Brain Stroke: കനത്ത ചൂട്: ബ്രെയിൻ സ്ട്രോക്കിനുള്ള സാദ്ധ്യത കൂടുതൽ, ഈ ലക്ഷണങ്ങൾ അവഗണിക്കരുത്

ഇന്ത്യയിലെ പല സംസ്ഥാനങ്ങളിലും ചൂട് അനുദിനം വർധിച്ചുവരികയാണ്. ചില നഗരങ്ങളിൽ, താപനില വളരെയധികം ഉയർന്നു. ഈ അവസ്ഥയിൽ, ബ്രെയിൻ സ്ട്രോക്കിനുള്ള സാധ്യതയും വർദ്ധിക്കുന്നു. തലച്ചോറിലേക്കുള്ള രക്തപ്രവാഹം തടസ്സപ്പെടുകയോ തലച്ചോറിലേക്കുള്ള ഞരമ്പ് പൊട്ടിപ്പോകുകയോ ചെയ്യുന്ന ജീവൻ അപകടപ്പെടുത്തുന്ന അവസ്ഥയാണ് ബ്രെയിൻ സ്ട്രോക്ക്. ബ്രെയിൻ സ്ട്രോക്കിൽ മസ്തിഷ്ക കോശങ്ങൾക്ക് കേടുപാടുകൾ സംഭവിക്കുന്നു, ഇത് ശരീരത്തിൻ്റെ പ്രവർത്തനത്തെയും ബാധിക്കുന്നു. 

ചുട്ടുപൊള്ളുന്ന ചൂടിൽ ശരീരത്തിൻ്റെ ഊഷ്മാവ് കുറയ്ക്കാൻ ശരീരം കൂടുതൽ പ്രയത്നിക്കേണ്ടി വരുമെന്നാണ് ഡോക്ടർ പറയുന്നത്. ഇക്കാരണത്താൽ, രക്തസമ്മർദ്ദം വർദ്ധിക്കും. കൂടാതെ, ചൂട് നിർജ്ജലീകരണത്തിന് കാരണമാകും. ഇതുമൂലം രക്തം കട്ടിയാകുകയും രക്തചംക്രമണത്തെ ബാധിക്കുകയും ചെയ്യുന്നു. ഈ രണ്ട് അവസ്ഥകളും ബ്രെയിൻ സ്‌ട്രോക്കിന് കാരണമാകും. 

ALSO READ: ബിയർ പ്രേമികളുടെ ശ്രദ്ധയ്ക്ക്...! ഹൃദ്രോ​ഗം മുതൽ ക്യാൻസർ വരെ; നിങ്ങളെ കാത്തിരിക്കുന്ന രോ​ഗങ്ങളുടെ ലിസ്റ്റിതാ

ബ്രെയിൻ സ്ട്രോക്കിൻ്റെ ലക്ഷണങ്ങൾ 

1. തലയിൽ പെട്ടെന്ന് കടുത്ത വേദന 
2. ശരീരത്തിൻ്റെ ഏതെങ്കിലും ഭാഗത്ത് ബലഹീനത അനുഭവപ്പെടുന്നു. 
3. കൈകളിലോ കാലുകളിലോ മരവിപ്പ്, 
4. സംസാരിക്കാനുള്ള ബുദ്ധിമുട്ട് . 
5. മങ്ങിയ കാഴ്ച.
6. പെട്ടെന്നുള്ള  തലകറക്കം 
7. ബോധക്ഷയം. 

പ്രതിരോധം

1. സൂര്യൻ ഉച്ചസ്ഥായിയിൽ ആയിരിക്കുമ്പോൾ ഉച്ചയ്ക്ക് പുറത്തിറങ്ങുന്നത് ഒഴിവാക്കുക. 
2. ശരീരത്തിൽ ജലാംശം നിലനിർത്താൻ ദിവസം മുഴുവൻ വെള്ളം കുടിക്കുക. 
3. ഇളം നിറത്തിലുള്ള വസ്ത്രങ്ങളും അയഞ്ഞ വസ്ത്രങ്ങളും ധരിക്കുക. 
4. പ്രായമായവരും രോഗികളും സൂര്യപ്രകാശം കൊള്ളുന്നത് ഒഴിവാക്കണം.

(ഇവിടെ നൽകിയിരിക്കുന്ന വിവരങ്ങളും വീട്ടുവൈദ്യങ്ങളും പൊതുവായ വിവരങ്ങളെ അടിസ്ഥാനമാക്കിയുള്ളതാണ്. ഇത് സ്വീകരിക്കുന്നതിന് മുമ്പ് വൈദ്യോപദേശം തേടണം.)