Project K title and Glimpse Released: మూవీ లవర్స్ ఎంతో ఆసక్తిగా ఎదురుచూస్తున్న 'ప్రాజెక్టు కె' గ్లింప్స్ వచ్చేసింది. ఈ మూవీకి కల్కి '2898 ఏడీ’ (Kalki 2898 AD)' అనే టైటిల్ ను ఖరారు చేశారు. ఈ సినిమా టైటిల్, గ్లింప్స్ ను శాన్ డియాగోలోని కామిక్ కాన్ వేడుకలో శుక్ర‌వారం తెల్ల‌వారుజామున విడుదల చేశారు. కొన్ని దుష్టశక్తులు ప్రజలను బందీలను చేస్తే.. వారిని రక్షించే సూపర్ హీరోగా ప్రభాస్ ను చూపించారు. యాక్షన్ సీన్స్ అదిరిపోయాయి. విజువల్ ఎఫెక్ట్ హాలీవుడ్ రేంజ్ లో ఉన్నాయి. ప్రభాస్ ఎంట్రీ అద్భుతంగా ఉంది. చివ‌రిలో 'వాట్ ఈజ్ ప్రాజెక్ట్ కె' అని ఓ వ్యక్తి అడగ్గా వెంటనే టైటిల్ రివీల్ చేయడం ఆకట్టుకుంటోంది.
అమెరికాలో ప్రతిష్ఠాత్మక 'శాన్ డియాగో కామిక్ కాన్’ (San Diego Comic Con)' వేడుకలు జరుగుతున్నాయి. ఈ వేడుకల్లోనే ప్రాజెక్టు-కె మేకర్స్ గ్లింప్స్, టైటిల్‌ని ప్రకటించారు. ఈ ఈవెంట్‌లో ప్రచార చిత్రాన్ని రిలీజ్ చేసిన తొలి ఇండియన్ సినిమాగా ఇది చరిత్ర సృష్టించింది. ఈ కార్యక్రమంలో ప్ర‌భాస్‌తో పాటు క‌మ‌ల్‌హాస‌న్‌, ద‌ర్శ‌కుడు నాగ్ అశ్విన్, నిర్మాత అశ్వ‌నీద‌త్ పాల్గొన్నారు. వీరితోపాటు హీరో రానాకు కూడా అక్కడకు వెళ్లారు.
Also Read: Sreeleela Pics: కిల్లింగ్ లుక్స్‌తో శ్రీలీల మెస్మరైజ్.. ధమకా బ్యూటీ ధూమ్‌ధామ్ పిక్స్
మహానటి తర్వాత నాగ్ అశ్విన్ దర్శకత్వం వహిస్తున్న మూవీ కావడంతో సినిమాపై భారీగానే అంచనాలు ఉన్నాయి. ఈ చిత్రాన్ని వైజయంతీ మూవీస్ బ్యానర్ పై సి. అశ్వినీదత్ సుమారు రూ.600కోట్ల భారీ బడ్జెట్ తో నిర్మిస్తున్నారు. ఇందులో బిగ్ బీ అమితాబ్ బచ్చన్, కమల్ హసన్, దీపికా పదుకొణె, దిశాపటానీ ప్రధాన పాత్రల్లో నటిస్తున్నారు. ఫస్ట్ గ్లింప్స్ లో కమల్ పాత్రకు సంబంధించి ఏదీ రివీల్ చేయలేదు. వచ్చే ఏడాది సంక్రాంతి కానుక ఈ చిత్రాన్ని వరల్డ్ వైడ్ గా రిలీజ్ చేయనున్నారు.
Also Read: Prabhas First look: ఫస్ట్ లుక్ వచ్చేసింది.. మార్వెల్ హీరోలా ప్రభాస్..
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
