Vijay Sethupathi Viduthalai Part 2: తమిళంలో గతేడాది బ్లాక్బస్టర్ హిట్ అయిన మూవీ విడుదల. ఈ సినిమా తెలుగు ప్రేక్షకులను కూడా సూపర్‌గా ఆకట్టుకుంది. విజయ్ సేతుపతి యాక్టింగ్‌తో అదరగొట్టారు. ఈ నేపథ్యంలోనే విడుదల మూవీకి సీక్వెల్‌గా విడుదల-2ను మేకర్స్ తెరకెక్కించారు. త్వరలోనే తెలుగు ప్రేక్షకుల ముందుకు రానుంది.
విడుదల సినిమా సూపర్ హిట్ కావడంతో పార్ట్-2 రైట్స్ కోసం తెలుగులో భారీ పోటీ నెలకొంది. ఎంతోమంది నిర్మాతలు పోటీలో నిలవగా.. ఫ్యాన్సీ ధరకు ప్రముఖ నిర్మాత చింతపల్లి రామారావు దక్కించుకున్నారు.
తెలుగు హక్కులు దక్కించుకున్న అనంతరం నిర్మాత చింతపల్లి రామారావు మాట్లాడుతూ.. విడుదల 2 మూవీని తెలుగు ప్రేక్షకులకు అందించబోతున్నందుకు సంతోషంగా ఉందని చెప్పారు. విజయ్ సేతుపతి, సూరి నటన హైలైట్‌ కాబోతుందన్నారు.
ఏడు నేషనల్ అవార్డ్స్ అందుకున్న ఏకైక డైరెక్టర్ వెట్రీ మారన్, సూపర్ హిట్ మూవీస్‌ను తెరకెక్కించిన ఆర్‌ఎస్‌ ఇన్ఫోటైన్‌మెంట్ అధినేత ఎల్రెడ్ కుమార్‌తో కలిసి ఈ సినిమాను అద్భుతంగా తెరకెక్కించారని మెచ్చుకున్నారు.
మంచి కమర్షియల్ వాల్యూస్‌తో ఈ సినిమా ఉందని.. కచ్చితంగా ఒక బ్లాక్బస్టర్ హిట్ అవుతుందని ఆశిస్తున్నానని అన్నారు. డిసెంబర్ 20వ తేదీన తెలుగు ప్రేక్షకులు ముందుకు తీసుకువచ్చేందుకు ప్లాన్ చేస్తున్నామన్నారు.
ఈ సినిమాలో విజయ సేతుపతి, సూరి, మంజుల వారియర్, గౌతమ్ వాసుదేవ్ మీనన్, భవాని శ్రీ తదితరులు కీలక పాత్రలు పోషించారు. డీఓపీగా వేల్ రాజ్ వ్యవహరించగా.. ఇళయరాజా సంగీతం అందించారు. వెట్రీ మారన్ దర్శకత్వం వహించారు.
