Rahu Shukran Yuti 2025: உத்திராட நட்சத்திரத்திலும், மீன ராசியிலம் ராகு - சுக்கிரன் இணைவதால் இந்த 3 ராசிக்காரர்களின் வாழ்க்கையில் அதிர்ஷ்டம் அதிகரிக்கும். இதுகுறித்து இங்கு விரிவாக காணலாம்.
ராகு பகவான் (Rahu) வாழ்க்கையில் சோதனை கொடுப்பவர் என்றாலும் சுக்கிரன் (Shukran) உங்களின் ஜோதகத்தில் அதிர்ஷ்டத்தை பெருக்குபவர். அப்படியிருக்க இரண்டு கிரகங்களும் இணைவதால் இந்த ராசிக்காரர்கள் பலன் அடைவார்கள்.
ஜோதிடத்தின்படி, ராகு பகவானின் தாக்கம் ஒருவரின் ஜாதகத்தில் இருந்தால் அவரின் வாழ்க்கையில் சோதனைகள் அடுத்தடுத்து வரும் என்பது நம்பிக்கை ஆகும். ராகு பகவான் 8 மாத காலத்தில் ஒரு நட்சத்திரத்தில் இருந்து வேறு நட்சத்திரத்திற்கு மாற்றமடைவார்.
மொத்தம் உள்ள 27 நட்சத்திரத்திற்கும் ராகு பகவான் ஒரு முழு சுழற்சி அடைய 18 ஆண்டுகள் எடுக்கும். அதாவது, உத்திராடம் நட்சத்திரத்தில் இப்போது ராகு பகவான் வந்து 8 மாதத்தில் வேறு நட்சத்திரத்திற்கு மாறுகிறார் என்றால், அடுத்து உத்திராடம் நட்சத்திரத்திற்கு வர 18 ஆண்டுகள் எடுக்கும்.
ராகு பகவானின் இந்த நட்சத்திர மாற்றம் 12 ராசிக்காரர்களின் வாழ்க்கையிலும் தாக்கம் செலுத்தும். தற்போது ராகு தற்போது உத்திராடம் நட்சத்திரத்தில் இருக்கிறார். இந்த நட்சத்திரத்தில் வரும் பிப். 1ஆம் தேதி இரவு 8.37 மணிக்கு சுக்கிரன் பகவானும் பெயர்ச்சி ஆகிறார்.
அதுமட்டுமின்றி வரும் ஜன. 28ஆம் தேதி மீன ராசியில் சுக்கிரன் மற்றும் ராகுல் இரு கிரகங்களும் இணைகின்றனர். அந்த ஒரே நட்சத்திரம் மற்றும் ஒரே ராசியில் சுக்கிரன், ராகு இணைவது மிக அரிய நிகழ்வாகும். இதனால் இந்த 3 ராசிக்காரர்கள் அதிர்ஷ்டத்தை அள்ளப்போகிறார்கள். அந்த 3 ராசிகள் குறித்து இங்கு விரிவாக காணலாம்.
மேஷம்: ராகு - சுக்கிரனின் அரிய இணைவால் இந்த ராசிக்காரர்கள் அதிக பலன் அடைவார்கள். இந்த காலகட்டத்தில் திருமண வயதில் இருப்பவர்களுக்கு எதிர்பார்ப்புகள் நிறைவேறும். உடல்நலன் சார்ந்த பிரச்னைகள் நீங்கும். பொருளாதார நிலையும் நல்ல நிலைக்கு வரும். வாழ்வில் உச்சக்கட்ட மகிழ்ச்சியில் இருப்பீர்கள். நீண்ட தூரமோ, வெளிநாட்டுக்கோ பயணம் செய்யும் வாய்ப்பும் கிடைக்கும்.
ரிஷபம்: சுக்கிரன் மற்றும் ராகு இணைவதால் இந்த ராசிக்காரர்களுக்கு அதிர்ஷ்டம் அதிகமாகும். பணியிடத்தில் உங்களின் வேலையால் முதலாளி மன மகிழ்ச்சி அடைவார்கள். பணி உயர்வும் கிடைக்க வாய்ப்புள்ளது. அரசியலில் இருப்பவர்களுக்கு பெரிய பொறுப்புகள் தேடி வரலாம். வழக்குகளில் நீதிமன்றம் உங்கள் சார்பாக தீர்ப்பளிக்கும். வணிகத்தில் லாபம் அதிகரிக்கும்.
மகரம்: இந்த ராசிக்காரர்களின் கடின உழைப்புக்கு ஏற்ற பலன்கள் கிடைக்கும். போட்டித் தேர்வுகளுக்கு தயாராகும் நபர்களுக்கு வெற்றி நிச்சயம். செல்வாக்கானவர்களின் தொடர்பு ஏற்படும். குடும்பம் ஒற்றுமையாகும். குடும்பத்துடன் வெளியூருக்கு சுற்றுலா செல்வீர்கள். \
பொறுப்பு துறப்பு: இவை அனைத்தும் கணிப்புகள் மற்றும் பொதுவான கருத்துகள் சார்ந்து எழுதப்பட்டவை. இதனை ஜீ நியூஸ் (Zee Tamil News) உறுதிப்படுத்தவில்லை.
