જથ્થાબંધ ફુગાવાએ તમામ રેકોર્ડ તોડ્યા, એપ્રિલમાં 10.49%, ક્રૂડ તેલના ભાવમાં પણ આગ લાગી

નવી દિલ્હીઃ ક્રૂડ ઓઇલ અને ઉત્પાદિત ચીજવસ્તુઓના વધતા ભાવને લીધે એપ્રિલમાં જથ્થાબંધ ભાવો પર આધારિત ફુગાવો 10.49 ટકાની સર્વાંગી ઉચ્ચતમ સપાટીએ પહોંચી ગયો છે. આ ઉપરાંત ગયા વર્ષે એપ્રિલના નીચા સ્તરે પણ એપ્રિલ 2021 દરમિયાન ફુગાવો વધારવામાં ફાળો આપ્યો હતો.

માર્ચ 2021માં ડબ્લ્યુપીઆઈ ફુગાવો 7.39 ટકા હતો અને એપ્રિલ 2020 માં નકારાત્મક 1.57 ટકા હતો. જથ્થાબંધ ભાવાંક પર આધારિત ફુગાવો સતત ચોથા મહિને વધ્યો છે. વાણિજ્ય અને ઉદ્યોગ મંત્રાલયે કહ્યું, "એપ્રિલ 2021 (એપ્રિલ 2020 ની તુલનામાં) માસિક ડબ્લ્યુપીઆઇ પર આધારિત ફુગાવાનો દર વાર્ષિક દર 10.49 ટકા હતો."

આ પણ વાંચોઃ 500 રૂપિયા સસ્તું સોનું ખરીદવાની તમને મળી તક!, જલદી કરો...ફક્ત 5 દિવસ છે તમારી પાસે

મંત્રાલયે કહ્યું, "એપ્રિલ 2021 માં ફુગાવાનો વાર્ષિક દર પાછલા વર્ષના સમાન મહિનાની સરખામણીએ ઉંચો છે, જેનું મુખ્ય કારણ ખનિજ તેલ અને કાચા તેલ, પેટ્રોલ અને ડીઝલ જેવા ઉત્પાદિત ઉત્પાદનોના ભાવમાં વધારો છે." આ સમયગાળા દરમિયાન, ઇંડા, માંસ અને માછલી જેવા પ્રોટીનયુક્ત ખાદ્ય ઉત્પાદનોની કિંમતમાં તીવ્ર વધારો થવાને કારણે ખાદ્ય ચીજવસ્તુઓમાં ફુગાવો 4.92 ટકા રહ્યો હતો.

શાકભાજીના ભાવમાં ઘટાડો
જોકે શાકભાજીના ભાવમાં 9.03 ટકાનો ઘટાડો થયો છે. બીજી તરફ ઇંડા, માંસ અને માછલીના ભાવમાં 10.88 ટકાનો વધારો થયો છે. એપ્રિલમાં કઠોળનો ફુગાવો 10.74 ટકા હતો, જ્યારે ફળોમાં તે 27.43 ટકા હતો. એ જ રીતે, ઉત્પાદિત ઉત્પાદનોમાં 9.01 ટકાની તુલનાએ એપ્રિલમાં ઇંધણ અને વીજળીનો ફુગાવો 20.94 ટકા રહ્યો હતો.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube