Baby Boy To Rohit Sharma: 'హిట్‌ మ్యాన్‌' ఫ్యాన్స్ పండుగ చేసుకునే వార్త. జూనియర్‌ హిట్‌మ్యాన్‌ వచ్చేశాడు. రోహిత్‌ శర్మ వైఫ్‌ రితికా సజ్దే పండండంటి మగబిడ్డకు జన్మనిచ్చారు. ప్రస్తుతం ఈ వార్త సోషల్‌ మీడియాలో వైరల్ అవుతోంది. ఆ పూర్తి వివరాలు తెలుసుకుందాం.
భారత క్రికెట్‌ టీమ్‌ కెప్టన్‌ రోహిత్‌, రితికలకు పండంటి బాబు పుట్టాడు. ఇప్పటికే వీరికి సమైరా అనే కూమార్తె ఉన్న సంగతి తెలిసిందే... తన వయస్సు 6 ఏళ్లు కాగా, మరోసారి ఈ స్టార్‌ క్రికెటర్‌ తండ్రయ్యాడు.. ఈ వార్త సోషల్‌ మీడియాలో హల్చల్‌ చేస్తోంది.
నవంబర్‌ 15వ తేదీ కార్తీక పౌర్ణమి శుక్రవారం రితిక సజ్దే బాబుకు జన్మనిచ్చింది. అయితే, ఈ క్రికెట్‌ కపుల్ అధికారికంగా ఇంకా వెల్లడించాల్సి ఉంది. ఈ వార్త తెలిసిన హిట్‌మ్యాన్‌ ఫ్యాన్స్ పండుగ చేసుకుంటున్నారు.
మొదటి పెర్త్‌ టెస్ట్‌ మ్యాచ్‌కు రోహిత్‌ అందుబాటులో ఉంటాడో లేదో ఇంకా తెలియాల్సి ఉంది. ఎందుకంటే ఈ ప్రత్యేక సందర్భంగా రోహిత్‌ బ్రేక్‌ తీసుకున్నాడు. నవంబర్‌ 22న పెర్త్‌ తొలి టెస్ట్‌ మ్యాచ్‌ జరగనుంది...
ఇప్పటికే టీమ్‌ ఇండియాల ఆస్ట్రేలియా చేరుకుంది. రోహిత్‌ వారితో వెళ్లలేదు. అయితే, వ్యక్తిగత కారణాల వల్ల రోహిత్‌ ఇంకా జాయిన్‌ కాలేదని తెలుస్తోంది. అయితే, అన్ని సహకరిస్తే ఏ క్షణంలోనైనా రోహిత్‌ టీమ్‌ ఇండియా టెస్ట్‌ మ్యాచ్‌కు జాయిన్‌ అవ్వచ్చు...
అయితే, టీమ్‌ ఇండియా మ్యాచ్‌కు ప్రస్తుతం దూరంగా ఉన్న రోహిత్‌ ముంబైలో ప్రాక్టీస్‌ మాత్రం కొనసాగిస్తున్నాడు. ఆ వీడియో కూడా ఈ మధ్య వైరల్ అయింది. హిట్‌ మ్యాన్‌ ఫ్యాన్స్ మాత్రం రానున్న పెర్త్‌ మ్యాచ్‌ కోసమే అంకితభావంతో రోహిత్‌ ప్రాక్టీస్‌ కొనసాగిస్తున్నాడని ఏ సమయంలోనైనా టీమ్‌ ఇండియా జాయిన్‌ అవుతాడని ఆశిస్తున్నారు.
ఒకవేళ రోహిత్‌ ఆ మ్యాచ్‌కు అందుబాటులో లేకపోతే జాస్ప్రీత్‌ బూమ్రాకు కేప్టెన్సీ బాధ్యతలు అప్పగించే అవకాశం ఎక్కువగా ఉంది. ఇదిలా ఉండగా రోహిత్‌ రితికాలు 2015 డిసెంబర్‌లో వివాహం చేసుకున్నారు. క్రికెటర్లు, బాలీవుడ్‌ సెలబ్రిటీల మధ్య అంగరంగ వైభవంగా వీరి వివాహం జరిగింది. 2018లో రితికా సజ్దే సమైరాకు జన్మనిచ్చింది.
