Thandel Pre Release Business: యువ సామ్రాట్ నాగ చైతన్య హీరోగా టైటిల్ రోల్లో యాక్ట్ చేస్తోన్న చిత్రం ‘తండేల్’. సాయి పల్లవి హీరోయిన్ గా యాక్ట్ చేస్తోంది. చందూ మొండేటి డైరెక్ట్ చేస్తున్నారు. ఈ శుక్రవారం విడుదల కానున్న ఈ సినిమా నాగ చైతన్య కెరీర్ లోనే హైయ్యెస్ట్ ప్రీ రిలీజ్ చేసిన చిత్రంగా నిలిచిపోయింది. మొత్తంగా ఈ సినిమా ఏరియా వైజ్ ప్రీ రిలీజ్ బిజినెస్ విషయానికొస్తే..
Thandel Pre Release Business: ప్రేమమ్, సవ్యసాచి చిత్రాల తర్వాత నాగ చైతన్య, చందూ మొండేటి దర్శకత్వంలో వస్తోన్న చిత్రం ‘తండేల్’. ఈ సినిమాలో నాగ చైతన్య ‘తండేల్ రాజు’ పాత్రలో నటించారు. లవ్ కమ్ దేశ భక్తి నేపథ్యంలో తెరకెక్కిన ఈ సినిమాపై అంచనాలు పీక్స్ లో ఉన్నాయి.
టీజర్, ట్రైలర్ తర్వాత ఈ సినిమాకు అన్ని ఏరియాల్లో మంచి బిజినెస్ చేసింది. ‘లవ్ స్టోరీ’ తర్వాత చైతూ, సాయి పల్లవి కాంబినేషన్ లో వస్తోన్న చిత్రం కావడంతో అంచనాలు కూడా అదే స్థాయిలో ఉన్నాయి.
‘తండేల్’ చిత్రాన్ని చందూ మొండేటి లవ్ అండ్ యాక్షన్ ఎంటర్టైనర్ గా తెరకెక్కించారు. ఈ చిత్రాన్ని ప్రతిష్టాత్మక గీతా ఆర్ట్స్ బ్యానర్‌పై బన్నీ వాసు నిర్మించారు. అల్లు అరవింద్ సమర్పిస్తున్నారు. దేవి శ్రీ ప్రసాద్ సంగీతం అందించారు. ఇప్పటికే విడుదలైన ఈ సినిమాలోని పాటలకు మంచి రెస్పాన్స్ వచ్చింది.
‘తండేల్’ సినిమా ప్రీ రిలీజ్ బిజినెస్ విషయానికొస్తే.. నాగ చైతన్య కెరీర్ లో హైయ్యెస్ట్ ప్రీ రిలీజ్ బిజినెస్ చేసిన చిత్రంగా రికార్డులకు ఎక్కింది. ఈ సినిమా ఆంధ్ర ప్రదేశ్ లో రూ. 13 కోట్లు.. తెలంగాణలో రూ. 14.5 కోట్ల ప్రీ రిలీజ్ బిజినెస్ చేసింది. తెలంగాణ + ఆంధ్ర ప్రదేశ్ కలిపి రూ. 27.5 కోట్ల ప్రీ రిలీజ్ బిజినెస్ చేసింది. ఓవర్సీస్ + హిందీ కలిపి రూ. 12.5 కోట్ల ప్రీ రిలీజ్ బిజినెస్ చేసింది.
ప్రపంచ వ్యాప్తంగా ‘తండేల్’ మూవీ రూ. 40 కోట్ల ప్రీ రిలీజ్ బిజినెస్ చేసింది. ఈ సినిమా రూ. 42 కోట్ల బ్రేక్ ఈవెన్ టార్గెట్ తో బరిలో దిగుతుంది. సినిమాకు పాజిటివ్ టాక్ వస్తే మాత్రం బాక్సాఫీస్ దగ్గర కుమ్మేయడం ఖాయం.
‘తండేల్’ సినిమా మొత్తంగా రూ. 90కోట్ల బడ్జెట్ అయింది. ఈ సినిమా నాన్ థియేట్రికల్ గా.. నెట్ ఫ్లిక్స్ సంస్థ రూ. 40 కోట్లకు అమ్ముడు పోయింది. ఇక మ్యూజిక్ రైట్స్ రూ. 7 కోట్లు.. హిందీలో డబ్బింగ్ వెర్షన్ రూ. 8 కోట్లు.. మిగిలిన శాటిలైట్ రైట్స్ రూ. 10 కోట్లు ముందుగానే వచ్చేసింది. మొత్తంగా నాన్ థియేట్రికల్ గానే ఈ సినిమా రూ. 65 కోట్ల టేబుల్ ప్రాఫిట్ దక్కించుకుంది.
