തിരുവനന്തപുരം: പാലോട് പേരയത്ത് ബൈക്കും ഓട്ടോ റിക്ഷയും കൂട്ടിയിടിച്ച് ബൈക്ക് യാത്രക്കാരൻ മരിച്ചു. ഒരാൾക്ക് ഗുരുതര പരിക്ക്. ഇന്ന് വൈകിട്ട് 4 മണിയോടെയാണ് സംഭവം നടന്നത്. പാലോട് - പാണയം പൂരം വില്ലയിൽ ദുർഗേഷ് (25) ആണ് മരിച്ചത്. തലയ്ക്കേറ്റ ക്ഷതമാണ് മരണം സംഭവിച്ചത്. മൃതദേഹം നെടുമങ്ങാട് ജില്ലാ ആശുപത്രിയിൽ സൂക്ഷിച്ചിരിക്കുകയാണ്. കൂടെ ഉണ്ടായിരുന്ന യുവാവ് നിധിൻ (22) ഗുരുതര പരിക്കോടെ മെഡിക്കൽ കോളേജ് ആശുപത്രിയിൽ ചികിത്സയിലാണ്. പാലോട് പോലീസ് കേസെടുത്തു.
