Spongy Pancakes With Left Over Rice: సాధారణంగా రాత్రి అన్నంను చాలా మంది బయట పడేస్తుంటారు. కానీ మిగిలిపోయిన అన్నంతో రుచికరమైన స్పాంజీ ప్యాన్‌కేక్స్ చేయవచ్చని మీకు తెలుసా? ఈ రెసిపీ చాలా సులభం, తక్కువ సమయంలో రెడీ అవుతుంది. ఇలా చేయడం వల్ల ఆహారం వృథాకాకుండా ఉంటుంది.
రాత్రి మిగిలిపోయిన అన్నాన్ని వృథా చేయడం చాలా పాపం. అది కేవలం ఆహారం వృథా చేయడమే కాదు, మనం కష్టపడి సంపాదించిన డబ్బు కూడా వృథా అయినట్టే. కానీ మిగిలిపోయిన అన్నంతో ఎన్నో రకాల రుచికరమైన ఆహారాలు చేసుకోవచ్చు.
చాలా మంది మిగిలిపోయిన అన్నంతో పులిహోర తయారు చేసుకుంటారు. ఇది ఎంతో రుచికరంగా ఉంటుంది. బ్రేక్‌ఫాస్ట్‌కు, లాంచ్‌కు కూడా ఎంతో మంచి ఎంపిక. అయితే ఎప్పుడు పులిహోర కాకుండా ప్యాన్‌ కేక్‌ కూడా తయారు చేసుకోవచ్చు.
మిగిలిపోయిన అన్నంతో ప్యాన్‌కేక్స్ చేయడం చాలా సులభం. ఇందులో కూరగాయలు, చీజ్, పనీర్ వంటివి కలిపి రుచిని మరింత పెంచుకోవచ్చు. దీని ఆరోగ్యకరమైనది అలాగే రుచికరమైనది కూడా.
మిగిలిపోయిన అన్నంతో ప్యాన్‌కేక్స్ ఎలా తయారు చేసుకోవాలి..? కావాల్సిన పదార్థాలు ఏంటో మనం ఇక్కడ తెలుసుకుందాం. ఈ రెసిపీని మీరు కూడా ఇంట్లో ట్రై చేయండి.
కావాల్సిన పదార్థాలు: మిగిలిపోయిన అన్నం - 1 కప్పు, గుడ్లు - 2, పాలు - 1/2 కప్పు, మైదా లేదా గోధుమ పిండి - 2 టేబుల్ స్పూన్లు, బేకింగ్ పౌడర్ - 1/2 టీస్పూన్, ఉప్పు - రుచికి తగినంత, నూనె - వేయడానికి
మిగిలిపోయిన అన్నాన్ని ఫోర్క్ లేదా మిక్సీలో మెత్తగా చేయండి. అన్నం చాలా పొడిగా ఉంటే, కొంచెం పాలు లేదా నీరు కలిపి మెత్తగా చేయండి.
ఒక బౌల్‌లో గుడ్లు, పాలు, పిండి, బేకింగ్ పౌడర్, ఉప్పు వేసి బాగా కలపండి. ఆ తర్వాత మెత్తగా చేసిన అన్నాన్ని కలిపి మృదువైన మిశ్రమాన్ని తయారు చేయండి.
నాన్ స్టిక్ పాన్ తీసుకొని కాల్చండి. పాన్ కాగానే కొంచెం నూనె వేసి, మిశ్రమం నుంచి కొంచెం తీసుకొని వేయండి. రెండు వైపులా బంగారు రంగు వచ్చే వరకు వేయించండి.
వేడి వేడి ప్యాన్‌కేక్స్‌ను జామ్, బటర్, మిరపకాయ సాస్ లేదా మీ ఇష్టమైన టాపింగ్స్‌తో సర్వ్ చేయండి.
