ഇന്ത്യയിൽ ഏകദേശം 72.9 ദശലക്ഷം ആളുകളെ പ്രമേഹം ബാധിച്ചിരിക്കുന്നുവെന്നാണ് കണക്കുകൾ വ്യക്തമാക്കുന്നത്. 2045 ആകുമ്പോഴേക്കും ഇത് ഏകദേശം 134 ദശലക്ഷമായി വർദ്ധിക്കുമെന്ന് പ്രതീക്ഷിക്കുന്നു. പ്രമേഹത്തിന്റെ ഏറ്റവും സാധാരണവും വിനാശകരവുമായ മൈക്രോവാസ്കുലർ സങ്കീർണതകളിൽ ഒന്നാണ് ഡയബറ്റിക് ഫൂട്ട്. വേനൽക്കാലമാകുന്നതോടെ പ്രമേഹരോഗികൾ പാദ സംരക്ഷണത്തിൽ പ്രത്യേകം ശ്രദ്ധിക്കേണ്ടതുണ്ട്.
ചൂടുള്ള കാലാവസ്ഥ, വിയർപ്പ് എന്നിവ പാദപ്രശ്നങ്ങൾ കൂടുതൽ സാധാരണമാക്കും. പ്രമേഹമുള്ളവർക്ക് ചെറിയ പാദപ്രശ്നങ്ങൾ പോലും പെട്ടെന്ന് ഗുരുതരമായ സങ്കീർണതകളായി മാറും. കാലുകൾ വൃത്തിയുള്ളതും വരണ്ടതുമായി സൂക്ഷിക്കുക, സുഖപ്രദമായ ഷൂസ് ധരിക്കുക, സൂര്യനിൽ നിന്ന് പാദങ്ങളെ സംരക്ഷിക്കുക എന്നിവയ്‌ക്ക് പുറമേ, കൂടുതൽ പാദ പ്രശ്നങ്ങൾ തടയുന്നതിന് ഗ്ലൂക്കോസിന്റെ അളവ് പതിവായി നിരീക്ഷിക്കേണ്ടതും പ്രധാനമാണ്.
പാദങ്ങൾ വൃത്തിയുള്ളതും വരണ്ടതുമായി സൂക്ഷിക്കുക: വേനൽക്കാലത്ത് വിയർപ്പ് ഒരു സാധാരണ പ്രശ്നമാണ്. ഇത് അത്‌ലറ്റ്‌സ് ഫൂട്ട് പോലുള്ള ഫംഗസ് അണുബാധയ്ക്ക് കാരണമാകും. ഇത് തടയാൻ, നിങ്ങളുടെ പാദങ്ങൾ വൃത്തിയുള്ളതും വരണ്ടതുമായി സൂക്ഷിക്കുന്നത് ഉറപ്പാക്കുക. വീര്യം കുറഞ്ഞ സോപ്പും വെള്ളവും ഉപയോഗിച്ച് ദിവസവും കഴുകുക. കാൽവിരലുകൾ നന്നായി ഉണക്കുക. നിങ്ങളുടെ പാദങ്ങൾ അമിതമായി വിയർക്കുകയാണെങ്കിൽ, ദിവസം രണ്ട് നേരമെങ്കിലും സോക്സ് മാറ്റുകയോ ആന്റിഫംഗൽ ഫൂട്ട് പൗഡർ ഉപയോഗിക്കുകയോ ചെയ്യുക.
സുഖപ്രദമായ ഷൂ ധരിക്കുക: വേനൽക്കാലത്ത്, തണുപ്പ് നിലനിർത്താൻ ചെരിപ്പുകളോ ഫ്ലിപ്പ് ഫ്ലോപ്പുകളോ ധരിക്കുന്നത് സാധാരണമാണ്. എന്നിരുന്നാലും, പ്രമേഹമുള്ളവർക്ക്, ഇത്തരത്തിലുള്ള ഷൂകൾ പ്രശ്നമുണ്ടാക്കും. ഇവ കാലുകളിൽ പരിക്ക് ഉണ്ടാക്കും. ക്യാൻവാസ് അല്ലെങ്കിൽ തുകൽ പോലെയുള്ള പാദരക്ഷകൾ ഉപയോഗിക്കുന്നത് ഗുണം ചെയ്യും.
ALSO READ: Papaya Benefits: വെറുംവയറ്റിൽ പപ്പായ കഴിക്കാമോ? ഇത് ആരോഗ്യത്തിന് ഗുണമാണോ ദോഷമാണോയെന്ന് അറിയാം
സൂര്യരശ്മികളിൽ നിന്ന് പാദങ്ങളെ സംരക്ഷിക്കുക: സൂര്യതാപം ചർമ്മത്തിന് ദോഷകരമാണ്. നിങ്ങൾ വീടിന് പുറത്ത്, സമയം ചെലവഴിക്കാൻ പോകുകയാണെങ്കിൽ, നിങ്ങളുടെ പാദങ്ങളിൽ, പ്രത്യേകിച്ച് നിങ്ങളുടെ കാൽവിരലുകളുടെ മുകൾഭാഗങ്ങളിൽ സൺസ്ക്രീൻ പുരട്ടുന്നത് ഉറപ്പാക്കുക. നിങ്ങൾക്ക് നിങ്ങളുടെ പാദങ്ങൾ മറയ്ക്കുന്ന ഷൂസ് അല്ലെങ്കിൽ ചെരിപ്പുകൾ ധരിക്കാം അല്ലെങ്കിൽ സൂര്യപ്രകാശത്തിൽ നിന്ന് സംരക്ഷണം നൽകുന്ന കനംകുറഞ്ഞ സോക്സുകൾ ഉപയോഗിക്കാം.
പാദങ്ങൾ പതിവായി പരിശോധിക്കുക: പ്രമേഹമുള്ള ആളുകൾക്ക് പാദ സംബന്ധമായ പ്രശ്നങ്ങൾ ഉണ്ടാകാനുള്ള സാധ്യത കൂടുതലാണ്. മാത്രമല്ല അവ ഗുരുതരമാകുന്നതിന് മുമ്പ് പ്രശ്നങ്ങൾ കണ്ടെത്തേണ്ടത് പ്രധാനമാണ്. ദിവസവും നിങ്ങളുടെ പാദങ്ങൾ പരിശോധിക്കുന്നത് ശീലമാക്കുക, മുറിവുകളോ കുമിളകളോ വ്രണങ്ങളോ ഉണ്ടോയെന്ന് നോക്കുക. എന്തെങ്കിലും പ്രശ്നങ്ങൾ ശ്രദ്ധയിൽപ്പെട്ടാൽ, ഉടൻ തന്നെ നിങ്ങളുടെ ഡോക്ടറെ സമീപിക്കുക.
വ്യായാമം ചെയ്യുക: വ്യായാമം മൊത്തത്തിലുള്ള ആരോഗ്യത്തിന് വ്യായാമം മികച്ചതാണ്. കാലുകളുടെ ആരോഗ്യത്തിനും ഇത് പ്രധാനമാണ്. ചിട്ടയായ ശാരീരിക പ്രവർത്തനങ്ങൾ രക്തചംക്രമണം മെച്ചപ്പെടുത്താനും ന്യൂറോപ്പതി പോലുള്ള കാൽ പ്രശ്നങ്ങൾ തടയാനും സഹായിക്കും. എന്നിരുന്നാലും, നിങ്ങളുടെ വ്യക്തിഗത ആവശ്യങ്ങൾക്ക് സുരക്ഷിതവും അനുയോജ്യവുമായ പ്രവർത്തനങ്ങൾ തിരഞ്ഞെടുക്കുന്നത് പ്രധാനമാണ്. ഏറ്റവും അനുയോജ്യമായ വ്യായാമ പദ്ധതിയെക്കുറിച്ച് നിങ്ങളുടെ ഡോക്ടറുമായി സംസാരിക്കുക. വ്യായാമം ചെയ്യുമ്പോൾ ശരിയായ സോക്സും ഷൂസും ധരിക്കുക.
ഈ ലളിതമായ കാര്യങ്ങൾ പാലിക്കുന്നതിലൂടെ, പ്രമേഹമുള്ളവർക്ക് സുരക്ഷിതവും ആരോഗ്യകരവുമായ വേനൽക്കാലം ആസ്വദിക്കാനാകും. കാലിലെ പ്രശ്നങ്ങൾ പെട്ടെന്ന് വർദ്ധിക്കും, അതിനാൽ ജാഗ്രത പാലിക്കുകയും ദിവസവും നിങ്ങളുടെ പാദങ്ങൾ പരിപാലിക്കുകയും ചെയ്യേണ്ടത് പ്രധാനമാണ്. പാദ സംരക്ഷണത്തെക്കുറിച്ച് നിങ്ങൾക്ക് എന്തെങ്കിലും ആശങ്കകളോ സംശയങ്ങളോ ഉണ്ടെങ്കിൽ, നിങ്ങളുടെ ഡോക്ടറുമായി ബന്ധപ്പെടാൻ മടിക്കരുത്. ശരിയായ പരിചരണവും ശ്രദ്ധയും ഉണ്ടെങ്കിൽ, നിങ്ങളുടെ പാദങ്ങൾ ആരോഗ്യത്തോടെ നിലനിർത്താൻ കഴിയും.
കുറിപ്പ്: ലേഖനം പൊതുവായ വിവരങ്ങളെ അടിസ്ഥാനമാക്കിയുള്ളതാണ്. ഒരു മെഡിക്കൽ വിദഗ്ധന്റെ ഉപദേശത്തിന് പകരമല്ല.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
