Chia Seeds: వేసవిలో చియా సీడ్స్ తీసుకోవడం వల్ల కలిగే ఆరోగ్యలాభాలు..!

Chia Seeds Health Benefits: చియా విత్తనాలు (chia seeds) అనేవి పుదీనా కుటుంబానికి చెందిన పుష్పించే మొక్క  సాల్వియా హిస్పానికా తినదగిన విత్తనాలు.  మధ్య, దక్షిణ మెక్సికోకు చెందిన ఈ మొక్క  పోషకాల పవర్‌హౌస్‌గా పేరుగాంచింది. చియా విత్తనాలు చిన్నవి, ఓవల్ ఆకారంలో ఉండి నలుపు, తెలుపు, గోధుమ లేదా బూడిద రంగులో ఉంటాయి.  ఆరోగ్య ప్రయోజనాలతో నిండి ఉండే చియా విత్తనాలు పోషకాలు గొప్ప వనరు.  అవి ఫైబర్,ప్రోటీన్, ఒమేగా-3 కొవు ఆమ్లాలు, ఫాస్పరస్, మెగ్నీషియం, పొటాషియం, ఐరన్, జింక్, విటమిన్ బి1, బి2, బి3, విటమిన్ ఇ  వంటి ముఖ్యమైన పోషకాలను కలిగి ఉంటాయి.

చియా విత్తనాలను వేసవిలో తీసుకోవడం వల్ల బోలెడు ఆరోగ్య లాభాలు కలుగుతాయి. వీటిని డ్రింక్స్‌, జ్యూస్‌లు వంటి వాటిలో ఎక్కువగా ఉపయోగిస్తారు. అయితే ఈ విత్తనాలు ఎలా ఉపయోగిస్తారు అనేది మనం తెలుసుకుందాం.

ఆరోగ్య ప్రయోజనాలు:

గుండె ఆరోగ్యాన్ని మెరుగుపరుస్తుంది:

ఒమేగా-3 కొవ్వు ఆమ్లాలు రక్తపోటును తగ్గించడానికి, రక్తంలోని కొలెస్ట్రాల్ స్థాయిలను మెరుగుపరచడానికి గుండె జబ్బుల ప్రమాదాన్ని తగ్గించడానికి సహాయపడతాయి.

బరువు తగ్గడానికి సహాయపడుతుంది:

చియా సీడ్స్ లో ఫైబర్ అధికంగా ఉండడం వల్ల కడుపు నిండిన భావన కలిగించి, అధికంగా తినకుండా నిరోధిస్తుంది.

జీర్ణక్రియను మెరుగుపరుస్తుంది:

 ఫైబర్ జీర్ణవ్యవస్థను ఆరోగ్యంగా ఉంచడానికి  మలబద్ధకాన్ని నివారించడానికి సహాయపడుతుంది.

రక్తంలో చక్కెర స్థాయిలను నియంత్రిస్తుంది:

 చియా సీడ్స్ రక్తంలో చక్కెర స్థాయిలను స్థిరంగా ఉంచడానికి సహాయపడతాయి.

ఎముకల ఆరోగ్యాన్ని మెరుగుపరుస్తుంది:

చియా సీడ్స్ లో కాల్షియం, మెగ్నీషియం ఎముకలను బలంగా ఉంచడానికి సహాయపడతాయి.

చర్మ ఆరోగ్యాన్ని మెరుగుపరుస్తుంది:

 యాంటీఆక్సిడెంట్లు చర్మాన్ని ఫ్రీ రాడికల్స్ నుంచి రక్షించడానికి  ముడతలు మరియు వృద్ధాప్య సంకేతాలను నివారించడానికి సహాయపడతాయి.

శక్తి స్థాయిలను పెంచుతుంది:

చియా సీడ్స్ లో ఉండే పోషకాలు శక్తి స్థాయిలను పెంచడానికి అలసటను తగ్గించడానికి సహాయపడతాయి.

చియా సీడ్స్ ను ఎలా తినాలి:

* చియా సీడ్స్ ను నీటిలో నానబెట్టి పుడ్డింగ్ లాగా తినవచ్చు.

* స్మూతీలు, పెరుగు, ఓట్ మీల్ లో కలుపుకోవచ్చు.

* రొట్టెలు, కేకులు, బిస్కెట్లు తయారు చేయడానికి వాడవచ్చు.

చియా సీడ్స్ దుష్ప్రభావాలు:

* ఎక్కువగా తినడం వల్ల కడుపు ఉబ్బరం, విరేచనాలు వంటి సమస్యలు రావచ్చు.

* రక్తం పలుచబడే మందులు వాడేవారు చియా సీడ్స్ తినకూడదు.

చియా సీడ్స్ ఒక ఆరోగ్యకరమైన ఆహారం, అయితే వాటిని మితంగా తినడం చాలా ముఖ్యం.

Also Read Vivo T3 5G: రూ.20 వేల లోపే శక్తివంతమైన ఫీచర్స్‌తో మార్కెట్‌లోకి Vivo T3 5G మొబైల్‌.. పూర్తి వివరాలు ఇవే..

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

Twitter, Facebookసోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి