Aloo Puri Recipe: ఆలూతో తయారు చేసిన క్రిస్పీ పూరీ, సాంప్రదాయ పూరీకి ఒక ఆధునిక ట్విస్ట్. ఇది రుచికరమైన మాత్రమే కాకుండా పోషకాలతో కూడి ఉంటుంది. బంగాళాదుంపలు కార్బోహైడ్రేట్లు, విటమిన్ సి, పొటాషియం వంటి ముఖ్యమైన పోషకాలను అందిస్తాయి. అయితే బయట తయారు చేసే పూరీ, ఆలూ కర్రీ కంటే ఇంట్లోనే ఎంతో సులభంగా తయారు చేసుకోవచ్చు. దీని ఎలా తయారు చేసుకోవాలి అనేది మనం తెలుసుకుందాం. బంగాళాదుంపల్లో ఉండే కార్బోహైడ్రేట్లు శరీరానికి త్వరిత శక్తిని అందిస్తాయి. ఇందులో ఉండే ఫైబర్ జీర్ణక్రియను మెరుగుపరుస్తుంది. పొటాషియం హృదయ ఆరోగ్యాన్ని కాపాడుతుంది. విటమిన్ సి రోగ నిరోధక శక్తిని పెంచుతుంది.
ఆలూతో క్రిస్పీ పూరీ అనేది మన భారతీయ వంటకాల్లో ఎంతో ప్రాచుర్యం పొందిన ఒక రుచికరమైన వంటకం. సాధారణంగా మైదా లేదా గోధుమ పిండితో చేసే పూరీని ఆలూతో చేయడం వల్ల దీనికి ఒక ప్రత్యేకమైన రుచి, క్రిస్పీ టెక్స్చర్ వస్తుంది. ఇది బ్రేక్ ఫాస్ట్, లంచ్ లేదా డిన్నర్ అయినా ఏ సమయంలోనైనా తినడానికి చాలా బాగుంటుంది. దీని కావాల్సిన పదార్థాలు ఏంటో తెలుసుకుందాం. పిల్లలు, పెద్దలు ఎంతో ఇష్టంగా దీని తింటారు.
కావలసిన పదార్థాలు:
బంగాళాదుంపలు - 2
గోధుమ పిండి - 2 కప్పులు
పసుపు - ¼ స్పూను
కారం - ¼ స్పూను
ధనియాల పొడి - 1 స్పూను
కొత్తిమీర తరుగు - 2 స్పూన్లు
ఉప్పు - రుచికి తగినంత
నూనె - వేయించుకోవడానికి తగినంత
తయారీ విధానం:
బంగాళాదుంపలను ఉడికించి, తొక్క తీసి మెత్తగా చేయాలి. ఒక గిన్నెలో గోధుమ పిండి, పసుపు, కారం, ధనియాల పొడి, కొత్తిమీర తరుగు, ఉప్పు, మెత్తగా చేసిన బంగాళాదుంపలు వేసి బాగా కలపాలి. కలుపుతున్నప్పుడు కొద్దిగా నూనె వేస్తే మరింత రుచిగా ఉంటుంది. పిండిని కట్టగా కలిపి, 15-20 నిమిషాలు పక్కన పెట్టాలి. పిండి నుండి చిన్న ముద్దలు తీసి పూరీలులా రోల్ చేయాలి. వేడి నూనెలో పూరీలు వేసి రెండు వైపులా బంగారు రంగు వచ్చే వరకు వేయించాలి. క్రిస్పీ ఆలూ పూరీ రెడీ!
సూచనలు:
పూరీలను తయారు చేసేటప్పుడు పిండిని చాలా గట్టిగా లేదా చాలా నీరుగా ఉండకుండా చూసుకోవాలి.
పూరీలను వేయించేటప్పుడు నూనె మరీ వేడిగా లేదా చల్లగా ఉండకూడదు.
Read more: KTR Case: నేను సాదాసీదా వ్యక్తి కాదు.. కొండా సురేఖను శిక్షించాల్సిందే: కోర్టులో కేటీఆర్‌
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
