VIએ લોન્ચ કર્યું AIથી ચાલતું ટૂલ, સ્પેમ મેસેજ દેખાતા તરત કરી દે છે એલર્ટ, કેવી રીતે કરશે કામ?

Vodafone-Idea એ એક નવું AI અને ML આધારિત સ્પામ મેનેજમેન્ટ સોલ્યુશન લોન્ચ કર્યું છે. આ સિસ્ટમ સ્પામ સંદેશાઓને ઓળખે છે અને તમને ચેતવણી આપે છે. કંપની દાવો કરે છે કે આ નવું સોલ્યુશન મશીન-આધારિત ઓટોમેટેડ સોલ્યુશન્સ દ્વારા સ્પામ સંદેશાને શોધવા અને ફ્લેગ કરવા માટે રચાયેલ છે, જેથી વપરાશકર્તાઓ સુરક્ષિત અને ક્લટર-ફ્રી મોબાઇલ અનુભવ મેળવી શકે. પ્રારંભિક પરીક્ષણ તબક્કાથી, આ સિસ્ટમે 2.4 કરોડથી વધુ સ્પામ સંદેશાઓની ઓળખ કરી છે. 

વોડાફોન-આઈડિયાના સીટીઓ જગબીર સિંહે જણાવ્યું હતું કે જેમ જેમ લોકો ડિજિટલ કોમ્યુનિકેશન તરફ આગળ વધી રહ્યા છે તેમ એસએમએસ સ્પામ અને સ્કેમનું જોખમ પણ વધી રહ્યું છે. અમારી AI સંચાલિત સ્પામ ડિટેક્શન સિસ્ટમ ગ્રાહકોને સુરક્ષિત રાખવામાં મદદ કરશે.

સિસ્ટમ કેવી રીતે કામ કરે છે?

રીઅલ-ટાઇમ વિશ્લેષણ - આ સિસ્ટમ એઆઈની મદદથી દરેક આવનારા SMSનું વિશ્લેષણ કરે છે અને છેતરપિંડી લિંક્સ, અનધિકૃત પ્રમોશન અને ઓળખની ચોરી જેવી વસ્તુઓને ઓળખે છે. 
પેટર્ન રેકગ્નિશન - આ સિસ્ટમ મશીન લર્નિંગ દ્વારા ફિશિંગ લિંક્સ, વિચિત્ર પ્રેષક વિગતો અને સ્પામ સંદેશામાં વપરાતા શબ્દોને ઓળખે છે. 
સ્પામ ટેગીંગ - સ્પામ સંદેશાઓને તરત જ વપરાશકર્તાઓને ચેતવણી આપવા માટે "શંકાસ્પદ સ્પામ" તરીકે ટેગ કરવામાં આવે છે. 
સતત સુધારણા - મશીન લર્નિંગની મદદથી સિસ્ટમ નવા સ્પામ વલણો અનુસાર પોતાને અપડેટ કરતી રહે છે.

આનાથી ગ્રાહકોને કેટલો ફાયદો થશે?

સુરક્ષા - આ સિસ્ટમ સ્પામ સંદેશાઓ શોધી કાઢે છે અને વપરાશકર્તાઓને ચેતવણી આપે છે, જેથી વપરાશકર્તાઓ છેતરપિંડી અને કૌભાંડોથી બચી શકે.
ઉપયોગમાં સરળ - આ સિસ્ટમ વાપરવા માટે ખૂબ જ સરળ છે. આ સિસ્ટમનો ઉપયોગ કરવા માટે તમારે તેને સેટઅપ કરવાની જરૂર નથી. તે આપોઆપ કામ કરે છે.