Sitaphal Rabdi: సీతాఫల్ రబ్డీ అనేది భారతీయ ఉపఖండంలో ప్రసిద్ధి చెందిన డెజర్ట్. ఈ డెజర్ట్ ను సీతాఫలాలతో తయారు చేస్తారు. సీతాఫలం ఆరోగ్యానికి ఎంతో మేలు చేసే పండు. ఇందులో సహజమైన తీయదనం ఉంటుంది. సీతాఫలం విటమిన్లు, ఖనిజాలు, యాంటీ ఆక్సిడెంట్లతో సమృద్ధిగా ఉంటుంది. ఇది శరీరానికి అవసరమైన పోషకాలను అందిస్తుంది. ఇది సులభంగా తయారు చేసుకొనే డెజర్ట్. ఇది పండుగలు, పార్టీలు లేదా కేవలం ఒక సాధారణ రోజున కూడా తీసుకోవచ్చు.
సీతాఫలం తినడం వల్ల ఆరోగ్యానికి చాలా మంచిదని ఆరోగ్యానిపుణులు చెబుతున్నారు. ఇందులో ఫైబర్ కంటెంట్‌ ఎక్కువగా ఉండటం వల్ల జీర్ణవ్యవస్థకు సహాయపడుతుంది. అలాగే చర్మ సంరక్షణలో కీలక ప్రాత పోషిస్తుంది. మొటిమలు, మచ్చులు, ముడతలు రాకుండా ఉంటాయి.
కంటి చూపుకు కూడా సీతాఫలం ఎంతగానో ఉపయోగపడుతుంది. ఇందులో విటమిన్‌ ఎ సమృద్ధిగా లభిస్తుంది. కంటి సమస్యలు ఉన్నవారు ఈ పండును ఆహారంలో భాగంగా తినడం వల్ల కంటి చూపు మెరుగా కనిపిస్తుంది. ఇందులో కార్బోహైడ్రేట్లు అధికంగా ఉండటం వల్ల శరీరానికి శక్తిని అందిస్తుంది.
అయితే సీతాఫలంతో వివిధ రకాల వంటలు తయారు చేసుకోవచ్చు అందులో సీతాఫల్ రబ్డీ ఒకటి. ఇది ఎంతో రుచికరంగా, తీయగా ఉంటుంది. పండు తినడానికి కష్టంగా ఉంటే ఇలా స్వీట్‌ తయారు చేసుకొని తింటే ఎంతో బాగుంటుంది.
సీతాఫల్ రబ్డీ తయారీ విధానం: ఈ స్వీట్‌ కోసం సీతాఫల్ - 2, పాలు (పూర్తి క్రీమ్ పాలు) - 1 కప్పు, చక్కెర - 1/2 కప్పు, బాదం, పిస్తా - కొద్దిగా (చిన్న ముక్కలుగా కోసి), యాలకూర పొడి - రుచికి తగినంత, కేసరి - చిటికెడు ఈ పదార్థాలు ఉపయోగించాలి.
తయారీ విధానం: సీతాఫల్‌ను చక్కగా కడిగి, రెండుగా కోసి, గింజలను తీసివేయండి. ఒక గిన్నెలో తీసుకొని ఫోర్క్‌తో మెత్తగా మాసిపెట్టండి.
ఒక మందపాటి బాణలిలో పాలు పోసి, మంట మీద వేడి చేయండి. పాలు కాస్త చిక్కబడే వరకు మరిగించండి. ఆ తరువాత పాలు చిక్కబడిన తర్వాత చక్కెర వేసి కరిగించండి.
పాలు చక్కెర మిశ్రమంలో మాసిపెట్టిన సీతాఫల్ కలిపి కొద్దిగా ఉడికించండి.రుచికి తగినంత యాలకూర పొడి, కేసరి వేసి కలపండి.
చిన్న ముక్కలుగా కోసిన బాదం, పిస్తాను వేసి అలంకరించండి. ఎంతో సింపుల్‌ గా సీతాఫల్ రబ్డీ రెడీ..
