Mega Fan Vs Allu Fan War: గత మూడేళ్లుగా పడిగాపులు కాస్తున్న మెగా ఫ్యాన్స్‌కి ఈరోజు అద్భుతమైన ట్రీట్ అందింది. ఫేమస్ డైరెక్టర్ శంకర్ దర్శకత్వంలో రామ్ చరణ్ నటించిన సినిమా గేమ్ చేంజర్.. ఈ సినిమాకు సంబంధించిన టీజర్ ఈరోజు విడుదలైంది. ఈ సందర్భంగా హైదరాబాద్‌లోని ఓ ప్రముఖ థియేటర్ వద్ద ఉద్రిక్త వాతావరణం నెలకొనడం విశేషం.. అయితే ఇదే సమయంలో మెగా ఫ్యాన్స్ చేతుల్లో కొన్ని వివాదాస్పదమైన ఫ్లెక్సీలు దర్శనమివ్వడం ఇప్పుడు అందర్నీ ఆశ్చర్యానికి గురిచేస్తోంది.
ఈరోజు ఈ సినిమా బృందం టీజర్ ఈవెంట్‌ను మెగా ఫ్యాన్స్ కోసం లక్నోలో ఎంతో గ్రాండ్గా నిర్వహించింది. అలాగే దేశవ్యాప్తంగా ఉన్న మెగా ఫ్యాన్స్‌ను దృష్టిలో పెట్టుకొని 11చోట్ల ఈ టీజర్ ను ఘనంగా నిర్వహించినట్లు సినీ బృందం ప్రకటించింది. సాయంత్రం 6 గంటలకు ఈ టీజర్ విడుదల అయింది..
ఇదిలా ఉండగా.. నిన్న హైదరాబాద్ సుదర్శన్ థియేటర్ వద్ద ఉద్రిక్త వాతావరణం నెలకొంది. కొందరు మెగా ఫ్యాన్స్ చేతిలో ఎవరు ఊహించని వివాదాస్పదమైన రాతలతో కూడిన ఫ్లెక్సీలు దర్శనమిచ్చాయి. ఇంతకీ ఈ ఫ్లెక్సీలు ఏంటని అనుకుంటున్నారా?
మెగా ఫ్యాన్స్ చేతుల్లో.. ఎవ్వరు ఊహించని అల్లు అర్జున్ ఫ్యాన్స్ ను రెచ్చగొట్టే రాతలు ఆఫ్ ఫ్లెక్సీలో దర్శనం ఇచ్చాయి. వాటిల్లో "ఏఏ ఏం పీకలేరు బ్రదర్స్".. అంటూ కొన్ని రెచ్చగొట్టే రాతలు ఆ ఫ్లెక్సీల పై ఉండడం ఇప్పుడు చర్చనీయా అంశంగా మారింది.
అంతేకాకుండా మెగా సామ్రాజ్యంలో సింహాలు మాత్రమే ఉంటాయని.. కుక్కలకి నక్కలకు చోటు ఉండదని ఆ ఫ్లెక్సీలపై ఉండడం అల్లు అర్జున్ ఫ్యాన్స్‌ను రెచ్చగొట్టేలా ఉందనిపిస్తోంది. ఈ వివాదాస్పదమైన ఫ్లెక్సీలను పట్టుకొని హైదరాబాద్ సుదర్శన్ థియేటర్ ముందు జై చిరంజీవి అంటూ మెగా ఫ్యాన్స్ భారీ ఎత్తున నినాదాలు చేశారు..
ఇటీవలే అల్లు అర్జున్ ఫ్యాన్స్ కూడా చిరంజీవి ఫ్యాన్స్‌ను రెచ్చగొట్టేలా కొన్ని ఫ్లెక్సీలను ప్రదర్శించిన సంగతి అందరికీ తెలిసిందే.. ఆ ఫ్లెక్సీలు సోషల్ మీడియాలో కూడా వైరల్ అయ్యాయి. అయితే దీనిని దృష్టిలో పెట్టుకొని మెగా అభిమానులు ఈ ఫ్లెక్సీలను టీజర్ విడుదల చేసిన సందర్భంగా ప్రదర్శించినట్లు తెలుస్తోంది.
