Top 10 News: ଶ୍ରୀମନ୍ଦିରରେ ଘଟିଲା ବଡ଼ ଅଘଟଣ, ଲକ୍ଷପତି ଦିଦି ସହାୟିକା ଯୋଜନାର ଘୋଷଣା କଲେ ମୁଖ୍ୟମନ୍ତ୍ରୀ, ପଢ଼ନ୍ତୁ ଆଜିର ୧୦ ବଡ଼ ଖବର

Top 10 News Headlines 14 February 2025: H1. CM Majhi Announces Lakhpati Didi Sahayika Yojana: ଶୁକ୍ରବାର ଦିନ ବିଧାନସଭାରେ ମାନ୍ୟବର ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଲକ୍ଷପତି ଦିଦି ସହାୟିକା ଯୋଜନା ନାମକ ଏକ ନୂତନ ଯୋଜନା ଘୋଷଣା କରିଛନ୍ତି। ବିଧାନ ସଭାରେ ମୁଖ୍ୟମନ୍ତ୍ରୀ କହିଛନ୍ତି “ମହିଳାମାନଙ୍କୁ ସ୍ୱାବଲମ୍ବୀ କରି ସମୃଦ୍ଧ ଓଡ଼ିଶା ଗଢ଼ିବା ଆମ ସରକାରଙ୍କ ଉଦ୍ଦେଶ୍ୟ। ଏଥିପାଇଁ କମ୍ୟୁନିଟି ସପୋର୍ଟ ଷ୍ଟାଫ ମା’ ମାନଙ୍କର ଗୁରୁତ୍ୱପୂର୍ଣ୍ଣ ଭୂମିକା ରହିଛି। ତେଣୁ, ସେମାନଙ୍କର ସମସ୍ୟାର ସମାଧାନ କରିବା ପାଇଁ, ସରକାର ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛନ୍ତି। ଲକ୍ଷପତି ଦିଦି ସହାୟିକା ଯୋଜନା ନାମକ ଏକ ନୂତନ ଯୋଜନା ମୁଁ ଘୋଷଣା କରୁଛି ।”

H2. Patitapabana bana issue: ଶ୍ରୀମନ୍ଦିରରେ ଘଟିଛି ଏକ ବଡଧରଣର ଅଘଟଣ। ଧ୍ୱଜା ବନ୍ଧା ନିତି ସମ୍ପୂର୍ଣ୍ଣ ହେବା ପରେ ଭାଙ୍ଗିଗଲା ବାଉଁଶ। ନିଳଚକ୍ରରେ ଝୁଲିଲା ଧ୍ୱଜା ବନ୍ଧା ବାଉଁଶ। ଦିର୍ଘ ସମୟ ପରେ ଉପରଆଡୁ ଭାଙ୍ଗିଥିବା ଧ୍ୱଜା ବନ୍ଧା ବାଉଁଶରେ ଉଡିଲା ମହାପ୍ରଭୁଙ୍କ ପତିତପାବନ ବାନା। ଯେହେତୁ ବାଉଁଶ ଭାଙ୍ଗିବା ପୂର୍ବରୁ ଧ୍ୱଜାବନ୍ଧା ନିତି ସମ୍ପର୍ଣ୍ଣ ହୋଇସାରିଥିଲା ତେଣୁ  ବାନା ଲାଗିଥିବା ବାଉଁଶକୁ ଚୁନରା ସେବକ ମାନେ ନିଳଚକ୍ରରେ ପୁନଃ ସ୍ଥାପନ କରିଛନ୍ତି।

H3. Pandemonium in Odisha Assembly: ଉଭୟ କଂଗ୍ରେସ ଓ ବିଜେଡି ବିଧାୟକଙ୍କ ଦାବି ଆଗରେ ଆଜି  ଓଡ଼ିଶା ବିଧାନସଭାର  ପ୍ରଶ୍ନ ଉତ୍ତର କାଳ ସମ୍ପୂର୍ଣ୍ଣ ଧୋଇ ହୋଇ ଯାଇଛି। ଗୃହରେ ପ୍ରଥମ ପ୍ରଶ୍ନ ବାବଦରେ ମଧ୍ୟ ଆଲଷାଚନା ହୋଇ ପାରିନି।  ସରକାରଙ୍କ କୃଷିୀ ନୀତିକୁ ଚାଷୀ ମାରଣ ନୀତି ବୋଲି ଅଭିଯୋଗ କରିଛନ୍ତି ବିରୋଧୀ । ଏହା ସହ ବିପର୍ଯ୍ୟସ୍ତ ଆଇନ ଶୃଙ୍ଖଳା ପରିସ୍ଥିତିକୁ ନେଇ ପ୍ରଥମ ଆଲୋଚନା କରିବାକୁ ଦାବି କରି ଆଜି ବିରୋଧୀ ଦଳ ସଦସ୍ୟମାନେ ଗୃହର ମଧ୍ୟଭାଗକୁ ଚାଲି ଆସିଥିଲେ। ଏହାଦ୍ୱାରା ଗୃହର ଶୃଙ୍ଖଳା ଭଙ୍ଗ ହୋଇଥିଲା।

H4. India denies donald trump offer: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଚୀନକୁ ବିଶ୍ୱର ଏକ ବଡ଼ ଖେଳାଳି ଭାବରେ ବର୍ଣ୍ଣନା କରିଛନ୍ତି। ଏହା ସହିତ ସେ ଭାରତ ଏବଂ ଚୀନ୍ ମଧ୍ୟରେ ସୀମା ବିବାଦର ମଧ୍ୟସ୍ଥତା କରିବାକୁ ମଧ୍ୟ ପ୍ରସ୍ତାବ ଦେଇଥିଲେ। ଯାହାକୁ ଭାରତ କୌଣସି ସମୟ ନଷ୍ଟ ନକରି ପ୍ରତ୍ୟାଖ୍ୟାନ କରିଥିଲା। କୌଣସି ଦ୍ୱନ୍ଦ୍ୱ ସୃଷ୍ଟି ନହେବା ପାଇଁ ଭାରତ ଏହି ନିଷ୍ପତ୍ତି ନେଇଛି। ଭାରତ ସ୍ପଷ୍ଟ ଭାବରେ କହିଛି ଯେ ସୀମା ବିବାଦ ଏକ ଦ୍ୱିପାକ୍ଷିକ ପ୍ରସଙ୍ଗ ଏବଂ ଆମେ ନିଜ ସ୍ତରରେ ସବୁକିଛି ସମାଧାନ କରିବାକୁ ସକ୍ଷମ।

H5. Mahakumbh 2025 creates history: ଶୁକ୍ରବାର ଦିନ ମହାକୁମ୍ଭରେ ଏକ ମହା ରେକର୍ଡ ସୃଷ୍ଟି ହୋଇଛି। ଏଠାରେ ସ୍ନାନ କରୁଥିବା ଲୋକଙ୍କ ସଂଖ୍ୟା ୫୦ କୋଟି ଅତିକ୍ରମ କରିଛି। ଯେତେବେଳେ କି ଏହା ୪୫ ଦିନିଆ ମେଳାର କେବଳ ୩୩ ତମ ଦିନ ହୋଇଛି। ଏପରି ପରିସ୍ଥିତିରେ ପ୍ରତିଦିନ ନୂଆ ରେକର୍ଡ ହେବ ବୋଲି ସ୍ପଷ୍ଟ। ଶୁକ୍ରବାର ମଧ୍ୟ ସ୍ନାନ କରୁଥିବା ଲୋକଙ୍କ ସଂଖ୍ୟା ପ୍ରାୟ ଏକ କୋଟିରେ ମଧ୍ୟ ପହଞ୍ଚିଛି।

H6. India slashes tariffs on bourbon whisky: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ମଧ୍ୟରେ ବୈଠକ ମଧ୍ୟରେ, ଭାରତ ଏକ ବଡ଼ ନିଷ୍ପତ୍ତି ନେଇଛି। ଭାରତ ଆମେରିକୀୟ ମଦ ଉପରେ ଶୁଳ୍କ ହ୍ରାସ ଘୋଷଣା କରିଛି। ଭାରତ ବର୍ବନ୍ ହ୍ୱିସ୍କି ଉପରେ ଆମଦାନୀ ଶୁଳ୍କକୁ ୫୦ ପ୍ରତିଶତକୁ ହ୍ରାସ କରିଛି। ଆମେରିକା ସହିତ ବାଣିଜ୍ୟ ଚୁକ୍ତି ଉପରେ ଆଲୋଚନା ଆରମ୍ଭ କରିବାର ଯୋଜନା ଘୋଷଣା ମଧ୍ୟରେ ଏହି ନିଷ୍ପତ୍ତି ନିଆଯାଇଛି।

H7. New Election Chief Soon: ନୂତନ ମୁଖ୍ୟ ନିର୍ବାଚନ କମିଶନର (CEC) ଚୟନ କରିବା ପାଇଁ ଆଇନ ମନ୍ତ୍ରଣାଳୟ ଦ୍ୱାରା ୧୭ ଫେବୃଆରୀ ୨୦୨୫ରେ ଏକ ତିନି ସଦସ୍ୟ ବିଶିଷ୍ଟ କମିଟିର ବୈଠକ ଡକାଯାଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, କେନ୍ଦ୍ର ଆଇନ ମନ୍ତ୍ରୀ ଅର୍ଜୁନ ମେଘୱାଲ ଏବଂ ଲୋକସଭାରେ ବିରୋଧୀ ଦଳ ନେତା ରାହୁଲ ଗାନ୍ଧୀ ଚୟନ କମିଟି ବୈଠକରେ ଯୋଗଦେବେ। ବର୍ତ୍ତମାନର ମୁଖ୍ୟ ନିର୍ବାଚନ କମିଶନର ରାଜୀବ କୁମାରଙ୍କ କାର୍ଯ୍ୟକାଳ ୧୮ ଫେବୃଆରୀରେ ଶେଷ ହେଉଛି।

H8. Ranveer Allahbadia Controversy: କମେଡିଆନ ସମୟ ରୈନାଙ୍କ ଶୋ’ ଇଣ୍ଡିଆଜ୍ ଗଟ୍ ଲାଟେଣ୍ଟରେ ଆପତ୍ତିଜନକ ମନ୍ତବ୍ୟ ଦେବା ପରେ ପ୍ରସିଦ୍ଧ ୟୁଟ୍ୟୁବର ରଣବୀର ଆଲ୍ଲାହାବାଦିଆ ବିବାଦରେ ଘେରି ରହିଛନ୍ତି। ବ୍ୟାପକ ବିରୋଧ ପ୍ରଦର୍ଶନ ମଧ୍ୟରେ ଦେଶର ବିଭିନ୍ନ ସ୍ଥାନରେ ରଣବୀର ଆଲ୍ଲାହାବାଦିଆ ଏବଂ ସମୟ ରୈନାଙ୍କ ବିରୋଧରେ ଅନେକ ଏଫଆଇଆର ରୁଜୁ ହୋଇଛି। ପୋଲିସ ତାଙ୍କ ବିରୁଦ୍ଧରେ ଆସାମ ଏବଂ ମୁମ୍ବାଇରେ ମାମଲା ରୁଜୁ କରିଛି। ଏହି ସମୟରେ ମୁମ୍ବାଇ ପୋଲିସ ରଣବୀର ଆଲ୍ଲାହାବାଦିଆଙ୍କ ଘରେ ତାଙ୍କ ବୟାନ ରେକର୍ଡ କରିବା ପାଇଁ ପହଞ୍ଚିଥିଲେ। କିନ୍ତୁ ତାଙ୍କ ଘର ତାଲା ପଡ଼ିଥିବା ଦେଖିଥିଲେ। ପୋଲିସ କହିଛି ଯେ ରଣବୀରଙ୍କ ମୋବାଇଲ୍ ଫୋନ୍ ବନ୍ଦ ରହିଛି ଏବଂ ତାଙ୍କ ଓକିଲଙ୍କ ସହ ଯୋଗାଯୋଗ ହୋଇପାରି ନାହିଁ।

H9. Indian Immigrants Deported From US: ଆମେରିକାରୁ ନିର୍ବାସିତ ୧୧୯ ଜଣ ଭାରତୀୟଙ୍କୁ ନେଇ ଦ୍ୱିତୀୟ ବିମାନ ଶନିବାର ଅମୃତସର ବିମାନବନ୍ଦରରେ ପହଞ୍ଚିବ। ଏହି ବିମାନରେ ଥିବା ଅଧିକାଂଶ ଯାତ୍ରୀ ପଞ୍ଜାବ ରାଜ୍ୟର। ଫେବ୍ରୁଆରୀ ୧୬ ତାରିଖରେ ନିର୍ବାସିତମାନଙ୍କୁ ନେଇ ଆଉ ଏକ ବିମାନ ଆସିବାର ଆଶା କରାଯାଉଛି। ତଥାପି ଏହା ଏପର୍ଯ୍ୟନ୍ତ ସ୍ପଷ୍ଟ ନୁହେଁ ଯେ ନିର୍ବାସିତମାନଙ୍କୁ ଆମେରିକୀୟ ବିମାନ ଯୋଗେ ଅଣାଯିବ ନା ଭାରତ ସରକାର ସେମାନଙ୍କୁ ଫେରାଇ ଆଣିବା ପାଇଁ ଏକ ବିମାନ ବ୍ୟବସ୍ଥା କରିଛନ୍ତି। ଆମେରିକାରୁ ସ୍ଥାନାନ୍ତରିତ ୧୧୯ ଜଣ ଭାରତୀୟ ପ୍ରବାସୀଙ୍କୁ ନେଇ ଦୁଇଟି ବିମାନ ଫେବୃଆରୀ ୧୫ ଏବଂ ୧୬ ତାରିଖରେ ଅମୃତସରର ଗୁରୁ ରାମଦାସ ଅନ୍ତର୍ଜାତୀୟ ବିମାନବନ୍ଦରରେ ପହଞ୍ଚିବାର ଆଶା କରାଯାଉଛି।

H10. ICC Champions Trophy 2025: ୨୦୨୫ ଚାମ୍ପିଅନ୍ସ ଟ୍ରଫି ପାଇଁ ଆଇସିସି ପୁରସ୍କାର ରାଶି ଘୋଷଣା କରିଛି। ଏଥର ପୁରସ୍କାର ରାଶି ୫୩% ବୃଦ୍ଧି କରାଯାଇଛି। ଏହି ସିଜିନରେ ଯେଉଁ ଦଳ ଜିତିବ ସେମାନଙ୍କୁ ପୁରସ୍କାର ସ୍ୱରୂପ ୨୦.୮ କୋଟି ଟଙ୍କା ଦିଆଯିବ ଏବଂ ଯେଉଁ ଦଳ ଉପବିଜେତା ହେବ ସେମାନଙ୍କୁ ମଧ୍ୟ ୧୦.୪ କୋଟି ଟଙ୍କା ମିଳିବ। ଏହି ସିଜିନର ସେମିଫାଇନାଲରେ ପହଞ୍ଚିଥିବା ଦଳଗୁଡ଼ିକୁ  ୫.୨ କୋଟି ଟଙ୍କା ପୁରସ୍କାର ଦିଆଯିବ।