Penny Stock: టెక్స్ టైల్ రంగానికి చెందని ప్రముఖ కంపెనీ స్టాక్ మంచి ప్రదర్శన కనబర్చింది. కేవలం రూ. 20లోపే లభించన ఈ స్టాక్ గడిచిన 5ఏళ్లలో 4000శాతం మేర పెరిగింది. లక్ష రూపాలు పెడితే ఏకంగా రూ. 4కోట్లు వరకు అందించింది. మరి ఆ స్టాక్ ఇప్పుడు ఎలా ఉందో చూద్దాం.
Stock Market: దేశీయ స్టాక్ మార్కెట్లో చాలా తక్కువ ధరకే లభించే కొన్ని పెన్నీ స్టాక్స్ తమ పెట్టుబడిదారులను తక్కువ సమయంలోనే మల్టీ మిలియనీర్లను చేస్తుంటాయి. అలాంటి కోవకే చెందుతుంది ప్రముఖ టెక్స్ టైల్ కంపెనీ లోరెంజిని అప్పారెన్స్ లిమిటెడ్ స్టాక్.
ఇటీవలి కాలంలో నెగెటివ్ రిటర్న్స్ ఇస్తున్నప్పటికీ దీర్ఘకాలంలో చూసుకుంటే హై రిటర్న్స్ ఇచ్చింది. 5ఏళ్ల క్రితం లక్ష పెట్టి షేర్లు కొనుగోలు చేసినవారికి ఇప్పుడు రూ. 4కోట్లు వచ్చి ఉంటాయి. మరి ఈ స్టాక్ గురించి పూర్తి వివరాలు తెలుసుకుందాం.
లోరెంజిని అప్పారెల్స్ లిమిటెడ్ కంపెనీ 2007లో ప్రారంభించారు. మోంటైల్ బ్రాండ్ ద్వారా మహిళలు, పురుషులకు సంబంధించిన రెడీ మేడ్ బట్టల డిజైన్, తయారీ, మార్కెటింగ్ చేస్తుంది. ఫార్మల్, సెమీ ఫార్మల్, క్యాజువల్ దుస్తులు అందిస్తోంది.
ప్రత్యేక స్టోర్లు, ఆన్ లైన్ ద్వారానూ విక్రయిస్తోంది. అలాగే కొన్ని బట్టల ఉత్పత్తి కోసం థర్డ్ పార్టీ కాంట్రాక్టర్లనూ ఉపయోగిస్తుంది. ప్రస్తుతం ఈ కంపెనీ మార్కెట్ విలువ రూ. 250కోట్లకుపైగా ఉంది.
ఈ ఆర్థిక సంవత్సరం 2024-25కి సంబంధించి డిసెంబర్ 2024తో ముగిసిన మూడో త్రైమాసికంలో ఈ టెక్స్ టైల్ కంపెనీ నెట్ సేల్స్ 68శాతం పెరిగింది. 21.27 కోట్లుగా నమోదు చేసింది. అలాగే కంపెనీ నికర నష్టం రూ.1.62 కోట్లుగా చూపించింది.
గడిచిన 9నెలల ఫలితాలను గమనిస్తే కంపెనీ నెట్ సేల్స్ 12శాతం వ్రుద్ధితో రూ. 49. 50 కోట్లుగా ఉండగా..నెట్ ప్రాఫిట్ 149 శాతం పెరిగి రూ. 12.41కోట్లుగా నమోదు చేసింది.
బాంబే స్టాక్ ఎక్స్చేంజీలో లోరెంజిన్ అప్పారల్స్ లిమిటెడ్ కంపెనీ స్టాక్ ఫిబ్రవరి 14వ తేదీన శుక్రవారం స్టాక్ మార్కెట్ ట్రేడింగ్ లో 1.98శాతం నష్టంతో రూ. 14.82వద్ద ట్రేడింగ్ అవుతోంది. గత నెల రోజుల్లో 11. 94శాతం నష్టపోయింది.
గత ఏడాది కాలంలో 47శాతం నష్టపోయింది. అయితే గడిచిన 3ఏళ్ల కాలంలో ఈ స్టాక్ 2000 శాతం మేర లాభాలను అందించింది. లక్ష పెట్టిన వారికి మూడు సంవత్సరాల్లో మూడు కోట్లు రూపాయలు వచ్చాయి. ఇక 5ఏళ్లలో 4వేల శాతం పెరిగింది. లక్ష రూపాయలకు రూ. 4కోట్లు అందించింది.
