Pawan Kalyan Sai Dharam Tej: తన బాబాయి, ఏపీ ఉప ముఖ్యమంత్రి పవన్‌ కల్యాణ్‌ బాటలో అతడి మేనల్లుడు, యువ నటుడు సాయి ధరమ్‌ తేజ్ ప్రయాణిస్తున్నట్లు కనిపిస్తోంది. ఇటీవల వరుసగా పుణ్యక్షేత్రాలను సందర్శిస్తున్నాడు. బైక్‌ ప్రమాదం నుంచి కోలుకున్న అనంతరం సాయిధరమ్ పెద్దగా సినిమాలు చేయలేదు. ప్రస్తుతం అతడి ఒకటి లేదా రెండు సినిమాలు మాత్రమే ఉన్నాయి. కొంత ఫిట్‌నెస్‌ కోల్పోయిన తేజ్ మానసికంగా కూడా కొంత ఇబ్బంది పడుతున్నట్లు తెలుస్తోంది. ఈ క్రమంలోనే సినిమాలకు దూరమైన సాయి ఆధ్యాత్మిక యాత్ర చేపట్టినట్లు తెలుస్తోంది.
Also Read: Game Changer: తమిళంలో భారీ రేటుకు ‘గేమ్ చేంజర్’ హక్కులు దక్కించుకున్న ప్రముఖ నిర్మాత..
ఆధ్యాత్మిక యాత్రలో భాగంగా మెగా అల్లుడు తిరుమలను సందర్శించాడు. తిరుమలకు మంగళవారం రాత్రి చేరుకున్న సాయిధరమ్ తేజ్ స్నానాలు ఆచరించి బుధవారం సుప్రభాత సేవలో పాల్గొన్నారు. స్వామివారిని దర్శించుకుని మొక్కులు చెల్లించుకున్నాడు. అలిపిరి మెట్ల మార్గం ద్వారా నడుచుకుంటూ సాయి తిరుమలకు చేరుకున్నాడు. అతడికి తిరుమల తిరుపతి దేవస్థానం అధికారులు స్వాగతం పలికి దర్శన ఏర్పాట్లు చేశారు. అనంతరం రంగనాయకుల మండపంలో వేద పండితులు వేద ఆశీర్వచనం చేసి పట్టు వస్త్రాలతో సత్కరించి తీర్థప్రసాదాలు అందజేశారు.
Also Read: Errachira The Beginning: హర హర మహాదేవా.. అదిరిపోయిన ఎర్రచీర-ది బిగినింగ్ మూవీ గ్లింప్స్
అంతకుముందు మంగళవారం సాయిధరమ్ తేజ్ కాణిపాకం వరసిద్ధి వినాయక ఆలయాన్ని సందర్శించాడు. సిద్ధి వినాయకుడిని దర్శించుకుని మొక్కులు చెల్లించుకున్నాడు. హీరో రావడంతో భక్తులు, అతడి అభిమానులు ఫొటోలు, సెల్ఫీలు తీసుకునేందుకు పోటీపడ్డారు. కాగా కొన్ని వారాల కిందట సాయిధరమ్ తేజ్ విజయవాడలోని కనకదుర్గమ్మ ఆలయాన్ని సందర్శించిన విషయం తెలిసిందే. ఇలా వరుసగా ఆధ్యాత్మిక యాత్రలు చేపట్టడం చర్చనీయాంశంగా మారింది.
తన మామయ్య జనసేన పార్టీ ప్రారంభించినప్పటి నుంచి సాయిధరమ్ తేజ్ అండగా ఉన్నాడు. తన మామయ్యకు మద్దతు ప్రకటించి కొన్నిసార్లు ప్రచారంలో కూడా పాల్గొన్నాడు. అయితే అకస్మాత్తుగా బైక్‌ ప్రమాదానికి గురయినప్పటి నుంచి బయట తిరగడం లేదు. రాజకీయంగా దూరమయ్యాడు. కానీ సామాజిక మాధ్యమాల ద్వారా నిత్యం రాజకీయాలపై స్పందిస్తున్నాడు. ఇటీవల తన మామయ్య సనాతన ధర్మం కోసం పని చేస్తానని చెప్పడంతో అదే బాటలో సాయిధరమ్ తేజ్ ఎంచుకున్నట్లు తెలుస్తోంది. అయితే అది వాస్తవం కాదని ప్రమాదం నుంచి కోలుకున్న తర్వాత సాయిధరమ్ తేజ్‌లో చాలా మార్పులు వచ్చాయని చర్చ జరుగుతోంది.
ఆత్మస్థైర్యం కోల్పోయిన తేజ్ ఆధ్యాత్మిక చింతనలో మునిగినట్లు ప్రచారం జరుగుతోంది. త్వరలోనే శ్రీశైలంలో కూడా పర్యటిస్తారని సమాచారం. బైక్‌ ప్రమాదం నుంచి తృటిలో ప్రాణాపాయం తప్పించుకున్న అతడు ఇప్పటివరకు దాదాపుగా ఒక్క సినిమా చేయలేదు. సినిమాలు చేసేంత శక్తి తేజ్‌కు లేదని సినీ పరిశ్రమలో టాక్‌. సినిమాలకు దూరమైన సాయిధరమ్ తేజ్ ఆధ్యాత్మిక చింతనలో మునిగాడని అతడి సన్నిహితులు చెబుతున్నారు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
