కాంగ్రెస్ పార్టీ నేత, పంజాబ్ రాష్ట్ర మంత్రి నవ్‌జ్యోత్ సింగ్ సిద్ధూ పాల్గొన్న ఓ ఎన్నికల ప్రచారం ర్యాలీలో పాకిస్తాన్ జిందాబాద్ అంటూ పాక్ అనుకూల నినాదాలు వినిపించడం ఆ పార్టీని ఇరకాటంలో పడేసింది. దీంతో ఏం చేయాలో అర్థం కాని కాంగ్రెస్ పార్టీ.. ఈ వీడియోను ప్రసారం చేసిన జీ న్యూస్‌పైనే ఎదురుదాడి మొదలుపెట్టింది. జీ న్యూస్ ఓ ఫేక్ వీడియోను ప్రసారం చేసిందని కాంగ్రెస్ పార్టీ ఆరోపిస్తున్న నేపథ్యంలో ప్రముఖ మీడియా సంస్థ డీఎన్ఏ ఈ వివాదంపై జీ న్యూస్ ఎడిటర్-ఇన్-చీఫ్ సుధీర్ చౌదరితో మాట్లాడి పలు వివరాలు తెలుసుకునే ప్రయత్నం చేసింది.
