வரும் பட்ஜெட்டில் வரி கணக்கு தாக்கல் செய்யும் செயல்முறையில் பல கணிசமான மாற்றங்கள் அறிமுகப்படுத்தப்படும் என்று தகவல் வெளியாகி உள்ளது. தற்போது, புதிய வரி தாக்கல் கட்டமைப்பானது, ஆண்டுக்கு ரூ.7.75 லட்சம் வரை வருமானம் ஈட்டும் தனிநபர்களுக்கு ரூ.75,000 நிலையான விலக்கு மூலம் வரி விலக்கு அளிக்க அனுமதிக்கிறது. இந்த புதிய வரி செலுத்தும் முறையை ஊக்குவிக்க, வருமான வரி வரம்புகளில் மாற்றங்களைச் செய்ய மத்திய அரசு பரிசீலித்து வருவதாக கூறப்படுகிறது. மத்திய நிதியமைச்சர் நிர்மலா சீதாராமன் 2025-26ஆம் நிதியாண்டுக்கான மத்திய பட்ஜெட்டை பிப்ரவரி 1ஆம் தேதி தாக்கல் செய்ய உள்ளார். வருமான வரி வரம்பில் மாற்றங்கள் பட்ஜெட் திட்டங்களின் ஒரு முக்கிய பகுதியாக இருக்கும் என்ற எதிர்பார்ப்பு அதிகரித்து வருகிறது.
மேலும் படிக்க | Budget 2025: பட்ஜெட்டில் அட்டகாசமான அறிவிப்பு, இரட்டிப்பாகும் ஓய்வூதிய தொகை
வருமான வரி
இந்தியாவில் வரி செலுத்துவோர் தற்போது இரண்டு முறைகளில் வருமான வரி கணக்கு தாக்கல் செய்ய விருப்பம் உள்ளது. ஒன்று பழைய வரி முறை, மற்றொன்று புதிய வரி முறை. பழைய வரி முறையின் கீழ், ஆண்டுக்கு 2.5 லட்சம் ரூபாய் வரை வருமானம் உள்ள தனிநபர்கள் எந்த வரியும் செலுத்துவதில் இருந்து விலக்கு அளிக்கப்படுகிறார்கள். பிரிவு 80C இன் கீழ், வரி செலுத்துவோர் வீட்டு கடன் வட்டி, வீட்டுக் கடனுக்கான அசல் திருப்பிச் செலுத்துதல், காப்பீட்டு பிரீமியங்கள் மற்றும் வருங்கால வைப்பு நிதி பங்களிப்புகள் உட்பட பல்வேறு செலவுகளுக்கு விலக்குகளை கோரலாம். வரவிருக்கும் யூனியன் பட்ஜெட்டில் புதிய வரி கணக்கு தாக்கல் செயல்முறை குறித்து குறிப்பிடத்தக்க அறிவிப்புகள் எதிர்பார்க்கப்படுவதாக தெரிவிக்கப்பட்டுள்ளது.
புதிய வரி முறை
தற்போது வெளியான தகவலின்படி, ஆண்டுக்கு ரூ.10 லட்சம் வரை வருமானம் ஈட்டும் தனிநபர்களுக்கு வருமான வரியில் இருந்து விலக்கு அளிக்கப்படும் என்று அரசாங்கம் அறிவிக்கும் என்று எதிர்பார்க்கப்படுகிறது. மேலும், அதிக வருமான வரம்புகளுக்கு 25 சதவீத புதிய வரி விகிதம் பரிசீலிக்கப்படுகிறது. புதிய வருமான வரி விதிகளின் கீழ் ஆண்டுக்கு ரூ.3 லட்சம் வரை வருமானம் ஈட்டும் தனிநபர்கள் வருமான வரி செலுத்த தேவையில்லை. அதே போல ரூ.3 லட்சம் முதல் ரூ.7 லட்சம் வரை வருமானம் உள்ளவர்களுக்கும் நிலையான விலக்கு அளிக்கப்படுகிறது. ரூ.7 லட்சம் முதல் ரூ.10 லட்சம் வரை வருமான வரி செலுத்துவோர் 10 சதவீதமும், ரூ.10 லட்சம் முதல் ரூ.12 லட்சம் வரை வருமானம் ஈட்டுபவர்கள் 15 சதவீதமும், ரூ.12 லட்சம் முதல் ரூ.15 லட்சம் வரையிலான தனிநபர்களுக்கு 20 சதவீதமும் வரி விதிக்கப்படுகிறது. ரூ.15 லட்சத்துக்கு மேல் வருமானம் ஈட்டுபவர்கள் 30 சதவீதம் வரி செலுத்த வேண்டும்.
அரசுக்கு இழப்பு?
வருமான வரி வரம்புகளில் இந்த முன்மொழியப்பட்ட மாற்றங்களின் விளைவாக, அரசின் வருவாய் ரூ.50,000 கோடி முதல் ரூ.1 லட்சம் கோடி வரை குறையும் என்று கணிக்கப்பட்டுள்ளது. சமீபத்தில், Global Trade Research Institute (GTRI) வருமான வரி வரம்புகளை திருத்த மத்திய அரசை வலியுறுத்தியுள்ளது. தற்போது வருமான வரி உச்சவரம்பு ரூ. 2.5 லட்சமாக நிர்ணயிக்கப்பட்டுள்ளது, பணவீக்கத்தை கருத்தில் கொண்டு இந்த வரம்பை ஆண்டுக்கு ரூ.5.7 லட்சமாக உயர்த்த வேண்டும் என்று GTRI வலியுறுத்தியது. மேலும், சேமிப்புத் திட்டங்களில் இருந்து கிடைக்கும் வட்டியில் ஆண்டுக்கு ரூ.10,000 என்ற தற்போதைய வரி விலக்கை ரூ.19,450 ஆக உயர்த்த பரிந்துரைத்துள்ளனர். கூடுதலாக, GTRI இன்சூரன்ஸ் பிரீமியம் மற்றும் வருங்கால வைப்பு நிதி பங்களிப்புகளுக்கான வருடாந்திர வருமான வரி விலக்கை அதிகரிக்க கேட்டுக்கொண்டுள்ளது. வரம்பை ரூ.1.5 லட்சத்தில் இருந்து ரூ.2.6 லட்சமாக உயர்த்த பரிந்துரைத்துள்ளது. பணவீக்கப் போக்குகளுக்கு ஏற்ப வருமான வரி உச்சவரம்புகளில் மாற்றங்கள் செய்யப்பட வேண்டும் என்று அந்த அமைப்பு வலியுறுத்தியுள்ளது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
