Special FD Schemes: రిస్క్ లేకుండా అధిక రిటర్న్స్ కోసం చాలా మంది ఫిక్స్డ్ డిపాజిట్లను ఆశ్రయిస్తుంటారు. నిర్ణీత వ్యవధికై డిపాజిట్ చేస్తే వడ్డీ అధికంగా లభిస్తుంది. అయితే ఎఫ్‌డీ చేసే ముందు ఏ బ్యాంకులో ఎంత వడ్డీ లభిస్తుందో చెక్ చేసుకోవాలి. ఎందుకంటే అన్ని బ్యాంకుల్లో ఒకే రకమైన వడ్డీ ఉండదు. ఎస్బీఐ, పీఎన్బీ, హెచ్‌డిఎఫ్‌సి, కెనరా, యాక్సెస్ బ్యాంకుల్లో ఏదెక్కువ వడ్డీ ఆఫర్ చేస్తోందో తెలుసుకుందాం..
స్పెషల్ ఎఫ్‌డిలో నిర్ధారిత సమయం వరకూ డబ్బులు వెనక్కి తీయలేరు. కానీ వడ్డీ అధికంగా లభిస్తుంది. ఒకవేళ మీరు 4 లక్షలు డిపాజిట్ చేస్తుంటే ఏ బ్యాంకులో ఎంత రిటర్న్స్ లభిస్తాయో చెక్ చేద్దాం
స్పెషల్ ఎఫ్‌డి స్కీమ్‌లో ఎస్బీఐ సీనియర్ సిటిజన్లకు 7.75 శాతం వడ్డీ అందిస్తోంది. ఇతరులకైతే 7.25 శాతం వడ్డీ ఉంటుంది. ఒకవేళ సీనియర్ సిటిజన్ ఎవరైనా 4 లక్షల అమృత్ వృష్టి పథకంలో పెడితే మెచ్యూరిటీ తరువాత 4,39,718 రూపాయలు లభిస్తాయి. ఇతరులకు 4,37,064 రూపాయలు వస్తాయి. దీని కాల పరిమితి 444 రోజులు.
బ్యాంక్ ఆఫ్ బరోడా అయితే స్పెషల్ ఎఫ్‌డీలో సీనియర్ సిటిజన్లకు 7.80 శాతం వడ్డీ అందిస్తోంది. ఇతరులకు 7.30 శాతం వడ్డీ అందుతుంది. దీని కాల వ్యవధి 400 రోజులు. సీనియర్ సిటిజన్లు ఇందులో 4 లక్షలు పెడితే మెచ్యూరిటీ అనంతరం 4,35,850 రూపాయలు లభిస్తాయి.
పంజాబ్ నేషనల్ బ్యాంక్ స్పెషల్ ఎఫ్‌డీలో సీనియర్ సిటిజన్లకు 7.75 శాతం వడ్డీ ఇస్తోంది. ఇతరులకు మాత్రం 7.25 శాతం వడ్డీ అందిస్తుంది. ఈ ఎఫ్‌డి కాల వ్యవధి 400 రోజులు. ఈ లెక్కన సీనియర్ సిటిజన్లు 4 లక్షలు డిపాజిట్ చేస్తే మెచ్యూరిటీ అనంతరం 4,35,612 రూపాయలు లభిస్తాయి.
హెచ్‌డి‌ఎఫ్‌ సిలో సీనియర్ సిటిజన్లకు 7.90 శాతం వడ్డీ అందుతుంది. ఇతరులకు 7.40 శాతం వడ్డీ ఉంటుంది. సీనియర్ సిటిజన్లు ఎవరైనా ఇందులో 4 లక్షలు పెడితే మెచ్యూరిటీ తరువాత 5,72,503 రూపాయలు లభిస్తాయి. ఇతరులు 5,59,773 రూపాయలు వస్తాయి
కెనరా బ్యాంకు కూడా సీనియర్ సిటిజన్లకు 7.90 శాతం, ఇతరులకు 7.40 శాతం వడ్డీ అందిస్తోంది. ఇందులో సీనియర్ సిటిజన్లు 4 లక్షలు డిపాజిట్ చేస్తే మెచ్యూరిటీ అనంతరం 5,05,807 రూపాయలు లభిస్తాయి.
యాక్సిస్ బ్యాంకు అయితే స్పెషల్ ఎఫ్‌డీలో సీనియర్ సిటిజన్లకు 7.75 శాతం వడ్డీ, ఇతరులకు 7.25 శాతం వడ్డీ ఇస్తుంది. ఎవరైనా 4 లక్షలు డిపాజిట్ చేస్తే మెచ్యూరిటీ తరువాత 4,66,371 రూపాయలు అందుతాయి.
