Valentine day 2024 - Tollywood Couple: మన దగ్గర పెళ్లీళ్లు స్వర్గంలో నిర్ణయమవుతాయని మన పెద్దలు చెబుతూ ఉంటారు. ఒక్కోసారి స్క్రీన్ పై జరిగే పెళ్లీళ్లు రియల్ లైఫ్‌లో జరుగుతూ ఉంటాయి. అలా టాలీవుడ్‌లో కొంత మంది నిజంగానే పెళ్లితో మూడు ముళ్లు.. ఏడడులు వేసారు. అలా ఒక్కటైన టాలీవుడ్ కపుల్స్ పై జీ న్యూస్ ఫోకస్.
వరుణ్ తేజ్ - లావణ్య త్రిపాఠి: కొన్ని సినిమాల్లో కలిసి నటించిన వరుణ్ తేజ్, లావణ్య త్రిపాఠిలు.. గతేడాది పెద్దలను ఒప్పించి మూడు ముళ్ల బంధంతో ఒక్కటయ్యారు.
అల్లు అర్జున్ - స్నేహా రెడ్డి: అల్లు అర్జున్, స్నేహారెడ్డిలు ప్రేమించి పెళ్లి చేసుకున్నారు. ఇక స్నేహా రెడ్డికి సినీ రంగంతో అసలు సంబంధం లేదు.
రామ్ చరణ్ - ఉపాసన కొణిదెల: రామ్ చరణ్ సినీ రంగానికి చెందిన వ్యక్తి. ఉపాసన అపోలో హాస్పిటల్స్ ఫ్యామిలీకి సంబంధించిన వ్యక్తి. ఓ పార్టీలో కలుసుకున్న వీళ్లు ఒకిరినొకరు ప్రేమించుకొని పెళ్లి బంధంతో ఒక్కటయ్యారు.
నాని - అంజనా : నాచురల్ స్టార్ నాని భార్య కాస్ట్యూమ్ డిజైనర్‌గా పనిచేస్తూ ఉండేది. ఈమె బెంగళూరులోని నిఫ్ట్‌లో కాలేజిలో ఫ్యాషన్ డిజైనింగ్ పూర్తి చేసిన అంజనా.. ఇపుడు ఆర్కా మీడియాలో పనిచేస్తోంది. వీళ్లిద్దరిది కూడా ప్రేమ వివాహామే.
మహేష్ బాబు - నమ్రత: సూపర్ స్టార్ మహేష్ బాబు, నమ్రత తొలిసారి వంశీ సినిమాలో కలిసి నటించారు. ఈ తర్వాత ఒకరి అభిప్రాయాలు కలిసిన తర్వాత ఏడడుగులు వేశారు.
నాగ చైతన్య - సమంత: నాగ చైతన్య, సమంత తొలిసారి 'ఏ మాయ చేసావే' సినిమాలో కలిసి నటించారు. కథానాయికగా సమంతకు ఇదే ఫస్ట్ మూవీ. ఒక రకంగా సామ్‌కు చైతూనే తొలి హీరో. ఆ తర్వాత కొన్నేళ్లకు పెద్దలను ఒప్పించి పెళ్లి చేసుకున్నారు. ఆ తర్వాత మనస్పర్ధల కారణంగా విడిపోయారు.
పవన్ కళ్యాణ్ - రేణు దేశాయ్: పవన్ కళ్యాణ్, రేణు దేశాయ్.. పూరీ జగన్నాథ్ దర్శకత్వంలో తెరకెక్కిన 'బద్రి' సినిమాలో తొలిసారి కలిసి నటించారు. ఆ తర్వాత వీళ్లిద్దరు కొన్నేళ్లు డేటింగ్ చేసి ఓ పిల్లాడు పుట్టిన తర్వాత పెళ్లి చేసుకున్నారు. వీళ్లతో పాటు తెలుగులో చాలా మంది నటీనటులు ప్రేమించి పెళ్లి చేసుకున్న వారి జాబితా ఉన్నారు. వాళ్ల లిస్టు పెడితే పెద్దదే అవుతుంది.
