આફતનો વરસાદ: અનેક જિલ્લામાં ખેડૂતથી માંડીને તંત્ર સુધી તમામના ગાઢ મોકળા થયા
અમરેલી જિલ્લાનાં અનેક વિસ્તારોમાં અચાનક કમોસમી વરસાદ પડ્યો હતો. જિલ્લાનાં નવા ગીરિયા અને નાના માચિયાળામાં બપોર બાદ ધોધમાર વરસાદ પડતા રસ્તાઓ પર પાણી ફરી વળ્યું છે. ગરમીમાં ભારે બફારા બાદ ધોધમાર વરસાદ પડતા રસ્તા પર પાણી વહેતા થઇ ગયા હતા.
Trending Photos
- 6
- 5
- 5
- 6
)
કેતન બગડા/અમરેલી : અમરેલી જિલ્લાનાં અનેક વિસ્તારોમાં અચાનક કમોસમી વરસાદ પડ્યો હતો. જિલ્લાનાં નવા ગીરિયા અને નાના માચિયાળામાં બપોર બાદ ધોધમાર વરસાદ પડતા રસ્તાઓ પર પાણી ફરી વળ્યું છે. ગરમીમાં ભારે બફારા બાદ ધોધમાર વરસાદ પડતા રસ્તા પર પાણી વહેતા થઇ ગયા હતા.
જો કે અચાનક વરસાદ ચાલુ થતા રસ્તે પસાર થતા લોકો રોડના કિનારે ઉભા રહી જવાની ફરજ પડી હતી. આ ઉપરાંત ગરમી અને બફારામાંથી લોકોને હાલ પુરતી રાહત મળી હતી. સવારથી જ અમરેલી જિલ્લામાં મેઘાડંબર ચાલુ થઇ ચુક્યું હતું. હવામાન વિભાગ દ્વારા પણ છુટાછવાયા વરસાદની આગાહી કરવામાં આવી હતી.
જો કે આ વરસાદનાં કારણે કેરીથી માંડીને ઘઉ સહિતનાં પાકને ખુબ જ નુકસાન થશે. ઉપરાંત શરદી અને ઉધરસ જેવા દરદ આ કોરોના કાળમાં વધવાને કારણે તંત્રની મુશ્કેલીમાં પણ ખુબ જ વધારો થશે. હાલ તો ઠંડક થવાનાં કારણે લોકો રાહત અનુભવી રહ્યા છે. કોરોના અને લોકડાઉનથી કંટાળેલા લોકોને માનસિક શાંતી મળે તેવું આહ્લાદક વાતાવરણ સર્જાયું છે.
અમરેલીનાં સાવરકુંડલામાં નદી વહેતી થઇ
અમરેલીનાં સાવરકુંડલામાં વરસાદ એટલો પડ્યો હતો કે રસ્તા પર સારુ એવું પાણી વહેતં થઇ ગયું હતું. જેના પગલે નદી પણ વહેતી થઇ ગઇ હતી. ઘાડલા ગામની ચીખલીયો નદીમાં પુર આવ્યું. મોટા પ્રમાણમાં પાણી આવતા લોકો પાણી જોવા માટે મોટા પ્રમાણમાં આવ્યા હતા.
બોટાદ જિલ્લામાં પણ છુટોછવાયો વરસાદ
બોટાદ જિલ્લામાં થયું મેઘરાજાનું આગમન થયું હતું. બોટાદ શહેર સહિત રાણપુર પંથક માં વાતાવરણમાં એકાએક પલટો આવ્યો હતો. ધોમધખતા તડકા બાદ ભારે પવન સાથે ધોધમાર વરસાદથી લોકોમાં ખુશીનો માહોલ જોવા મળ્યો હતો. ભારે ઉકળાટ બાદ વરસાદ વરસતા વાતાવરણ માં ઠંડક પ્રસરી હતી. પવનના સુસવાટા સાથે વરસાદ પડતા વાતાવરણ ઠંડુ થતા લોકો માં આનંદ છવાયો.
લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
