International No Diet Day : प्रत्येक शरीर सुंदर आहे; 'या' 5 पद्धतींनी बॉडी पॉझिटिव्हीटीचा करा अभ्यास
International No Diet Day : सुदृढ आरोग्यासाठी फक्त डाएटच हा उत्तम पर्याय आहे. असे अजिबातच नाही. डाएट, क्रॅश डाएटयापेक्षाही काकणभर जास्त महत्त्वाचं आहे शरीराची सकारात्मकता. इंटरनॅशनल नो डाएट डे च्या 2024 च्या निमित्ताने जाणून घेऊया 5 उपाय.
दक्षता ठसाळे-घोसाळकर
| May 06, 2024, 09:14 AM IST
शरीराला सुदृढ आणि निरोगी ठेवणे अत्यंत गरजेचं आहे. पण झिरो फिगरसाठी, शरीर स्लिम ठेवण्यासाठी त्याला उपाशी ठेवणे योग्य नाही. शरीराची फिगर चांगली दिसावी यासाठी अनेकजण क्रॅश डाएट फॉलो करतात आणि शरीरातील महत्त्वाची पोषकतत्त्वे कमी करतात. यामुळे शरीराला आवश्यक त्या पोषकत्त्वांची कमतरता जाणवते. याबाबत जागृकता निर्माण करण्यासाठी 'इंटरनॅशनल नो डाएट डे' International No Diet Day साजरा केला जातो. यासोबत शरीराला सकारात्मक गोष्टी पुरवणे हा यामागचा मुख्य उद्देश आहे.
1/7
इंटरनॅशनल नो डाएट डे
निरोगी आहार घेऊन शरीराची तंदुरुस्ती वाढविण्यावर भर देण्यासाठी दरवर्षी 6 मे रोजी 'आंतरराष्ट्रीय नो डाएट दिवस' साजरा केला जातो. या वर्षी नो डाएट डेची थीम (आंतरराष्ट्रीय नो डाएट डे 2024 थीम) आहे “स्वतःला आलिंगन द्या: आहार संस्कृतीला नकार द्या, तुमच्यावर प्रेम करा.” म्हणजे तुम्ही जसे आहात तसे स्वतःला स्वीकारा. ज्याचा आम्ही शरीराच्या सकारात्मकतेच्या विशाल स्पेक्ट्रममध्ये सराव करण्यावर भर देतो.
2/7
शरीराची सकारात्मकता
जर्नल ऑफ हेल्थ सायकॉलॉजीच्या मते, शरीर सकारात्मकता ही एक चळवळ आहे जी शरीराच्या सर्व आकार आणि प्रकारांना स्वीकारते. केवळ तेच नाही जे सौंदर्याच्या सामाजिक आदर्शांना अनुसरतात. हे आत्म-स्वीकृती, आंतरिक मूल्य आणि निरोगी पद्धतीने शरीराची क्षमता वाढविण्यावर भर देते. त्यामुळे आपण जसे आहोत, तसे सुंदर आहोत ही भावना सर्वात महत्त्वाची आहे.
3/7
नकारात्मकता टाळा
जर्नल ऑफ हेल्थ सायकॉलॉजीनुसार, जर तुमच्या मनात स्वत:बद्दल किंवा तुमच्या शरीराबद्दल काही नकारात्मक विचार असतील तर ते तुमच्या मनातून काढून टाकण्याचा प्रयत्न करा. उदाहरणार्थ, जर तुमच्या मनात असा विचार आला की माझे पाय खूप कुरूप आणि लठ्ठ आहेत, तर ते लगेच मनातून काढून टाकण्याचा प्रयत्न करा. याचा सकारात्मक विचार करा.
4/7
शरीराला सकारात्मक विचारांची सवय लावा
तुमचे शरीर आणि अवयवनेहमी सकारात्मक दृष्टीकोनातून पहा. महत्त्वाचं म्हणजे हे पुन्हा पुन्हा करा. मी माझे शरीर जसे आहे तसे स्वीकारतो अशी कल्पना निर्माण करा. मी माझ्या शरीराचे कौतुक करतो. माझे शरीर जसे आहे तसे मला आवडते. माझे शरीर चांगले आहे. माझे शरीर मजबूत आहे. माझे शरीर चांगले काम करते. जेव्हा तुम्ही स्वतःची स्तुती करता तेव्हा इतरांच्या म्हणण्यावर परिणाम होत नाही.
5/7
बारीक असणे महत्त्वाचे नाही
तुम्ही जिममध्ये जाता किंवा वर्कआउट करता तेव्हा इतरांनी बनवलेल्या स्केलवर तुमची फिटनेस गोल पाहू नका. व्यायाम आणि सकस आहार याकडे कधीही शिक्षा म्हणून पाहू नका. आपल्या दिनचर्येची सुरुवात अतिशय आनंदाने करा. आपल्या शरीराबद्दल आदर दाखवा. तुमच्या शरीराचे वजन किती आहे किंवा ते कोणत्या आकारात आहे याचा विचार करण्याऐवजी, तुमच्या शरीरामुळे तुम्ही ज्या गोष्टींमध्ये यश मिळवले आहे त्या सर्व गोष्टी लक्षात ठेवा. आपल्या पायांच्या मदतीने उंच ठिकाणी चढणे देखील त्यापैकी एक असू शकते.
6/7
बॉडी पॉझिटिव्हीसाठी योगा क्लास लावा
तुमच्या परिसराजवळचा योगा क्लास सुरु करा. यामुळे तुम्ही तुमच्या शरीराबाबत येणाऱ्या निगेटिव्ह विचारांपासून दूर राहू शकता. तुमचे शरीरही तंदुरुस्त होईल. अनेक योगासने देखील निरोगी मार्गाने वजन कमी करण्यास मदत करतात. तुम्ही ऑनलाइन योग वर्गातही सहभागी होऊ शकता. यूट्यूबवरही योगाचे अनेक वर्ग उपलब्ध आहेत. योग्य योग प्रशिक्षकाचे व्हिडिओ पाहून तुम्हाला फायदा होऊ शकतो.
7/7
सोशल मीडियाकडे सकारात्मकतेने पाहा
