Rachamallu Siva prasad reddy firs on YS Sharmila: మాజీ సీఎం జగన్ పై షర్మిల కావాలని ఆస్తులు వ్యవహారంలో అసత్య ఆరోపణలు చేస్తున్నారని మాజీ ఎమ్మెల్యే రాచమల్లు శివప్రసాద్ అన్నారు. ఈ నేపథ్యంలో ఆయన మాట్లాడుతూ.. షర్మిలమ్మ పుణ్యమా.. అని మా అన్న ఇంటి రామాయణం బజారులోకి వచ్చిందని ఆవేదన వ్యక్తం చేశారు. షర్మిల శత్రువులతో కలిసి.. కావాలని జగన్ ను జైలుకు పంపేందుకు కుట్రలు చేస్తున్నారని కూడా మాట్లాడారు. నాలుగు గోడల మధ్య ఉండాల్సిన విషయంను... షర్మిల బజారుకు తీసుకొచ్చిందన్నారు. అదే విధంగా.. ఏపీ కాంగ్రెస్ చీఫ్ షర్మిలమ్మ అనుబందాల గురుంచి మాట్లాడితే.. దెయ్యం వేదాలు వల్లిస్తున్నట్లు ఉందని సెటైర్ లు వేశారు.
ఆస్తులు ఇవ్వనని జగన్మోహన్ రెడ్డి కోర్ట్ కు వెళ్లారనే మాట కల్పితమన్నారు. పెళ్లై ముప్పై ఏళ్ళు అయితే అమ్మగారి ఇంటి నుంచి షర్మిల కు ఏ ఆస్తి వస్తుందని తీవ్రస్థాయిలో మండిపడ్డారు. రాజశేఖర్ రెడ్డి బ్రతికి ఉన్నప్పుడే జగన్, షర్మిల కు సరి సమానంగా ఆస్తులు పంచారన్నారు. ఆ తర్వాత.. తన తండ్రి భాగాలు పంచిన తరువాత కూడా 10 ఏళ్లలో 200 కోట్లు నగదు జగన్ షర్మిల కు ఇచ్చారని గుర్తు చేశారు. షర్మిలమ్మ కు జగన్ బాకీ లేడు.. అయిన చెల్లెలు అనే అభిమానంతో ఒక ఎం.ఓ.యూ జగన్ చేశాడన్నారు.
ఆస్తులు ఈడీ అటాచ్ చేశాక పంపకాలు చేయలేని స్థితిలో జగన్ ఎం.ఓ.యూ చేశాడని, జగన్మోహన్ రెడ్డి కష్టార్జితం లో పంచే ఆస్తి కోసం షర్మిల జగన్ ను బజారులోకి ఈడుస్తుందన్నారు. అన్న ప్రేమతో ఇచ్చే ఆస్తి కోసం చంద్రబాబు, రేవంత్ రెడ్డి, వై.యస్ సునితతో షర్మిల చేతులు కలిపి, కుట్రలు చేస్తుందన్నారు. సరస్వతి పవర్ ఇండస్ట్రీ సంస్థలో షర్మిలమ్మ కు జగన్ పూర్తిగా షర్మిల వాట ఇచ్చేశారన్నారు.
తెలంగాణలో ఒక పార్టీ పెట్టి అక్కడ అంగడి మూసివేసి, ఇప్పుడు ఇక్కడ లేని పోనీ రాద్దతం చేస్తుందన్నారు. ఇది రాజశేఖర్ రెడ్డి ఆస్తులకు సంబంధించిన విషయం కాదని, మాజీ సీఎం జగన్ సొంత ఆస్తి కాజేయాలనే షర్మిల కుట్రులు చేస్తుందన్నారు.
జగన్ పై ఒక్క శాతం కూడా షర్మిలమ్మ కు ప్రేమ, అభిమానం లేదని, కుటుంబ సమస్యను బజారుకి ఈడ్చి.. అన్న ను జైలుకు పంపాలని షర్మిల చూస్తుందని మాజీ ఎమ్మెల్యే మండిపడ్డారు. చంద్రబాబు సొంత తమ్ముడు.. రాంమూర్తి నాయుడు ను గోలుసులతో కట్టేసిన విషయం అందరికి తెలుసన్నారు.
Read more: YS Jagan: టీడీపీవి డైవర్షన్‌ పాలిటిక్స్‌.. 'చంద్రబాబు ఇంట్లో గొడవల్లేవా?
లక్ష్మీ పార్వతి, జూ.ఎన్టీఆర్, పవన్ కళ్యాణ్ భార్యల సమస్యలు ఇలా.. అందరి ఇళ్లలో ఇంటింటి రామాయణం ఉంటుందన్నారు. కానీ వైఎస్ జగన్ ను ప్రజల్లో చెడ్డవాడిగా నిలిపేందుకు షర్మిల, శత్రువులతో కలిసి పావులు కదుపుతోందని కూడా మాజీ ఎమ్మెల్యే రాచమల్లు శివప్రసాద్ సంచలన వ్యాఖ్యలు చేశారు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండిFacebook, Twitter
