IND vs NZ 1st T20: நியூசிலாந்துக்கு எதிரான 3 போட்டிகள் கொண்ட ஒருநாள் தொடரின் முதல் போட்டியில் இந்திய அணி 21 ரன்கள் வித்தியாசத்தில் தோல்வியடைந்தது. நியூசிலாந்து 20 ஓவர்களில் 176/6 என்ற வலுவான ஸ்கோரை அடித்த பிறகு, இந்தியா டாப்-ஆர்டர் சரிவைத் சந்தித்தது. மேலும் சூர்யகுமார் யாதவ் (49), வாஷிங்டன் சுந்தர் (50) ஆகியோர் விரைவான ஆட்டத்தால் இந்திய இன்னிங்ஸை மீட்டெடுக்க முயன்றபோதும், இறுதியில் தோல்வியை சந்தித்தது. பவுலிங்கில் இந்தியாவின் இடது கை வேகப்பந்து வீச்சாளர் அர்ஷ்தீப் சிங் கடைசி ஓவரில் 27 ரன்களை விட்டுக்கொடுத்தது அணிக்கு தோல்வியை தேடி தந்தது.
மேலும் படிக்க | இந்திய அணியுடன் தோனி... சொந்த ஊரில் சர்ப்ரைஸ் கொடுத்த 'தல'
நோ-பால் மற்றும் அர்ஷ்தீப்பை பிரிக்க முடியாத நிலையில் உள்ளது. ஸ்ரீலங்கா தொடரை தொடர்ந்து நேற்றைய போட்டியிலும் நோ பால் வீசினார். கடைசி ஓவரில் ஒரு நோ பால், மூன்று தொடர்ச்சியான சிக்ஸர்கள் மற்றும் ஒரு பவுண்டரியைத் தொடர்ந்து, மிக விலையுயர்ந்த இறுதி ஓவரை வீசினார். முன்னாள் இந்திய பேட்டிங் பயிற்சியாளர் சஞ்சய் பாங்கர் அர்ஷ்தீப் மீது கடும் விமர்சனம் வைத்துள்ளார். இந்த மாத தொடக்கத்தில் இலங்கைக்கு எதிரான முதல் டி20 போட்டியின் போது, இடது கை வேகப்பந்து வீச்சாளர் அர்ஷ்தீப் ஒரு ஓவரில் மூன்று நோ-பால்களையும், இன்னிங்ஸ் முழுவதும் நான்கு நோ-பால்களையும் வீசினார்.
“அர்ஷ்தீப் இன்று மிகவும் பயனுள்ளதாக இல்லை. அவர் பேட்டர்களை தொந்தரவு செய்யும் அந்த வைட் யார்க்கர்களுக்கு பெயர் பெற்றவர், ஆனால் இன்று அவர் பெரும்பாலும் ஸ்லாட்டில் பந்துவீசினார். அவர் தனது பந்துவீச்சைப் பற்றி கொஞ்சம் யோசித்து புத்திசாலித்தனமாக முடிவுகளை எடுக்க வேண்டும் என்று நினைக்கிறேன். இது ஒரு பயணம். உங்களுக்கு நல்ல தொடக்கம் இருக்கலாம் ஆனால் உங்கள் திறமைகள் சோதிக்கப்படும் விளையாட்டுகள் இருக்கும். நீங்கள் உங்களை எவ்வளவு நம்புகிறீர்கள் மற்றும் அடிப்படைகளில் வேலை செய்கிறீர்கள் என்பது உங்களைப் பொறுத்தது. இந்த காரணிகளில் அவர் செயல்பட்டால், அவர் ஒரு சிறந்த பவுலராக வெளிவரலாம்,” என்று சஞ்சய் பாங்கர் கூறினார்.
மேலும், முன்னாள் இந்திய வீரர் முகமது கைஃப், அர்ஷ்தீப் தனது நோ-பால் பிழைகளை சரிசெய்ய தனது ரன்-அப்பைக் குறைக்க பரிசீலிக்க வேண்டும் என்று கூறினார். “அர்ஷ்தீப்புக்கு நீண்ட ரன்-அப் உள்ளது, அங்கே சக்தியை வீணடிக்கிறார். எனவே, அந்த ஓவர்-ஸ்டெப் நோ-பால்களுக்கு முக்கிய காரணம் அவரது நீண்ட ரன்-அப். எனவே, அவர் அடிப்படை விஷயங்களில் வேலை செய்ய வேண்டும் மற்றும் சற்று நிதானமாக இருக்க வேண்டும். அவர் ஒரு நல்ல பந்து வீச்சாளர்” என்று கைஃப் கூறினார்.
மேலும் படிக்க | IND vs NZ: பார்மில் கில்... பாவம் பிருத்வி ஷா - ஹர்திக் பாண்டியா கூறுவது என்ன?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
