No Limit Children AP Local Body Elections: ఆంధ్రప్రదేశ్‌ స్థానిక నాయకత్వానికి అదిరిపోయే వార్త. పంచాయతీ ఎన్నికల్లో ఇద్దరు పిల్లల నిబంధన ప్రతిబంధకంగా ఉండగా తాజాగా తొలగిపోయింది. ఇకపై ఎంత మంది సంతానం ఉన్నా కూడా స్థానిక ఎన్నికల్లో పోటీ చేసే అవకాశం దక్కనుంది. ఈ మేరకు కూటమి ప్రభుత్వం సంచలన నిర్ణయం తీసుకుంది.
సంచలన నిర్ణయం: అధికారంలోకి వచ్చిన తెలుగుదేశం నేతృత్వంలోని కూటమి ప్రభుత్వం సంచలన నిర్ణయం తీసుకుంది.
స్థానిక ఎన్నికలు: ఆంధ్రప్రదేశ్‌లో ఇకపై ఇద్దరికి మించి పిల్లలు ఉన్న వారూ స్థానిక సంస్థల ఎన్నికల్లో పోటీ చేసేందుకు అర్హులు కానున్నారు.
ఇన్నాళ్లు నిరాశ: గతంలో ఇద్దరు కన్నా అధికంగా సంతానం ఉంటే పోటీకి అనర్హులు అనే విషయం తెలిసిందే. దీనివలన చాలామంది ఆర్థిక బలం.. జన బలం ఉన్న నాయకులు పోటీకి దూరమయ్యారు. ఇకపై వారంతా అర్హులు కానున్నారు.
నిబంధన సవరణ: ఇద్దరి కంటే ఎక్కువ మంది పిల్లలున్న వారు స్థానిక సంస్థల ఎన్నికల్లో పోటీ చేసేందుకు ఇకపై అర్హులే! దానికి సంబంధించిన నిబంధనకు సవరణ చేస్తూ అసెంబ్లీలో ప్రవేశపెట్టిన బిల్లు ఆమోదం పొందింది.
నాటి చట్టం: కుటుంబ నియంత్రణ చర్యల్లో భాగంగా 1994లో ఇద్దరి కంటే ఎక్కువ మంది సంతానం ఉన్న వారిని ఎన్నికల్లో పోటీ చేసేందుకు అనర్హులుగా గుర్తిస్తూ చట్టం చేశారు.
నిబంధన ఎత్తివేత: ప్రస్తుతం సంతానోత్పత్తి తగ్గడంతో ఆంధ్రప్రదేశ్‌ ప్రభుత్వం ఆ నిబంధనను ఎత్తివేస్తూ నిర్ణయం తీసుకుంది.
