Benefits of sabudana : महिलांसाठी 'सुपरफूड' आहे साबुदाणा, गर्भधारणेसाठी करतो ही मदत

Benefits of sabudana : साधारणपणे लोक उपवास असला की साबुदाणा खातात. महाराष्ट्र, कर्नाटक, उत्तर प्रदेश, बिहार, मध्य प्रदेश, राजस्थान आणि गुजरातमध्ये हे अतिशय लोकप्रिय असे खाद्य आहे. लोक साबुदाण्याची खिचडी आवडीने खातात. साबुदाण्याची खीर देखील लोकांना खायला आवडते. पण साबुदाणा हा एक उत्तम सुपरफूड आहे हे फार कमी लोकांना माहीत आहे. साबुदाणा हा महिलांच्या आरोग्यासाठी अत्यंत गुणकारी आहे. (health benefits of sabudana khichdi)

न्यूट्रिशनिस्ट राजुता दिवेकरने इन्स्टाग्रामवर महिलांसाठी साबुदाण्याचे फायदे शेअर केले आहेत. साबुदाण हे महिलांच्या आरोग्यासाठी आणि हार्मोन्ससाठी सुपरफूडसारखे काम करते. महिलांसाठी साबुदाण्याची खिचडी कशी फायदेशीर आहे ते जाणून घेऊया.

- साबुदाणा डेअरी फ्री आणि ग्लूटेन फ्री आहे, म्हणजेच दुग्धजन्य पदार्थांमुळे होणारी हानी यामुळे होत नाही.

- साबुदाण्याची खिचडी (Sabudana Khichdi) मधुमेह नियंत्रित करण्यासाठी प्रभावी आहे. त्यात ग्लूटेन नसते. ग्लूटेनमुळे मधुमेहाच्या रुग्णांना समस्या निर्माण होतात.

रक्तस्राव रोखते

राजुता दिवेकर यांनी इंस्टाग्रामवर लिहिले आहे की, साबुदाण्याचे सेवन केल्याने स्त्रियांमध्ये रजोनिवृत्ती आणि एंडोमेट्रिओसिस दरम्यान जास्त रक्तस्त्राव किंवा रक्तस्त्राव यापासून आराम मिळतो. याशिवाय डोकेदुखी, रजोनिवृत्ती दरम्यान थकवा यापासून आराम देते. महिलांनी आठवड्यातून एकदा जरी याचे सेवन केले तरी मासिक पाळी दरम्यान रक्तस्त्राव होत नाही.

Fertility क्षमता वाढवते

ज्या महिला बाळाची योजना आखत आहेत, त्यांच्यासाठी साबुदाणा खाणे खूप फायदेशीर आहे. विशेषत: ज्या स्त्रिया IVF किंवा फ्रीझिंग एग्जने गरोदर होण्याची योजना आखत आहेत, त्यांनी कोणत्याही परिस्थितीत साबुदाणा खावा.

राजुता म्हणते की, तुम्ही गरोदर राहण्यासाठी इंजेक्शन्स घेणे सुरू करताच, तुम्ही साबुदाणा खाण्यास सुरुवात केली पाहिजे. आठवड्यातून किमान दोनदा साबुदाणा खाणे आवश्यक आहे. साबुदाणा खाल्ल्याने ओव्हुलेशन म्हणजेच अंडी तयार झाल्यावर गर्भधारणेची शक्यता (chances of pregnancy) वाढते.

फ्लू, तापामध्ये महत्त्वाचे

अनेक वेळा फ्लू किंवा ताप आल्यावर अनेक दिवस जेवण चांगले वाटत नाही. अशा परिस्थितीत महिलांनी साबुदाण्याचे सेवन करावे. ताप उतरल्यानंतर साबुदाणा खाणे खूप फायदेशीर आहे. एवढेच नाही तर जेवणाला चव चांगली येत नसेल तर साबुदाणा खाल्ल्याने स्वाद सक्रिय होण्यास मदत होते. याशिवाय भूक जागृत करते. मासिक पाळीपूर्वी किंवा मासिक पाळी सुरू असताना अनेक महिलांची भूक कमी होते, अशा परिस्थितीत साबुदाण्याचे सेवन भूक परत आणण्यास मदत करते.