Tarakeswari: శ్రీ శివ సాయి ఫిలిం బ్యానర్పై దర్శకుడు వెంకట్ రెడ్డి నంది రూపొందిస్తున్న సస్పెన్స్ సెంటిమెంటల్ థ్రిల్లర్ మూవీ 'తారకేశ్వరి' ఘనంగా పోస్టర్, ట్రైలర్ లాంచ్ వేడుక నిర్వహించుకుంది. శ్రీకరన్, అనూష, షన్ను ప్రధాన పాత్రల్లో నటిస్తున్న ఈ సినిమా ట్రైలర్ హైదరాబాద్ ఫిలిం ఛాంబర్‌లో ఆవిష్కరించబడింది.
ఈ కార్యక్రమంలో నటి కరాటే కళ్యాణి సినిమా పోస్టర్‌ను విడుదల చేయగా, ట్రైలర్‌ను నటుడు ఘర్షణ శ్రీనివాస్ ఆవిష్కరించారు. ఈ సందర్భంగా కరాటే కళ్యాణి మాట్లాడుతూ, "'తారకేశ్వరి' ట్రైలర్ బాగా ఆకట్టుకుంది. మంచి సందేశంతో తెరకెక్కిన ఈ చిత్రాన్ని ప్రేక్షకులు ఆదరిస్తారని ఆశిస్తున్నాను" అన్నారు.
హీరో శ్రీకర్ మాట్లాడుతూ, "తెలుగు ఇండస్ట్రీ పాన్ ఇండియా స్థాయికి చేరుకుంటుండటం గర్వకారణం. మా సినిమా ప్రతి ఒక్కరిని అలరిస్తుందని నమ్మకం ఉంది. డైరెక్టర్ వెంకట్ రెడ్డి గారి కృషి ఈ చిత్రంలో స్పష్టంగా కనిపిస్తుంది" అని తెలిపారు.
హీరోయిన్ అనూష మాట్లాడుతూ, "తెలుగు అమ్మాయిలకు అవకాశం ఇచ్చిన డైరెక్టర్ వెంకట్ రెడ్డి గారికి కృతజ్ఞతలు. సినిమా కథ, ట్రైలర్ ఎంతో ఆసక్తికరంగా ఉన్నాయి. ఇలాంటి చిత్రాలను ప్రేక్షకులు పెద్ద ఎత్తున ప్రోత్సహించాలి" అని అభిప్రాయపడ్డారు.
నటుడు ఘర్షణ శ్రీనివాస్ మాట్లాడుతూ, "హీరో శ్రీకర్ మంచి భవిష్యత్తు కలిగిన నటుడు. డైరెక్టర్ వెంకట్ రెడ్డి గారి టాలెంట్ ఈ ట్రైలర్‌లో అద్భుతంగా ప్రతిబింబించింది. ఈ చిత్రాన్ని అందరూ ఆదరించాలి" అన్నారు.
డైరెక్టర్ వెంకట్ రెడ్డి మాట్లాడుతూ, "ఈ సినిమా మా టీమ్‌ కృషితో అందరికీ నచ్చేలా తెరకెక్కింది. త్వరలోనే ఆడియో మరియు ప్రీరిలీజ్ వేడుకలను నిర్వహించనున్నాం. ప్రేక్షకుల ప్రేమను అందుకుంటామని ఆశిస్తున్నాను" అన్నారు.
చిత్ర యూనిట్ సభ్యులు ట్రైలర్‌ను పొగడుతూ, చిన్న సినిమాలకు మంచి రోజులు రావాలని ఆకాంక్షించారు. ఈ చిత్రం టెక్నికల్ టీమ్‌లో సినిమాటోగ్రఫీకి డి.యాదగిరి, ఎడిటింగ్‌కు సాయి కుమార్, నరేష్.డి, సంగీతం డ్రమ్స్ రాము అందించారు.
ఈ మూవీ పోస్టర్, ట్రైలర్ ప్రేక్షకుల్లో భారీ అంచనాలు పెంచగా, త్వరలో విడుదల కానున్న ఈ చిత్రంపై సర్వత్ర ఆసక్తి నెలకొంది.
Also Read: Supreme Court: వైఎస్ జగన్‌కు బిగ్ రిలీఫ్ ఆర్ఆర్ఆర్ పిటీషన్ కొట్టివేసిన సుప్రీంకోర్ట్
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి
