Bathukamma 2024 Fourth Day: బతుకమ్మ తెలంగాణలో అంగరంగ వైభవంగా జరుపుకుంటారు. ఈ ఏడాది అక్టోబర్‌ 2వ తేదీ పెత్తరమాసతో ప్రారంభమైంది. అక్టోబర్‌ 10 సద్దుల బతుకమ్మతో ముగుస్తుంది. అయితే, బతుకమ్మ నాలుగో రోజు నాన బియ్యం బతుకమ్మ అని పిలుస్తారు. దీని ప్రత్యేకత ఏంటో తెలుసుకుందాం.
తెలంగాణలో ఎంతో ప్రత్యేకమైన పూలపండుగ అత్యంత వైభవోపేతంగా నిర్వహిస్తారు. ఈ పండుగ ముఖ్యంగా వానాకాలం వస్తుంది కాబట్టి రంగురంగుల పూలు పెరుగుతాయి. వాటన్నింటినీ తెచ్చి గోపురం ఆకారంలో పేర్చి సాయంత్రం చిన్నా పెద్దా అంతా కలిసి బతుకమ్మ ఆడుకుంటారు.
ఈ పూలలో ముఖ్యమైనవి తంగేడు, గునుగు, బంతి, నందివర్ధనం వంటివి ప్రత్యేకం. ముఖ్యంగా ఈ బతుకమ్మ పండుగకు వాడే పూలలో ఔషధ గుణాలు కూడా పుష్కలంగా ఉంటాయి. ఈ సమయంలో ముఖ్యంగా జొన్న పంట చేతికి వస్తుంది. ముఖ్యంగా సద్దుల బతుకమ్మ సమయంలో ఆడపడుచులంతా పుట్టింటికి చేరుకుంటారు.
సాయంత్రం బతుకమ్మను ఆడిపాడి నిమజ్జనం చేస్తారు. వాయినం ఇచ్చిపుచ్చుకుంటారు. అంతేకాదు పసుపు గౌరమ్మను తయారు చేసి పూజిస్తారు. బతుకమ్మను 9 రోజులపాటు నిర్వహిస్తారు. అంతేకాదు 9 రకాల ప్రసాదాలు కూడా తయారు చేస్తారు. అందులో నాలుగో రోజు వచ్చేదే నానబియ్యం బతుకమ్మ అని పిలుస్తారు.
దీనికి ఆ పేరు ఎలా వచ్చింది అంటే ఈరోజు వాయినంగా నానబోసిన బియ్యాన్ని బెల్లం లేదా చక్కెరతో కలిపి వాయినంగా ఇస్తారు. ఆశ్వీయుజ అమావాస్యతో ప్రారంభమయ్యే ఈ బతుకమ్మ పండుగను అంగరంగ వైభంగా నిర్వహిస్తారు అక్కాచెల్లెల్లు. ఇలా చేయడం వల్ల ఇంట్లో సుకఃసంతోషాలు వెల్లివిరుస్తాయనే నమ్మకం ఉంది.
(Disclaimer: ఇక్కడ ఇవ్వబడిన సమాచారం సాధారణ నమ్మకాలు మరియు సమాచారంపై ఆధారపడి ఉంటుంది. ZEE NEWS దీన్ని ధృవీకరించలేదు.)
