్ లో పడ్డాయి.
ప్రస్తుతం దేశంలో జనాభా పరంగా అతిపెద్ద రాష్ట్రమైన ఉత్తర ప్రదేశ్ రాజధాని మహా కుంభమేళా పుష్య పౌర్ణమి (జనవరి 13)న ఘనంగా ప్రారంభమైంది. ప్రతి పన్నెండేళ్లకు ఒకసారి కుంభమేళా జరుగుతోంది. కానీ ప్రతి పన్నెండు పుష్కరాల తర్వాత అంటే 144 సంవత్సరాల తర్వాత జరుగుతోది మహా కుంభమేళా.
ఇది ప్రపంచంలో ఎక్కువ మంది ప్రజలు పాల్గోనే అతిపెద్ద ఆధ్యాత్మకిక కార్యక్రమం. జనవరి 13న పుష్య పౌర్ణమి రోజు తెల్లవారుజాము నుంచే గంగా, యమునా, సరస్వతి నదుల సంగమ ప్రదేశంలో పవిత్ర స్నానం ఆచరించేందుకు దేశ విదేశాల నుంచి భక్తులు హాజరయ్యారు.
అందులో సామాన్య భక్తులతో పాటు శివ గణాలుగా పేరున్న అఘోరాలు, నాగసాధువులు పెద్ద ఎత్తున తరలివచ్చారు. వీరందరిలోకి భక్తులను ఎక్కువగా ఆకర్షిస్తున్న అంశం మహా కుంభమేళాకు హాజరైన నాగ సాధువులు. ప్రయాగ రాజ్‌లో తీవ్రమైన చలి ఉంది. అక్కడ ఉంటేనే ప్రజలు చలికి గడ్డగట్టుకొని పోతారు.
అలాంటి చలి ప్రదేశంలో సాధారణ భక్తులు స్నాన మాచరించే సమయంలో గజగజ వణికిపోతున్నారు. కానీ నాగ సాధువులు మాత్రం ఒంటిపై ఎలాంటి ఆచ్ఛాదనం (బట్టలు) ధరించకున్నా గడ్డకట్టించే చలిలోనూ తట్టుకుని ఎలా నిలబడగలిగారనే ప్రశ్న అందరిలోనూ ఆసక్తి రేకెత్తిస్తోంది.మైనస్ డిగ్రీల చలినీ సహించగల శక్తి నాగ సాధవులకు ఎక్కడి నుంచి వచ్చిందబ్బా అని శాస్త్రవేత్తలు సైతం ఆశ్చర్యపోతున్నారు. దీని వెనక పెద్ద దైవ రహస్యముంది.
45 రోజుల పాటు జరిగే ఈ మహా కుంభమేళాకు దాదాపు 40 కోట్ల మంది వస్తారని అంచనా వేస్తోంది ఉత్తరప్రదేశ్ ప్రభుత్వం. త్రివేణి సంగమంలో పవిత్ర స్నానమాచరించేందుకు మొదటి రోజే పెద్ద సంఖ్యలో నాగ సాధువులు, అఘోరాలు, సన్యాసులు హాజరయ్యారు. అంతేకాదుభక్తుల దృష్టిని ఆకర్షిస్తున్నారు. బట్టలు వేసుకోకుండా కేవలం బూడిదతో కప్పబడిన శరీరంతో తీవ్రమైన చలిని భరించగల సామర్థ్యం ఎలా వచ్చిందని భక్తులు ఆశ్యర్యపోతున్నారు.
నాగాలు ఎప్పటి నుంచి ఉన్నారు? శంకరాచార్యుడు దేశంలో బద్రినాథ్, పూరీ, ద్వారక, శృంగేరి అంటూ దేశం నాలుగు మూలల నాలుగు మఠాలను స్థాపించిన తర్వాత వాటి భద్రత గురించి ఆందోళన చెంది నాగ సాధువుల బృందం ఏర్పాటు చేశారంటారు. నాగ సాధువుగా మారడం అనేది ఒక సవాలుతో కూడిన ఆధ్యాత్మిక ప్రయాణం అని చెప్పాలి.
ఇతర సాధువుల మాదిరిగా కాకుండా, నాగ సాధువులు హఠ యోగాను అభ్యసిస్తారు. ఈ సారి మహా కుంభమేళాకు హాజరైన కొందరు నాగ సాధువులు తమ ప్రత్యేకతతో అందరి చూపు తమవైపు తిప్పుకుంటున్నారు. ఒక నాగ సాధువు అనేక సంవత్సరాలుగా 1.25 లక్షల రుద్రాక్షలను ధరించగా.. మరొక సాధువు సాధనలో భాగంగా సంవత్సరాల తరబడి ఒక చేతిని పైకెత్తి ఉంచాడు. నాగసాధువులు ఎంత అంకితభావంతో ఉంటారో చెప్పేందుకు వీరిద్దరే నిదర్శనం.
నాగ సాధువులకు చలి అందుకే వేయదు.. సున్నా డిగ్రీల చలిలోనూ బట్టలు ధరించని నాగ సాధువులు ఎటువంటి అసౌకర్యానికి గురికారు. వైద్య శాస్త్రానికి విరుద్ధంగా ఉన్నా ఇదే నిజం. డాక్లర్ల చేసిన పరిశోధనల ప్రకారం, మానవులు సరైన దుస్తులు లేకుండా మైనస్ 20 డిగ్రీల సెల్సియస్ వద్ద సుమారు 2.5 గంటలు మాత్రమే జీవించగలరు.
రెండు పొరల దుస్తులతో వారు 15 గంటలు మాత్రమే జీవిస్తారు. అయితే, నాగ సాధువులు ఈ శాస్త్రీయ విధానాన్ని పటాపంచలు చేస్తూ విపరీతమైన చలిని తట్టుకోగలరు. వారి రహస్య ఆధ్యాత్మిక అభ్యాసాలే ఈ సామర్థ్యం వెనకగల రహస్యం అని చెబుతారు. అన్ని రుతువులను తట్టుకోవడానికి నాగ సాధువులు ఈ 3 రకాల సాధనలను చేస్తారు. అగ్ని సాధన : నాగ సాధువులు తమ శరీరంలోని అగ్ని మూలకాన్ని ప్రేరేపించేందుకు ఒక రకమైన ధ్యానాన్ని అభ్యసిస్తారు. ఈ అంతర్గత వేడి వారి శరీరాలను కఠినమైన పరిస్థితుల్లో వెచ్చగా ఉంచడానికి సహాయ పడుతుంది.
నాడీ శోధన : ప్రాణాయామం ద్వారా నాగాలు తమ శరీరంలోని గాలి ప్రవాహాన్ని సమతుల్యం చేస్తారు. ఇది శరీర ఉష్ణోగ్రత క్రమబద్ధంగా, వెచ్చగా ఉండేలా చూస్తుంది.
మంత్ర పఠనం: నాగ సాధువులు మంత్రాలను పఠించడం ద్వారా వారి శరీరంలో శక్తిని ఉత్పత్తి చేస్తారు. ఇది శరీరంలో వేడిని ఉత్పత్తి చేసి చల్లని ఉష్ణోగ్రతలు తట్టుకోగలిగేలా చేస్తుంది.
బూడిద : నాగ సాధువులు వారి శరీరాన్ని కప్పి ఉంచే బూడిదలో బూడిదలో కాల్షియం, ఫాస్పరస్, పొటాషియం వంటి ఖనిజాలు ఉంటాయి. ఇవి శరీర ఉష్ణోగ్రతను నియంత్రించి చలి నుంచి కాపాడతాయి. అంటే బూడిద ఇన్సులేటింగ్ పొరగా పనిచేస్తుంది.
