Who Never Won Orange Cap: ఐపీఎల్‌లో ఇప్పటివరకు 16 సీజన్లు జరిగాయి. ఐపీఎల్ ద్వారా ఎందరో బ్యాట్స్‌మెన్లు వెలుగులోకి వచ్చారు. ప్రపంచ వ్యాప్తంగా.. ఐపీఎల్‌లోనూ మెరుపులు మెరిపించిన కొందరు స్టార్ ప్లేయర్లు మాత్రం ఆరెంజ్ క్యాప్ గెలుచుకోలేకపోయారు. ఆ లిస్టులో ఎవరున్నారో ఓ లుక్కేయండి..
చెన్నై సూపర్ కింగ్స్ చిన్న తల, మిస్టర్ ఐపీఎల్‌గా పేరు పొందిన సురేష్ రైనా ఒక్కసారి కూడా ఆరెంజ్ క్యాప్ గెలుచుకోలేదు. రైనా చాలా సంవత్సరాలు సీఎస్‌కే బ్యాటింగ్‌కు వెన్నముకగా నిలిచిన విషయం తెలిసిందే.
ఐపీఎల్‌లో మోస్ట్ సక్సెస్‌ఫుల్ ప్లేయర్లలో ఏబీ డివిలియర్స్ ఒకడు. ఆర్‌సీబీ జట్టు తరుఫున అద్భుతమైన ఇన్నింగ్స్‌లు ఆడిన ఈ మిస్టర్ 360.. ఐపీఎల్‌లో ఆరెంజ్ క్యాప్ మాత్రం గెలవలేదు. 184 మ్యాచ్‌లలో.. 3 సెంచరీల సాయంతో 5162 పరుగులు చేశాడు డివిలియర్స్.
కోల్‌కతా నైట్ రైడర్స్‌కు రెండు ఐపీఎల్ టైటిల్‌లను అందించాడు గౌతం గంభీర్. ఢిల్లీ డేర్ డేవిల్స్, కేకేఆర్‌కు జట్టుకు ఓపెనర్‌గా ఎన్నో సూపర్ ఇన్నింగ్స్‌లు ఆడాడు. ఐపీఎల్‌లో 4218 పరుగులు చేసినా.. లీగ్ చరిత్రలో ఎప్పుడూ ఆరెంజ్ క్యాప్ గెలవలేదు.
ముంబై ఇండియన్స్ టీమ్ కెప్టెన్‌గా రోహిత్ శర్మ ఐదు టైటిళ్లు గెలిచినా.. ఆరెంజ్ క్యాప్ మాత్రం విన్ అవ్వలేదు. బ్యాట్స్‌మెన్‌గా ఎన్నో చిరస్మరణీయ ఇన్నింగ్స్‌లు ఆడిన హిట్‌మ్యాన్.. ఆరెంజ్ క్యాప్ రేసులో మాత్రం నిలవలేదు.
పంజాబ్‌ కింగ్స్ కెప్టెన్‌ శిఖర్‌ ధావన్‌ కూడా ఐపీఎల్‌లో అద్భుతమైన ఇన్నింగ్స్‌లు ఆడాడు. అయితే ఈ డాషింగ్ ఓపెనర్‌కు ఎప్పుడూ ఆరెంజ్ క్యాప్ గెలుచుకోలేదు.
