SBI अलर्ट! बँकेचे इंटरनेट बँकिंग, YONO, YONO Lite, UPI सुविधा या दिवशी राहणार बंद

मुंबई : देशातील सर्वात मोठी बँक, स्टेट बँक ऑफ इंडियाने (SBI) आपल्या 44 कोटी खातेधारकांसाठी महत्त्वाची माहिती जारी केली आहे. बँकेने ट्विट करून आपल्या ग्राहकांना सावध केले आहे आणि त्यांच्या गरजेनुसार बँकेशी संबंधित कामे अगोदरच निकाली काढण्याचे आवाहन केले आहे. बँकेने आपल्या ग्राहकांसाठी जारी केलेल्या माहितीमध्ये बँकेच्या काही महत्त्वाच्या सेवा उद्या (SBI सर्व्हिसेस) बंद राहणार असल्याचे सांगितले आहे.

SBI इंटरनेट बँकिंग सेवा 11 डिसेंबर ते 12 डिसेंबर 2021 म्हणजेच शनिवार-रविवार रात्री 11.30 ते पहाटे 4.30 पर्यंत ग्राहकांसाठी उपलब्ध नसेल. त्यामुळे, तुम्ही 11 डिसेंबरच्या मध्यरात्रीपूर्वी तुमची ऑनलाइन बँकिंग कामे पूर्ण करुन घ्यावीत.

SBI ने आपल्या अधिकृत ट्विटर हँडलवर ट्विट केले आहे, "आम्ही आमच्या आदरणीय ग्राहकांना विनंती करतो की, त्यांनी आमच्यासोबत राहावे कारण आम्ही एक उत्कृष्ट बँकिंग अनुभव प्रदान करण्याचा प्रयत्न करतो." त्यात बँकेने पुढे म्हटले आहे की, "आम्ही 11 डिसेंबर 2021 रोजी दुपारी 11.30 ते पहाटे 4:30 (300 मिनिटे) तंत्रज्ञान अपग्रेडेशनचे काम करणार आहोत. INB / Yono / Yono Lite / Yono Business / UPI सह SBI च्या ऑनलाइन बँकिंग सेवा. गैरसोयीबद्दल आम्ही दिलगीर आहोत."

SBI ची इंटरनेट बँकिंग सेवा 80 दशलक्षाहून अधिक लोक वापरतात आणि मोबाईल बँकिंग सुमारे 20 दशलक्ष लोक वापरतात. त्याच वेळी, योनोवर नोंदणीकृत ग्राहकांची संख्या 3.45 कोटी आहे, ज्यावर दररोज सुमारे 90 लाख ग्राहक लॉग इन करतात. SBI चे देशभरात 22 हजार पेक्षा जास्त शाखा आणि 57 हजार 889 पेक्षा जास्त ATM असलेले सर्वात मोठे नेटवर्क आहे.