விஜய் செய்த காரியத்தால் வருத்தப்பட்ட பூஜா ஹெக்டே! இப்படி பண்ணிட்டாரே..

Pooja Hegde Talks Vijay In Jana Nayagan : 30 ஆண்டுகளுக்கும் மேலாக தமிழ் திரையுலக ரசிகர்களை மகிழ்வித்து டாப் நடிகராக விளங்கியவர் விஜய். இவர் புதிதாக தற்போது களமிறங்கி இருக்கும் இடம் அரசியல். இதனால் தான் திரையுடது விட்டு விலகுவதாக கடந்த ஆண்டு அறிவித்திருந்தார்.

விஜய்யின் கடைசி படம்!

நடிகர் விஜய் தமிழக வெற்றி கழகம் என்ற தனது அரசியல் கட்சியை அறிவித்தபோது தான் கடைசியாக கமிட்டாக இருக்கும் படம் ஒன்று நடித்துவிட்டு அத்துடன் திரையுடத்தை விட்டு விலகுவதாக கூறியிருந்தார். தி கோட் படத்திற்கு பிறகு அவர் கமிட்டான படம் தான் ‘ஜன நாயகன்’. சில வாரங்களுக்கு முன்பு தளபதி 69 என்று அழைக்கப்பட்டு வந்த இந்த படத்துக்கு சமீபத்தில் தான் ஜனநாயகன் என பெயர் வைக்கப்பட்டது.

விஜயுடன் 2ஆம் முறையாக ஜோடியான நடிகை..

ஜன நாயகன் படத்தில், விஜய்க்கு ஜோடியாக நடிக்கிறார் பூஜா ஹெக்டே. இவர் ஏற்கனவே விஜய்க்கு ஜோடியாக 2022 ஆம் ஆண்டு வெளியான பீஸ்ட் படத்தில் நடித்திருக்கிறார். இந்த படம் வெளியான போது எக்கச்சக்க நெகட்டிவ் விமர்சனங்களை சந்தித்தது. ஆனால், விஜய்-பூஜா ஜோடி இன்னொரு படத்தில் சேர்ந்து நடிக்கலாம் என ரசிகர்கள் விரும்பினர். அதற்கு ஏற்ப, தற்போது ஜனநாயகன் படத்தில் விஜய்க்கு அவர்தான் ஜோடி.

விஜய் மேல் வருத்தம்..

பூஜா, தற்போது ஒரு இந்தி படத்தில் நடித்திருக்கிறார். அந்த படத்தின் பிரமோஷன் விழாவில் கலந்து கொண்ட போது அவரிடம் விஜய்யின் அரசியல் வருகை குறித்து கேள்வி கேட்கப்பட்டது. அதேபோல அவருடன் அவரது கடைசி படத்தில் நடிக்கும் அனுபவம் குறித்தும் கேள்வி கேட்கப்பட்டது. அதற்கு பதில் அளித்த அவர், “திரையில் அவரை ரசிக்கும் ஒரு ரசிகையாக சொல்லப்போனால் அவர் சினிமாவை விட்டு விலகுவது. ஆனால் அவரது அரசியல் பயணத்திற்கு நான் ஆதரவு கொடுக்கிறேன். அவர் ஜெயிக்க வேண்டுமென்று நினைக்கிறேன்” என்று கூறியிருக்கிறார்.

அரசியலில் ஆக்டிவாக இருக்கும் விஜய்..

நடிகர் விஜய், எப்போது ‘நடிகரில்’ இருந்து ‘அரசியல் வாதியாக’ மாறினாரோ, அப்போது முதல் சமூகத்திற்கு தொடர்பான பிரச்சனைகளை பற்றி தெரிந்து கொள்வதில் ஆக்டிவாக இருக்கிறார். வேங்கைவயல் பிரச்சனை முதல், பரந்தூர் விமான நிலைய பிரச்சனை வரை அனைத்திற்கும் குரல் கொடுத்து வருகிறார்.

விஜய்யின் முதல் மாநாடு, மாவட்ட செயலாளர்கள் நியமனம், ஆளுனர் சந்திப்பு என பல விஷயங்களை சொல்லாமல் செய்து பரபரப்பை ஏற்படுத்தி வருகிறார். அடுத்த வருடம் நடக்க இருக்கும் சட்டமன்ற தேர்தலில் போட்டியிடும் இவர், முதலமைச்சராவது அல்லது எதிர்கட்சி தலைவராவது என்ற உறுதியுடன் இருக்கிறார். அதற்கான குழுக்களையும் தொடங்கி, தனது அரசியல் டீமையும் வலுவாக வைத்திருக்கிறார்.

ஜன நாயகன் படம்:

ஜன நாயகன் படத்தை, ஹெச்.வினோத் இயக்கயிருக்கிறார். இது, பகவந்த் கேசரி படத்தின் ரீ-மேக் ஆக இருக்குமோ என சந்தேகிக்கப்பட்டது. காரணம், படக்குழு அப்படத்தின் சில காட்சிகளின் உரிமத்தை பெற்றுள்ளது. ஆனால், ஜன நாயகன் படத்தின் போஸ்டர் எப்போது வெளியானதோ, அப்போது இது அந்த படத்தின் கதையாக இருக்க வாய்ப்பில்லை என தெரிந்து விட்டது.

படத்தின் பாேஸ்டரில் விஜய் பலருடன் சேர்ந்து செல்ஃபி எடுப்பது போல முதல் போஸ்டர் வெளியானது. 2வது போஸ்டரில், “நான் ஆணையிட்டால்” என்று, விஜய் கையில் சவுக்குடன் இருப்பது பாேன்ற போட்டோ இடம் பெற்றிருந்தது. இதனால் இவர் எம்.ஜி.ஆரை பின்பற்றுகிறாரோ என சிலர் கூறி வருகின்றனர்.

படத்தில் யாரெல்லாம் நடிகிறார்கள்?

விஜய்க்கு ஜோடியாக பூஜா ஹெக்டே நடிக்க, வில்லனாக பாபி டியோல் நடிக்கிறார். கூடவே மலையாள நடிகை மமிதா பைஜு, நரேன், பிரியாமணி, கெளதம் மேனன் உள்ளிட்டோர் முக்கிய கதாப்பாத்திரங்களில் நடிக்கின்றனர். இப்படம், வரும் அக்டோபர் மாதத்தில் வெளியாகிறது.

மேலும் படிக்க | ‘ஜன நாயகன்’ என்றால் என்ன? யாரை இப்படி அழைக்க வேண்டும்? தளபதி 69 டைட்டில் அர்த்தம்..

மேலும் படிக்க | தளபதி 69 படத்தின் பெயர் ஜனநாயகன்! First look வெளியானது..

சார்பில்லாத சமரசமில்லாத செய்திகள் உங்கள் உள்ளங்கைகளில்!