மருத்துவ மனைக்கு சிகிச்சைக்காகச் செல்லும்போது, மருத்துவர்கள் நாக்கைக் காட்டச் சொல்வார்கள். ஏன் மருத்துவர்கள் இப்படிச் செய்கிறார்கள் என்று நீங்கள் எப்போதாவது யோசித்திருக்கிறீர்களா? உங்கள் உடலில் ஏதேனும் நோய் தாக்கினால், நாக்கின் நிறம் வெளிர் இளஞ்சிவப்பு நிறத்தில் இருந்து வேறு நிறத்திற்கு மாறுகிறது. நாக்கின் நிறத்தை வைத்து, நமது உடலை தாக்கும் நோயை கண்டுபிடித்து விடலாம்.
நீல நிற நாக்கு: நாக்கின் நிறம் நீலம் அல்லது ஊதா நிறமாக இருந்தால், இதயம் தொடர்பான நோய் பாதிப்பை குறிக்கிறது. இதயம் இரத்தத்தை சரியாக பம்ப் செய்யவில்லை அல்லது இரத்தத்தில் ஆக்ஸிஜன் பற்றாக்குறை உள்ளது என்று இதற்கு அர்த்தம்.
பழுப்பு நிற நாக்கு: டீ, காபி அதிகம் குடிப்பவர்களின் நாக்கு பழுப்பு நிறத்தில் இருக்கும். இது தவிர, சீர்கேட் அல்லது பீடிக்கு அடிமையானவர்களுக்கு பழுப்பு நிற நாக்கு இருக்கும். எனவே இவற்றை தவிர்க்கவும்.
சிவப்பு நிற நாக்கு: உங்கள் நாக்கின் நிறம் இளஞ்சிவப்பு நிறத்தில் இருந்து சிவப்பு நிறமாக மாறத் தொடங்கினால், உடலில் போதுமான வைட்டமின் பி 12 மற்றும் ஃபோலிக் அமிலம் இல்லை என்று அர்த்தம். இந்த பாதிப்பு இருந்தால் நாக்கில் சிவப்பு புள்ளிகள் தோன்ற ஆரம்பிக்கும்.
வெள்ளை நிற நாக்கு என்றால் நீங்கள் உங்கள் வாயை சரியாக சுத்தம் செய்யவில்லை என்று அர்த்தம். இதன் காரணமாக, வெள்ளை அழுக்கு ஒரு அடுக்காக ஏற்படத் தொடங்குகிறது. இதனால் நாக்கின் நிறம் அப்படி ஆகிவிடுகிறது. சில நேரங்களில் காய்ச்சல் அல்லது லுகோபிளாக்கியா காரணமாக, நாக்கின் நிறம் வெள்ளை யாக இருக்கலாம்.
உங்கள் நாக்கின் நிறம் மஞ்சள் நிறமாக மாறியிருந்தால், உடலில் ஊட்டச்சத்து குறைபாடு உள்ளது என்று அர்த்தம். மேலும், கல்லீரல் அல்லது வயிற்றில் உள்ள பிரச்சினைகள் காரணமாக, நாக்கில் மஞ்சள் அடுக்கு ஏற்படத் தொடங்குகிறது.
கறுப்பு நிற நாக்கு: நாக்கு கறுப்பு என்பது கடுமையான நோய்களைக் குறிக்கிறது. இது புற்றுநோயின் அறிகுறியாக இருக்கலாம். பெரும்பாலும் பூஞ்சை தொற்று மற்றும் புண்கள் காரணமாகவும், நாக்கு கருப்பு நிறமாக மாறும். அதிக புகைப்பிடிப்பவர்களும் இந்த சிக்கலை எதிர்கொள்கின்றனர். (குறிப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டது. அதை ஏற்றுக்கொள்வதற்கு முன், மருத்துவ ஆலோசனையைப் பெறவும். ZEE NEWS இதற்கு பொறுப்பேற்காது.)
