आता थर्ड पार्टी इन्शुरन्सशिवाय वाहन चालवणे होणार कठीण, जाणून घ्या कसा करावा क्लेम
जर तुमच्याकडे स्वतःचे वाहन असेल तर त्यासाठी थर्ड पार्टी इन्शुरन्स नक्की घ्या. जेव्हा वेळ येईल तेव्हा हे तुमच्यासाठी खूप उपयुक्त ठरेल. खाली दिलेल्या तपशिलांमध्ये थर्ड पार्टी इन्शुरन्स म्हणजे काय ते जाणून घ्या.
)
मुंबई : ज्या लोकांकडे स्वतःचे वाहन आहे त्यांच्यासाठी ही बातमी खूप महत्त्वाची आहे. आता वाहन असलेल्या प्रत्येक व्यक्तीने मोटार विमा पॉलिसी घेणे आवश्यक झाले आहे. कार किंवा बाईक/स्कूटर किंवा कोणतेही व्यावसायिक वाहन खरेदी असो, सार्वजनिक ठिकाणी थर्ड पार्टी इन्शुरन्सशिवाय वाहन चालवणे हा गुन्हा आहे.
हा गुन्हा मोटार वाहन कायदा 1988 अंतर्गत येतो. थर्ड पार्टी इन्शुरन्स म्हणजे काय, फायदे आणि क्लेम कसा करायचा ते जाणून घ्या.
थर्ड पार्टी इन्शुरन्स म्हणजे काय?
मोटार वाहन कायद्यांतर्गत थर्ड पार्टी इन्शुरन्स प्रत्येकासाठी खूप महत्त्वाचा आहे. या विम्याअंतर्गत, तिसऱ्या पार्टीला दायित्व कवच मिळते. परिणामी, जेव्हा जेव्हा एखाद्या वाहनाचा रस्ता अपघात होतो, तेव्हा त्यात इतर कोणत्याही व्यक्तीचे नुकसान झाल्यास थर्ड पार्टी इन्शुरन्स अंतर्गत भरपाई दिली जाते. याचा संपूर्ण खर्च विमा कंपनी उचलते.
म्हणजेच थर्ड पार्टी इन्शुरन्सचा थेट फायदा कोणत्याही अपघातात नुकसान झालेल्या थर्ड पर्सनला मिळतो. म्हणूनच याला थर्ड पार्टी इन्शुरन्स म्हणतात.
हेदेखील वाचा - WPI | बापरे बाप, एवढी महागाई? मध्यमवर्गीयांवर पडतोय प्रचंड आर्थिक ताण
थर्ड पार्टी इन्शुरन्सचे फायदे काय आहेत?
कार, बाईक किंवा इतर वाहनाचा अपघात झाला आणि त्यात कोणाचे शारिरीक किंवा मालमत्तेचे नुकसान झाले, तर वाहन मालकाला त्याच्या नुकसानीची भरपाई करावी लागते. त्याच्या पेमेंटसाठी विमा कंपनी देखील जबाबदार आहे.
यात व्‍यक्‍तीच्‍या मृत्‍यू किंवा शारिरीक हानीसाठी भरपाई, वाहन आणि मालमत्तेच्‍या नुकसानीची भरपाई, कायदेशीर आणि इस्‍पितळ संबंधित खर्चाची भरपाई इ खर्चासाठी दावा करता येतो.
थर्ड पार्टी क्लेम कसा करायचा?
सर्वप्रथम अपघातानंतर एफआयआर दाखल करा. यानंतर, अपघातात झालेल्या नुकसानीचा तपशील तुमच्या विमा कंपनीला द्या.
थर्ड पार्टी क्लेममध्ये काही महत्त्वाची कागदपत्रे देखील आवश्यक आहेत जसे की - दावा फॉर्मची प्रत, पॉलिसी आणि वाहन मालकाने स्वाक्षरी केलेला एफआयआर, वाहन नोंदणीची कागदपत्रे, ड्रायव्हिंग लायसन्सची प्रत आणि आरसी इ.
तुमच्या एजंटशी बोलून तुमच्या कागदपत्रांबद्दल सांगा. विमा कंपनी, इतर कागदपत्रे आवश्यक असल्यास, एजंट तुम्हाला मार्गदर्शन करेल.
सर्व कागदपत्रे वेळेवर विमा कंपनीकडे जमा करा. अशा प्रकारे, थर्ड पार्टी क्लेम प्रक्रिया लवकर निकाली काढता येईल.