Tata Nexon Cng On Road Price: టాటా మోటర్స్‌ భారత మార్కెట్‌లోకి Nexon CNG కారును విడుదల చేసింది. ఇది అద్భుతమైన ఫీచర్స్‌తో విడుదలైంది. దీనికి సంబంధించిన ఫీచర్స్‌, స్పెషిఫికేషన్స్‌ ఇప్పుడు తెలుసుకోండి.
Tata Nexon Cng On Road Price: టాటా మోటార్స్ సైలెంట్‌గా అద్భుతమైన కారును విడుదల చేసింది. ఈ కారును టాటా కంపెనీ నెక్సాన్ సిఎన్‌జి రెడ్ డార్క్ ఎడిషన్ అనే పేరుతో పరిచయం చేసింది. ఈ కారుకు సంబంధించిన పూర్తీ వివరాలను ఇటీవలే అధికారికంగా వెల్లడించింది. దీని ఎక్స్-షోరూమ్ ధరలు రూ. 12.70 లక్షల నుంచి ప్రారంభమవుతుంది. అయితే దీని టాప్‌ ఎండ్‌ ధర రూ.13.69 లక్షలుగా ఉంటుందని కంపెనీ తెలిపింది. అయితే ఈ కారుకు సంబంధించిన పూర్తి వివరాలు ఇప్పుడు తెలుసుకుందాం.
నెక్సాన్ సిఎన్‌జి (రెడ్ డార్క్ ఎడిషన్) కారును టాటా మోటార్స్ కంపెనీ మొత్తం మూడు వేరియంట్స్‌లో విడుదల చేసింది. ఇది యర్‌లెస్ + PS, క్రియేటివ్ + PSతో పాటు క్రియేటివ్ + S వేరియంట్స్‌లో లాంచ్‌ అయ్యింది. ఈ కారును కంపెనీ ఇండియా మొబిలిటీ గ్లోబల్ ఎక్స్‌పో 2025లో అందుబాటులోకి తీసుకు వచ్చింది.
ఇక ఈ రెడ్ డార్క్ ఎడిషన్ కారుకు సంబంధించిన ఫీచర్స్‌ వివరాల్లోకి వెళితే.. ఈ కారు కార్బన్ బ్లాక్ ఎక్స్‌టీరియర్‌ను కలిగి ఉంటుంది. అంతేకాకుండా ప్రీమియం డిజైన్‌తో అందుబాటులోకి వచ్చింది. ఈ కార్లలోని టాప్‌ వేరియంట్స్‌ 10.20-అంగుళాల డిజిటల్ డిస్‌ప్లేలను కలిగి ఉంటుంది.
అంతేకాకుండా రియర్ AC వెంట్‌లతో విడుదలైంది. అలాగే వెంటిలేటెడ్ ఫ్రంట్ సీట్లతో పాటు LED లైటింగ్ ప్యాకేజీతో అందుబాటులోకి వచ్చింది. అలాగే వాయిస్ కమాండ్‌ సపోర్ట్‌ ఫీచర్‌ కూడా లభిస్తోంది. ఇందులో ఎంతో పెద్ద పనోరమిక్ సన్‌రూఫ్‌ను కూడా అందిస్తోంది.
ఈ Nexon CNG కారు ఎంతో శక్తివంతమైన 1.2-లీటర్ టర్బో పెట్రోల్ ఇంజన్‌తో అందుబాటులోకి వచ్చింది. అంతేకాకుండా దీని ఇంజన్‌ 170 Nm టార్క్‌ను ఉత్పత్తి చేస్తుంది. అలాగే ఇది 6-స్పీడ్ మాన్యువల్ ట్రాన్స్‌మిషన్‌తో లాంచ్‌ అయ్యింది. ఇది CNG వేరియంట్‌లో అందుబాటులో ఉంది. కాబట్టి దీని ట్యాంక్ సామర్థ్యం 60 లీటర్లు ఉంటుంది.
ఇక ఈ కారకు బ్యాక్‌ సెటప్‌లో 321 లీటర్లు బూట్ స్పేస్‌ను కూడా అందిస్తోంది. అంతేకాకుండా టాటా కంపెనీ ఈ కారు 17.44 km/kg వరకు మైలేజీ క్లెయిమ్ చేస్తున్నట్లు తెలిపింది. అంతేకాకుండా హైవేలపై 17.5 km/kg వరకు మైలేజీని అందించే ఛాన్స కూడా ఉంది. ఈ కారులో బేస్‌ వేరియంట్‌ క్రియేటివ్ + S రూ. 12.70 లక్షల నుంచి ప్రారంభమవుతుంది.
