Rose Plant: આ ટીપ્સ ફોલો કરશો તો ગુલાબના છોડમાં ઝડપથી આવશે મોટા મોટા ફૂલ

Gardening Tips For Rose Plant: દેખાવમાં અત્યંત સુંદર લાલ ગુલાબ કોઈપણ વ્યક્તિનું મન મોહી લે છે. ઘરમાં જો ગુલાબનો છોડ રાખેલો હોય તો ઘરની શોભા વધી જાય છે. ઘણા લોકો ઘરમાં ગુલાબનો છોડ વાવે પણ છે. પરંતુ યોગ્ય જાણકારીનો અભાવ હોવાથી આ છોડ બરાબર ખીલતો નથી અને તેમાં ફૂલ પણ સારા આવતા નથી. જો તમે પણ ગુલાબનો છોડ રાખવા માંગો છો પણ તમને તેનું ધ્યાન કેવી રીતે રાખવું તે ખબર નથી તો આજે તમને આ ટિપ્સ જણાવીએ. 

આ પણ વાંચો: Fertilizer: ઘરે સરળતાથી બનાવી શકો છો આ 4 પ્રકારના ખાતર, છોડ આખું વર્ષ રહેશે લીલાછમ્મ

જો તમે આ ટિપ્સ ફોલો કરીને ગુલાબનો છોડનું ધ્યાન રાખશો તો ગુલાબના છોડમાં ઝડપથી ફૂલ આવવા લાગશે અને આ ફૂલ પણ એકદમ મોટા અને ખીલેલા રહેશે.. તો ચાલો તમને જણાવીએ ગુલાબનો છોડ કેવી રીતે વાવવો અને તેનું ધ્યાન કેવી રીતે રાખવું. 

આ પણ વાંચો: આ રીત અજમાવી ઘરે કુંડામાં જ ઉગાડી લો લસણ, માર્કેટમાંથી ખરીદવાની જરૂર નહીં પડે

ગુલાબના છોડની માટી 

ગુલાબના છોડ વાવવા હોય તો પહેલા તેની માટીને સારી રીતે તૈયાર કરવી જરૂરી છે. માટીમાં છાણ અને ખાતર તેમજ અન્ય પોષક તત્વો મિક્સ કરવા જોઈએ. ગુલાબના છોડ માટે માટીને ભેજવાળી રાખવી જોઈએ તેમાં ઝડપથી છોડ વધે છે. ગુલાબનો છોડ કાળી અથવા તો લાલ માટીમાં ઝડપથી ખીલે છે. 

આ પણ વાંચો: ઘરમાં રાખેલા લકી બામ્બુ પ્લાન્ટનું આ રીતે રાખો ધ્યાન, છોડ ક્યારેય કરમાશે નહીં

ગુલાબના છોડમાં પાણી આપવાની રીત 

ગુલાબના છોડને નિયમિત તડકો, ખાતર અને પાણી મળતું રહે તે જરૂરી હોય છે. ગરમીના દિવસોમાં આ છોડને એવી જગ્યાએ રાખો જ્યાં તડકો ડાયરેક્ટ ન આવે. વધારે પડતો તડકો પણ ગુલાબ માટે સારો નથી. ગુલાબના છોડમાં હંમેશા ફુવારા વડે પાણી આપવું જોઈએ. જો ગુલાબનો છોડ કુંડામાં વાવેલો હોય તો તેના પર પાણી છાંટવું જોઈએ તેનાથી ગુલાબનો છોડ ઝડપથી વિકસિત થશે. 

આ પણ વાંચો: Kitchen Garden: ઘરે નાનકડા કુંડામાં પણ ઉગાડી શકો છો મીઠો લીમડો, જાણી લો સૌથી સરળ રીત

ગુલાબના છોડમાં ખાતર 

ગુલાબના છોડમાં મહિનામાં ઓછામાં ઓછું બે વખત છાણવાળું ખાતર ઉમેરવું જોઈએ.. ગુલાબને કેલ્શિયમની પણ જરૂર હોય છે. જો તમે ઈંડા ખાતા હોય તો ઈંડાની છાલનો પાવડર કરી ગુલાબના છોડમાં છાંટી શકાય છે

(Disclaimer: અહીં આપેલી માહિતી સામાન્ય માહિતી પર આધારિત છે.  ZEE24kalak તેની પુષ્ટિ કરતું નથી.)