Road cum Runways: ఇప్పటివరకూ మీరు రోడ్ కం రైల్వే బ్రిడ్జి చూసుంటారు..హైవే కం రన్వే చూశారా. ఇప్పుడు అదే జరుగుతోంది. జాతీయ రహదారులు ఇకపై రన్వేలుగా రూపాంతరం చెందనున్నాయి. రాష్ట్రంలోని ఆ రహదారులు రన్వేలుగా మారనున్నాయి.
విమాన రాకపోకల్ని మరింత విస్తృతం చేసేందుకు, అందరికీ అందుబాటులో తెచ్చేందుకు కేంద్ర ప్రభుత్వం కొత్త ప్రణాళిక రచించింది. దేశంలోని కొన్ని ప్రధాన జాతీయ రహదారుల్ని రోడ్ కం రన్వేలుగా చేయనుంది. అంటే ఇక నుంచి ఆ రహదారులపై విమానాలు రాకపోకలు సాగిస్తాయి. అవసరమున్నచోట ల్యాండ్ అవుతాయి. దేశంలో 28 జాతీయ రహదారుల్ని ఎంపిక చేశారు. ఇందులో ఏపీకు చందిన నెల్లూరు-ఒంగోలు, ఒంగోలు-చిలకలూరిపేట రహదారులున్నాయి. ఈ విషయాన్ని స్వయంగా కేంద్ర రోడ్డు రవాణా శాఖమంత్రి నితిన్ గడ్కరీ వెల్లడించారు.
దేశంలో చాలా ప్రాంతాల్లో 3 వందల కిలోమీటర్ల వరకూ ఎయిర్పోర్ట్లు లేవని..అందుకే విమానాలు దిగేలా ఎయిర్ స్ట్రిప్స్ను రోడ్డు రవాణాశాఖ ఉచితంగా నిర్మిస్తుందని నితిన్ గడ్కరీ తెలిపారు. రోడ్డు పక్కన..పౌర విమానయాన శాఖ 3-4 కోట్లతో ఎయిర్పోర్ట్ భవనం నిర్మిస్తే సరిపోతుందన్నారు. విమానాల రాకపోకల సమయంలో కాస్సేపు ట్రాఫిక్ నిలుపుతామన్నారు. ఈ ఎయిర్స్ట్రిప్స్పై లైటింగ్ ఉంటే..నైట్ ల్యాండింగ్ కూడా వీలవుతుందన్నారు. భవిష్యత్తులో అవసరమైన చోట మరిన్ని ఎయిర్స్ట్రిప్స్ నిర్మించనున్నారు. కేంద్ర ప్రభుత్వ నిర్ణయం అమల్లోకి వస్తే..దేశంలో విమాన రాకపోకలు మరింతగా విస్తృతమౌతాయి. మరిన్ని నగరాలు లేదా పట్టణాలకు ఎయిర్ కనెక్టివిటీ పెరుగుతుంది.
Also read: Nellore Rape Incident: నెల్లూరులో దారుణం.. పట్టపగలు అంతా చూస్తుండగానే మహిళపై రేప్..
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి Twitter , Facebook
