લોકઅપમાંથી ભાગી ગયો આરોપી, પોલીસે પકડીને પૂછ્યું- કેવી રીતે ભાગ્યો? તો 5 જ સેકન્ડમાં આ રીતે આવી ગયો બહાર
દેશ-દુનિયામાં કેદી જેલમાંથી ફરાર થઈ ગયાના સમાચાર અવારનવાર સાંભળવા મળતા હોય છે. ક્યારેક તેઓ પોલીસની પકડમાં આવી જાય છે તો ક્યારેક ભાગી જાય છે. પરંતુ આટલા ચુસ્ત બંદોબસ્ત વચ્ચે આ કેદીઓ કેવી રીતે ભાગી જાય છે તે નવાઈની વાત લાગતી હોય છે.
Trending Photos
- 8
- 4
- 5
- 6
)
પુણે: દેશ-દુનિયામાં કેદી જેલમાંથી ફરાર થઈ ગયાના સમાચાર અવારનવાર સાંભળવા મળતા હોય છે. ક્યારેક તેઓ પોલીસની પકડમાં આવી જાય છે તો ક્યારેક ભાગી જાય છે. પરંતુ આટલા ચુસ્ત બંદોબસ્ત વચ્ચે આ કેદીઓ કેવી રીતે ભાગી જાય છે તે નવાઈની વાત લાગતી હોય છે. મહારાષ્ટ્રના પુના જિલ્લામાંથી એક ચોંકાવનારો મામલો સામે આવ્યો છે. એક આરોપી પોલીસ સ્ટેશનમાંથી ભાગવામાં સફળ રહ્યો. તે કેવી રીતે ભાગી ગયો તે જાણીને તો તમે પણ માથું ખંજવાળશો. પુના નજીકના પિંપરી-ચિંચવડના ચાકન પોલીસ મથકમાં આ ઘટના જોવા મળી.
પોલીસ સ્ટેશનમાંથી ભાગી ગયો આરોપી
મહારાષ્ટ્રના પુના નજીકના પિંપરી-ચિંચવડના ચાકન પોલીસ સ્ટેશનથી એક આરોપી લોકઅપમાંથી ફરાર થઈ ગયો. પોલીસને આ જોઈને દંગ રહી ગઈ કે આખરે તાળાબંધી અને ચુસ્ત બંદોબસ્ત હોવા છતાં આ આરોપી ભાગી કેવી રીતે ગયો. જો કે પોલીસ તેને પકડી લેવામાં સફળ રહી અને દબોચીને પાછો પોલીસ સ્ટેશન લઈ ગયા.
કેમેરા સામે આરોપીએ આપ્યો લાઈવ ડેમો
જ્યારે આરોપીને પોલીસે પૂછ્યું કે કેદખાના બહાર તાળું હોવા છતાં કેવી રીતે તે બહાર આવ્યો તો આ આરોપીએ તેમને એક લાઈવ ડેમો આપી દીધો. વીડિયો જોઈને તમે પણ વિચારમાં પડી જશો. આરોપીએ લાઈવ ડેમો આપીને દેખાડ્યું કે લોકઅપમાં લાગેલા સળીયા વચ્ચેથી કેવી રીતે સરળતાથી તે બહાર નીકળી ગયો. ફક્ત 5 સેકન્ડની અંદર બહાર આવીને આરોપીએ પોલીસને ચોંકાવી દીધા.
लॉकअप से कैसे निकल कर फरार हुआ था आरोपी..पुलिस ने दिखाया लाइव डेमो..#MaharashtraPolice pic.twitter.com/4BY9NvjQkZ
— Zee News (@ZeeNews) March 22, 2022
લોકઅપના સળીયા વચ્ચેથી નીકળી ગયો આરોપી
જે પ્રકારે આરોપી લોકઅપમાંથી બહાર નીકળ્યો તે કેમેરામાં કેદ કરવા માટે પોલીસકર્મીઓએ આરોપી પાસે લાઈવ ડેમો કરાવ્યું. આરોપી દુબળો પાતળો હતો. લોકઅપના સળીયા વચ્ચેથી તે સરળતાથી બહાર નીકળી શક્યો. જો કે આ ઘટના બાદ હવે પોલીસ વધુ સતર્ક થઈ ગઈ છે. પોલીસ આ અંગેની એક એડવાઈઝરી પણ તમામ પોલીસ મથકોને જારી કરી છે. સળીયા વચ્ચેથી બહાર નીકળવાનો આ વીડિયો હાલ તો સોશિયલ મીડિયામાં ખુબ વાયરલ થઈ રહ્યો છે. ચોંકાવનારો વીડિયો જેણે પણ જોયો તે દંગ રહી ગયા.
લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
