सणांमध्ये 'मेड इन इंडिया' वस्तू खरेदी करा, पंतप्रधानांचं देशवासियांना आवाहन

नवी दिल्ली : पंतप्रधान नरेंद्र मोदी यांनी देशवासियांना आगामी सणांमध्ये मेड इन इंडिया अंतर्गत बनवलेल्या वस्तूंचाच वापर करण्याचे आवाहन केले आहे. येत्या सणासुदीच्या काळात मेड इन इंडियाच्या आशेला अधिक बळ मिळेल असे पंतप्रधानांनी म्हटले आहे. ते म्हणाले की, एकेकाळी परदेशी वस्तूंची खूप क्रेझ होती, पण आज मेड इन इंडियाची शक्ती खूप वाढली आहे. पंतप्रधानांनी मेड इन इंडिया वस्तू खरेदी करण्यावर भर दिला. त्यांच्या मते, आपण प्रत्येक लहान वस्तू खरेदी करण्याचा आग्रह धरला पाहिजे, जी मेड इन इंडिया आहे. हे प्रत्येकाच्या प्रयत्नांमुळेच शक्य होईल.

'लोकलसाठी व्होकल'

पंतप्रधानांनी देशवासियांना आवाहन केले की, भारतीयांनी बनवलेल्या वस्तू विकत घ्या. स्वच्छ भारत अभियान ही एक जन चळवळ आहे, त्याचप्रमाणे, भारतात बनवलेल्या वस्तू खरेदी करणे, भारतीयांनी बनवलेल्या वस्तू खरेदी करणे, लोकल फॉर वोकल व्यवहाराच आणलंच पाहिजे. असेही मोदी म्हणाले. प्रत्येक लहान वस्तू खरेदी करण्यावर भर दिला पाहिजे, जी भारतात बनली आहे आणि जी भारतीयांनी बनवण्यासाठी घाम गाळला आहे.

मेक इन इंडिया

पंतप्रधान नरेंद्र मोदी यांनी देशाचा विकास आणि देशातील लोकांना फायदा व्हावा या उद्देशाने अनेक योजना सुरू केल्या. या अंतर्गत त्यांनी भारतातील Make in India चा पाया ही घातला. पंतप्रधान मोदींनी त्यांच्या पहिल्या टर्मच्या सुरुवातीच्या दिवसांमध्ये 'मेक इन इंडिया' सुरू केले होते. त्यांनी 25 सप्टेंबर 2014 रोजी विज्ञान भवन, दिल्ली येथे ही योजना सुरू केली.

'मेक इन इंडिया' म्हणजे ज्या वस्तू फक्त आपल्या देशात तयार झाल्या आहेत. जर बहुतेक वस्तू आपल्या देशात बनवल्या गेल्या तर हे स्पष्ट आहे की या गोष्टींची किंमत देखील कमी असेल कारण जेव्हा कोणताही माल बाहेरून आयात केला जातो तेव्हा त्यात लावलेल्या करामुळे ती वस्तू महाग होते. दुसरीकडे, जर मालाची निर्मिती आपल्या देशात केली गेली, तर इतर देशांमध्ये माल निर्यात होण्याची शक्यता वाढेल आणि आपल्या देशाचे उत्पन्न वाढेल, याबरोबरच देशातील तरुणांना रोजगारही मिळेल.

मेक इन इंडिया मोहिमेअंतर्गत मोदी सरकारने सुमारे 3000 कंपन्यांना जोडण्याचे उद्दिष्ट ठेवले आहे. यामुळे देशातील तरुणांना रोजगार मिळेल आणि देशाची आर्थिक व्यवस्था मजबूत होईल तसेच परदेशी गुंतवणुकीला प्रोत्साहन मिळेल.

'मेक इन इंडिया' चे उद्दिष्ट

1) उत्पादन क्षेत्रात वार्षिक 12% -14% वाढ करणे.

2) 2022 पर्यंत उत्पादनाचा हिस्सा जीडीपीच्या 16% -25% पर्यंत वाढवणे.

3) अधिकाधिक परदेशी कंपन्यांना भारतात गुंतवणूक करण्यासाठी आकर्षित करणे.

4) 2022 पर्यंत भारतात सर्व वस्तूंचे उत्पादन सुरू करणे.

5) भारतात सर्व वस्तू बनवून वस्तूंची किंमत खाली आणणे.

6) भारतात गुंतवणूक करणाऱ्या परदेशी कंपन्यांद्वारे रोजगार निर्माण करणे.

7) जेव्हा सर्व माल अशा प्रकारे बनवला जाईल, तेव्हा आयात कमी होईल, ज्यामुळे देशाच्या अर्थव्यवस्थेला फायदा होईल.

8) नवकल्पनांना प्रोत्साहन देणे आणि उद्योजक क्षमतांना प्रोत्साहन देणे.

'मेक इन इंडिया' मोहिमेसाठी, सरकारने 25 प्राधान्य क्षेत्रे ओळखली आहेत ज्यांना प्रोत्साहन दिले जाईल. या क्षेत्रांमध्ये थेट परकीय गुंतवणूक होण्याची शक्यता आहे आणि भारत सरकारकडूनही गुंतवणूक वाढवली जाईल.

मेड इन इंडिया अंतर्गत 25 प्राधान्य क्षेत्र

वाहने, ऑटोमोबाईल, विमानचालन, जैवतंत्रज्ञान, रसायने, बांधकाम, संरक्षण उत्पादन, विद्युत यंत्रणा, इलेक्ट्रॉनिक प्रणाली, अन्न प्रक्रिया, माहिती तंत्रज्ञान आणि व्यवसाय प्रक्रिया व्यवस्थापन, लेदर, मीडिया आणि मनोरंजन, खनिजे, तेल आणि वायू, फार्मास्युटिकल्स, बंदरे आणि शिपिंग, रेल्वे, नूतनीकरणयोग्य ऊर्जा, रस्ते आणि महामार्ग, अवकाश आणि खगोलशास्त्र, वस्त्र आणि पोशाख, औष्णिक ऊर्जा, पर्यटन आणि आतिथ्य, कल्याण