Liquor Shops Closed For 2 Days: ఆదివారం లేదా ఏ పార్టీలు, ఫంక్షన్లు చేసుకోవాలన్నా చాలా మందికి ముక్కా సుక్కా ఉండాల్సిందే. అయితే, ఈ నెలలో రెండు రోజులు వైన్‌ షాపులు బంద్ ఉండనున్నాయి. ఇది మందుబాబులకు కాస్త ఛేదు వార్త. అయితే, ఎప్పుడు వైన్స్‌, బార్లు మూతపడనున్నాయి తెలుసా?
ఈనెలలో రెండు రోజులపాటు వైన్స్‌ బంద్ ఉంటాయి. ముఖ్యంగా ఆర్‌సీ పురం, కొల్లూరు పరిధిలోని అన్నీ వైన్‌ షాపులు, బార్, రెస్టారెంట్‌లతోపాటు కల్లు దుకాణాలు కూడా బంద్ ఉండనున్నాయి.
సైబరాబాద్‌ పోలీస్‌ కమిషనర్‌ అవినాష్‌ మొహంతీ ఈ మేరకు ఆదేశాలను జారీ చేశారు. తెలంగాణ ఎమ్మెల్సీ (MLC) ఎన్నికల నేపథ్యంలో రెండు రోజులపాటు మద్యం విక్రయాలు నిలిపివేయాలని ఆదేశించారు.
ఈనేపథ్యంలో 1951 యాక్ట్‌ సెక్షన్‌ 135-C ప్రకారం ఆర్‌సీ పురం, కొల్లూరు పరిధిలో ఈనెల 25వ తేదీ సాయంత్రం 4 గంటల నుంచి 27వ తేదీ సాయంత్రం 4 గంటల వరకు మద్యం విక్రయాలు బంద్ ఉంటాయి.
ఇది కేవలం వైన్‌ షాపులకు మాత్రమే పరిమితం కాలేదు. అన్నీ బార్లు, రెస్టారెంట్లు, స్టార్‌ హోటళ్లలో విక్రయాలు కూడా బంద్ ఉంటాయి. నిబంధనలను అతిక్రమిస్తే చర్యలు తప్పవని పోలీసు అధికారులు ఆదేశించారు.
మెదక్‌- నిజామాబాద్‌-ఆదిలాబాద్‌- కరీంనగర్‌ నియోజనకవర్గాల్లో గ్రాడ్యూయేట్‌, టీచర్‌ బై ఎలక్షన్స్‌ ఫిబ్రవరి 27వ తేదీ నిర్వహిస్తున్నారు. ఆయా ప్రాంతాల్లో శాంతిభద్రతల నేపథ్యంలో ఈ ఆర్డర్‌ జారీ చేశారు.
