തിരുവനന്തപുരം: തിരുവനന്തപുരം പുത്തൻതോപ്പിൽ അമ്മയ്ക്കൊപ്പം കുളിമുറിയിൽ പൊള്ളലേറ്റ നിലയിൽ കണ്ടെത്തിയ കുഞ്ഞും മരിച്ചു. ഒമ്പത് മാസം പ്രായമുള്ള ഡേവിഡാണ് ചികിത്സയിലിരിക്കെ മരിച്ചത്. പുത്തൻതോപ്പ് സ്വദേശി രാജു ജോസഫ് ടിൻസിലിയുടെ ഭാര്യ അഞ്ജുവിനെയും മകനെയും ഇന്നലെ വൈകിട്ട് എഴ് മണിയോടെയാണ് കുളിമുറിയിൽ പൊള്ളലേറ്റ നിലയിൽ കണ്ടെത്തിയത്. അഞ്ജുവിനെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. തിരുവനന്തപുരത്തെ സ്വകാര്യ ആശുപത്രിയിൽ ചികിത്സയിലിരിക്കെയാണ് മകൻ ഡേവിഡ് മരിച്ചത്. ആത്മഹത്യയാണെന്നാണ് പ്രാഥമിക നിഗമനം. എന്നാൽ ഇതുറപ്പിക്കാനായിട്ടില്ലെന്ന് പോലീസ് പറയുന്നു. ഒന്നര വർഷം മുൻപാണ് അഞ്ജുവിന്റെ വിവാഹം നടന്നത്. മരണത്തിൽ ദുരൂഹത ഉണ്ടെന്ന് ബന്ധുക്കൾ ആരോപിച്ചു.
Drugs Smuggling: തമിഴ്നാട്ടിൽ നിന്നും കഞ്ചാവും പാൻമസാലയുമടക്കം കേരളത്തിലേക്ക്; പിന്നിൽ വൻ സംഘമെന്ന് റിപ്പോർട്ട്!
ഇടുക്കി: തമിഴനാട്ടിൽ നിന്നും ലഹരിമരുന്നുകൾ കേരളത്തിലേക്ക് എത്തിക്കുന്നു. കഞ്ചാവും പാന്‍മസാല അടക്കമുള്ള ലഹരിമരുന്നുകളുമെത്തിക്കുന്ന സംഘം തൊടുപുഴ കേന്ദ്രീകരിച്ച് പ്രവർത്തിക്കുന്നതായിട്ടാണ് റിപ്പോർട്ട്. ഇവർക്കായി പോലീസ് വലവിരിച്ചിരിക്കുകയാണ്. കഴിഞ്ഞ രണ്ടാഴ്ച്ച നടത്തിയ പരിശോധനയില്‍ 18 പേരെയാണ് ലഹരിവസ്തുക്കളുമായി പോലീസ് അറസ്റ്റു ചെയ്തത്.
തമിഴ്നാട് അതിര്‍ത്തി വരെ ബസില്‍ കടത്തിക്കൊണ്ടുവരുന്ന ലഹരിവസ്തുക്കള്‍ അതിർത്തിയിലെ ചെക്ക് പോസ്റ്റ് വെട്ടിച്ചാണ് ഇവർ തൊടുപുഴയിലെത്തിക്കുന്നത്. കഞ്ചാവിനൊപ്പം പാന്‍മസാലയും എത്തിക്കാന്‍ വലിയ സംഘമുണ്ടെന്നാണ് പോലീസ് വ്യക്തമാക്കുന്നത്. തൊടുപുഴ സ്വദേശികള്‍ മുതല്‍ ഇതരസംസ്ഥാന തൊഴിലാളികള്‍ വരെ ഈ സംഘത്തില്‍ പെടും. കഴിഞ്ഞ രണ്ടാഴ്ച്ചക്കിടെ കഞ്ചാവുമായി10 പേരെയും പാന്‍മസാലയുമായി 8 പേരെയും പോലീസ് പിടികൂടിയിരുന്നു. മിക്കവരും ഈ സംഘത്തില്‍ നിന്നും ലഹരി വസ്തുക്കള്‍ വാങ്ങി പ്രാദേശകിമായി വിൽപ്പന നടത്തുന്നവരാണെന്നാണ് പോലീസ് പറയുന്നത്.
അറസ്റ്റിലായവരിൽ നിന്നും ലഭിച്ച വിവരത്തിന്‍റെ അടിസ്ഥാനത്തില്‍ അതിര്‍ത്തിയില്‍ നിന്നും കഞ്ചാവ് കടത്തുന്നവരെ കണ്ടെത്താന്‍ പോലീസ് ശ്രമം തുടങ്ങിയിട്ടുണ്ട്. ഇതിനിടെ പോലീസ് പിടികൂടിയവരിലൊരാള്‍ സുവിശേഷ പ്രസംഗകനെന്ന് പ്രചാരണം ഉണ്ടാകുകയും ഇതിനെതിരെ വിവിധ ക്രൈസ്തവ സംഘടനകള്‍ പോലീസിനെ പ്രതിക്ഷേധം അറിയിക്കുകയുമായുണ്ടായി. മയക്കുമരുന്ന് കടത്തു സംഘത്തിനായി പോലീസിനൊപ്പം എക്സൈസും പരിശോധന ശക്തമാക്കിയിട്ടുണ്ട്. മാത്രമല്ല ആവശ്യമെങ്കില്‍ സംയുക്തമായി പരിശോധനകള്‍ നടത്താനും ഇരുവിഭാഗവും ആലോചിക്കുന്നുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
