હેલ્મેટ વિનાના વાહનચાલકોને નકલી યમરાજ અસલી યમરાજનો આપે છે ખોફ; મહેસાણામાં અનોખું અભિયાન
મહેસાણા ખાતે નેશનલ રોડ સેફટી માસનું અનોખું અભિયાન. નકલી યમરાજ બનાવી વાહનચાલકોમાં જાગૃતિ અભિયાન ચલાવવામાં આવી રહ્યું છે. હેલ્મેટ વિનાના વાહનચાલકો ને નકલી યમરાજ અસલી યમરાજનો ખોફ આપે છે. હેલ્મેટ પહેરનાર વાહનચાલકોને ગુલાબ નું ફૂલ અને ચોકલેટ આપવામાં આવ્યા.
Trending Photos
- 9
- 6
- 12
- 5
)
તેજસ દવે/મહેસાણા: મહેસાણા જિલ્લા આરટીઓ કચેરી દ્વારા આજે નેશનલ રોડ સેફટી માસ અન્વયે અનોખી રીતે રોડ સેફટી જાગૃતિ અભિયાન હાથ ધરવામાં આવ્યું હતું.
હેલ્મેટ વિના ફરશો તો અસલી યમરાજ મળી જશે
મહેસાણા દૂધસાગર ડેરીના સહયોગથી આરટીઓ વિભાગે નકલી યમરાજને સાથે રાખી હેલ્મેટ વિના વાહન ચલાવતા વાહન ચાલકોને જાગૃતિના ભાગરૂપે અત્યારે નકલી યમરાજ હાલમાં ખાલી ગદા મારે છે પણ હેલ્મેટ વિના ફરશો તો અસલી યમરાજ મળી જશે તો યમરાજ લઈ જશે અને પરિવાર રખડી પડશે એવી સમજણ આપવાની અનોખી કામગીરી શરૂ કરી છે.
મહેસાણા આરટીઓ કચેરીએ નકલી યમરાજનો સહારો લીધો
રોડ સેફટી અભિયાન હેઠળ જે વાહનચાલક હેલ્મેટ સાથે આવ્યો હોય તો તેનું ગુલાબનું ફૂલ આપી સ્વાગત કરવામાં આવે છે અને ચોકલેટ આપી મોઢું મીઠું કરાવવામાં આવે છે..આમ લોકોમાં હેલ્મેટ પહેરવાની જાગૃતિ લાવવા મહેસાણા આરટીઓ કચેરીએ નકલી યમરાજનો સહારો લઈ જાગૃતિ અભિયાન હાથ ધર્યું છે.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
