Bathukamma 6 Th Day Speciality: బతుకమ్మ పండుగను తెలంగాణలో అంగరంగా వైభవంగా జరుపుకొంటున్నారు. ఈ నేపథ్యంలో అక్టోబర్‌ 7వ తేదీ సోమవారం ఆరవ రోజు 'అలిగిన బతుకమ్మ' అని పిలుస్తారు. దీనికి ప్రత్యేకత ఏంటో తెలుసుకుందాం.
Bathukamma 6 Th Day Speciality: పూల జాతర వచ్చింది. ఊరూవాడా శోభాయమానంగా చుట్టాలుపక్కాలు అంతా కలిసి కన్నులపండువగా తెలంగాణలో బతుకమ్మ వేడుకలు జరుగుతాయి. మహిళలందరూ ముస్తాబై అందరూ ఒక్క చోట చేరి బతుకమ్మను ఆడతారు.
భాద్రపద అమావాస్యతో ప్రారంభమవుతుంది ప్రతి ఏడాది బతుకమ్మ. తీరొక్క పూలతో బతుకమ్మను తయారు చేస్తారు. తొమ్మిది రోజులపాటు ప్రసాదాలు పెడతారు. ఒక్కోరోజూ ఒక్కో ప్రత్యేకత ఉంటుంది.
ఎంగిలిపూల బతుకమ్మతో ప్రారంభమవుతుంది. సద్దుల బతుకమ్మతో ముగుస్తుంది. ముఖ్యంగా బతుకమ్మలో గౌరమ్మను కూడా తయారు చేస్తారు. ఒకరికి ఒకరు వాయినాలు కూడా ఇచ్చి పుచ్చుకుంటారు.
మహిళలు పెద్ద ఎత్తున బతుకమ్మలో పాల్గొంటారు. మనదేశమే కాదు విదేశాల్లో ఉన్న తెలంగాణ వాసులు కూడా బతుకమ్మ వేడుకలు జరుపుకుంటారు. అయితే, అక్టోబర్‌ 7వ తేదీ అలిగిన బతుకమ్మగా పిలుస్తారు.
ఈ బతుకమ్మకు ఈ పేరు ఎలా వచ్చిందంటే పురాతన కథల ప్రకారం ఈరోజు బతుకమ్మను పేర్చే సమయంలో మాంసం ముద్ద తగిలింది దీంతో ఆరోజు బతుకమ్మను ఆడరు. ఎలాంటి ప్రసాదం కూడా తయారు చేయరు. ఆరో రోజును అలిగిన బతుకమ్మ అని పిలుస్తారు.(Disclaimer: ఇక్కడ ఇవ్వబడిన సమాచారం సాధారణ నమ్మకాలు మరియు సమాచారంపై ఆధారపడి ఉంటుంది. ZEE NEWS దీన్ని ధృవీకరించలేదు.)
