Mansoor Ali Khan Son Ali Khan Tughlaq Arrested : தமிழில் பிரபல நடிகராக விளங்கி வரும் மன்சூர் அலி கானின் மகன் துக்ளக், கஞ்சா விற்பனை வழக்கில் கைத் செய்யப்பட்டிருக்கிறார். இது குறித்த முழு விவரத்தை இங்கு பார்ப்போம்.
கடந்த சில நாட்களுக்கு முன்பு கஞ்சா மற்றும் மெத்தபட்டமைன் விற்பனை செய்து வந்ததாக சில பேரை, ஜே ஜே நகர் காவல் நிலைய போலீசார் கைது செய்தனர். அவர்களிடம் நடத்திய விசாரணையின் அடிப்படையில் தான் மன்சூர் அலிகான் மகன் உட்பட நான்கு பேரையும் பிடித்து விசாரணை செய்துள்ளனர் போலீசார்.
நேற்று காலை திருமங்கலம் காவல் நிலையம் வரவழைக்கப்பட்ட அலிகான் துக்ளக் மற்றும் அவரது நண்பர்களான சேது சாகிப், முகமது ரியாசுதீன், பைசல் அகமது ஆகியோரிடம் நேற்று ஒரு நாள் முழுவதுமே திருமங்கலம் போலீசார் விசாரணை நடத்தினர். 12 மணி நேர விசாரணைக்கு பிறகு அவர் கைது செய்யப்பட்டிருக்கிறார்.
போலீசார் நடத்திய விசாரணையில் ஒஜி கஞ்சா, ஓபியம் மற்றும் மெத்தபட்டமைன் ஆகிய போதைப் பொருட்களை பயன்படுத்தியதும் விற்பனை செய்ததும் தெரிய வந்ததை அடுத்து அவர்கள் நான்கு பேரையும் கைது செய்துள்ளனர் திருமங்கலம் போலீசார். அவ்வப்போது சர்ச்சைக்கு உள்ளாகும் மன்சூர் அலிகானின் மகன் போதை பொருள் விற்பனையில் தொடர்புடையதாக கைது செய்யப்பட்டு இருப்பது சினிமா வட்டாரத்தில் பரபரப்பை ஏற்படுத்தி இருக்கிறது.
சம்பந்தப்பட்டவர்கள் கைது:
இந்த வழக்கு தொடர்பாக, கல்லூரி மாணவர்கள் உள்பட 7 பேர் ஏற்கனவே முன்னர் கைது செய்யபட்டிருந்தனர். இதையடுத்து, அவர்களிடமிருந்து பறிமுதல் செய்யப்பட்ட செல்போன்களை போலீஸார் ஆய்வு செய்தனர். அதில் பதிவான எண்களை கொண்டு , அவர்களை போலீஸார் ட்ராக் செய்து வாரணை நடத்தினர். சென்னை நுங்கம்பாக்கத்தில் இருக்கும் மன்சூர் அலிகான் வீட்டில், அவரது மகன் துக்ளக் தங்கியிருக்கிறார். இவரது செல்போன் எண்ணும் கைதானவர்களின் போனில் இருந்துள்ளது. இதையடுத்து இவரை கைது செய்து விசாரணை நடத்தி வருகின்றனர்.
துக்ளக், சென்னை நுங்கம்பாக்கத்தில் இருக்கும் ஒரு பிரபல கல்லூரியில், விஸ்காம் படித்து வருகிறார். இவர், ஒரு படத்தில் திரைப்பட துணை இயக்குநராக பணிபுரிவதாகவும் கூறப்படுகிறது. மன்சூர் அலிகான், ஏற்கனவே த்ரிஷாவை இழிவாக பேசியது உள்ளிட்ட சில சர்ச்சைகளில் சிக்கியிருக்கிறார். இதையடுத்து, அவரது மகனும், இப்படி கைதாகியிருப்பது பரபரப்பை ஏற்படுத்தியிருக்கிறது.
மேலும் படிக்க | அண்ணாமலை - உதயநிதி ரகசிய டீலிங்..! காயத்ரி ராகும் சொன்ன Exclusive தகவல்
மேலும் படிக்க | சேற்றை வாரி அடித்த சம்பவம்... அமைச்சர் பொன்முடி சொன்னது என்ன?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
