Krithi Shetty: కృతి శెట్టి.. తెలుగు వెండితెరపై ‘ఉప్పెన’లా ఎగిసిపడిన అందం. మొదటి చిత్రంలోనే మంచి పాపులారిటీ సంపాదించుకుంది. అంతేకాదు టాప్ హీరోయిన్ అవుతుందనుకున్న ఈ అమ్మడి కెరీర్ వరుస ఫ్లాపులతో ఒక్కసారిగా కుదేలైంది. అందుకే వరుస ఫోటో షూట్స్ ను నమ్ముకుంది.
కృతి శెట్టి యాక్ట్ చేసిన మొదటి మూడు చిత్రాలు వరుసగా బాక్సాఫీస్ దగ్గర బ్లాక్ బస్టర్ గా నిలిచి హాట్రిక్ భామగా కృతి శెట్టికి మంచి పేరు తీసుకొచ్చాయి. అంతేకాదు టాలీవుడ్ టాప్ కథానాయికగా ఎదుగుతున్న క్రమంలో వరుసగా ఫ్లాపులు హీరోయిన్ గా ఈమె దూకుడు బ్రేకులు వేసాయి. లాస్ట్ ఇయర్ ‘మనమే’ సినిమా ఓ మోస్తరు సక్సెస్ సాధించినా.. కృతికి పెద్దగా లాభం లేకపోయింది.
కృతి శెట్టి.. ‘ఉప్పెన’'శ్యామ్ సింగరాయ్', ‘బంగార్రాజు’ వంటి వరుసగా మూడు హాట్రిక్ హిట్స్ అందుకొని తెలుగులో హాట్ బేబ్ గా గుర్తింపు తెచ్చుకుంది. ఈ మూడు సినిమాల తర్వాత ఈ అమ్మడి ఫేట్ ఒక్కసారిగా తలకిందులైంది.
కృతి శెట్టి కెరీర్ లో హాట్రిక్ హిట్స్ తో పాటు హాట్రిక్ ఫ్లాపులున్నాయి. ఆ తర్వాత కృతి శెట్టి నుంచి వచ్చిన చిత్రాలు ఫ్లాప్ కావడంతో ఆమె కెరీర్ డౌన్ ఫాల్ స్టార్ట్ అయింది.
మెగా మేనల్లుడు వైష్ణవ్ తేజ్ హీరోగా నటించిన 'ఉప్పెన’ మూవీతో హీరోయిన్ గా టాలీవుడ్ కు పరిచయమైంది కృతి శెట్టి. అంతకు ముందు హృతిక్ రోషన్ 'సూపర్ 30'లో ఓ స్టూడెంట్ పాత్రలో మెరిసింది.
హాట్రిక్ హిట్స్ తర్వాత కృతి శెట్టి నటించిన 'ది వారియర్', 'మాచర్ల నియోజకవర్గం', 'ఆ అమ్మాయి గురించి మీకు చెప్పాలి', కస్టడీ సినిమాలు వరుసగా ఒకదాని తర్వాత మరొకటి బాక్సాఫీస్ దగ్గర బొక్క బోర్లా పడటంతో అమ్మడి కెరీర్ పై నీలి నీడలు కమ్ముకున్నాయి.
లాస్ట్ ఇయర్ శర్వానంద్ హీరోగా నటించిన ‘మనమే’ చిత్రంతో పర్వాలేదనిపించింది. ప్రస్తుతం కృతి శెట్టి చేతిలో మూడు తమిళం, 1 మలయాళం, తెలుగు సినిమాలున్నాయి. ఈ సినిమాల ఫలితాలపైనే కృతి శెట్టి కెరీర్ ఆధారపడి ఉంది. త్వరలో బాలీవుడ్‌లో హీరోయిన్‌గా ఎంట్రీ ఇవ్వబోతుందట.
